Edwein 109:18 - AHYERƐLƐ KRONGRON

¹⁸ Ɔfale amoenwaa yɛle kyɛ ataadeɛ wurale, yiti maa ɔmeme hɔ ye nwonaen nu kyɛ nzue, kyɛ ngoo oowura ye mmowue nu.

Edwein 109:18 Iomraidhean Croise

YOB NWOMAA NE 29:14

Mvale nahorɛlilɛ ngerale, na ɔyɛle me tena, na me ndɛenbualɛ turoloo yɛle kyɛ m’ataadeɛ aguasoɛ ne m’abotire.

Edwein 109:19

Maa ɔyɛ kyɛ ɛtena bɔ ɔkera ɔ, kyɛ abɔsoɛ bɔ ɔbɔ ye daa ɔ.

Edwein 73:6

Yiti bafa anwomasoɛ baya kyɛ akomuade; bahera basabasayɔlɛ kyɛ ɛtena.

Numeri 5:22

Afei nzue he bɔ ɛnomalɛ wɔ nu ye oogua wɔ kunu ma mogya tu wɔ ná ɛpɔ baa!’ Na odi kyɛ braa ne ka kyɛ, Amen, Amen.’

Numeri 5:27

Sɛ ɔma braa ne no nzue ne yie, ná sɛ braa ne wafi ohu asi waagua ye nwo fiɛ a, ye de nzue bɔ ɛnomalɛ wɔ nu ne kowurawura ye nu kɔma ye nwo kotutu ye paa. Mogya kotu ye, ɔkɔpɔ baa, na ye mmenia mɔ konwu kyɛ ɔte sona bɔ AWURADE anoma ye ɔ.

Mateo 26:24

Sona Awa ne ɔ́kɔ kyɛbɔ bahyerɛ bafa ye nwo ne, nakoso kuro sona bɔ ɔkɔye Sona Awa ne kɔma ne de, ye yaakɔ! Sɛ banwo sɔ sona ne po a, ahaa ɔte paa ma ye!”

Asomafoɛ 1:18

(Sɔ Yudase ne, ɔfale sikaa bɔ onya fili ye amumuyɛɛ ne anu tɔle aseɛ, na ye kɔme ɔɔwɔle berɛ nen, ye ko pakyele, na ye nyaa mukoraa tu guale.

Asomafoɛ 1:25

kyɛ ɔyɛ asomafoɛ adwuma ne osi Yudase, bɔ ofili yɛ nu tele ye nwo hɔle nekaa bɔ ɔsɛ kyɛ ɔkɔ ɔ ne gya nu.”

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

Kolosefoɛ 3:8

Nakoso kekesaala ye de, ɛ́mɔgyi ɛhemɔ amukoraa bégua: ɛyaafɛlɛ, ahone tɛɛ, ɛpɔen, musue dwirɛ ne edwudwolɛ fiɛ.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.