Edwein 109:14 - AHYERƐLƐ KRONGRON

¹⁴ Mesrɛ kyɛ AWURADE ɔkaye ye nana mɔ b’amumuyɛɛ wɔ ye nyunu, yeɛ nnɛmaa okyikyi oni bɔne fi berɛ.

Edwein 109:14 Iomraidhean Croise

2 Samuel 21:1

Mmerɛ bie, ɛhɔen piri bie wale toonn afoɛ nza wɔ Dawide aberɛ so. Dawide fa tole AWURADE nyunu, na AWURADE buale ye kyɛ, “Mogya nwo foɛlilɛ la Sɔɔlo ne ye awuro ama so, ɔnate kyɛ ohuhuni Gibeonfoɛ.”

2 Samuel 3:29

Ye nwo foɛlilɛ kɔbɔ Yoabo ti so, ɔne ɔse abusuafoɛ bɛ ti so. Sona bɔ ye bienzua fiti, anaa kwataniɛ, anaa sayɛɛ, anaa bɔ ɔtɔ ngrandɛ noa, anaa bɔ ye noa aleɛ abɔ ye ne, ebie ngɔpa Yoabo awuro le!”

2 Ahemvo 11:1

Afei mmerɛ bɔ Ahasia oni Atalia tele kyɛ ɔwa bienzua Ahasia watɔ ne, ɔhyɛle ye bo kyɛ okũkũ nnehyeɛ nemɔ amukoraa.

2 Ahemvo 8:27

Ahabo boso ama bɔ belili bia ne, bɔne bɔ bɛyɔle ne, ye koso ɔyɔle bie. Ɔyɔle bɔ ɔte bɔne wɔ AWURADE nyunu ɔ, kyɛbɔ Ahabo boso ama bɛyɔle ne ala, ofikyɛ né Ahabo awuro ama bɛ sia bienzua ɛne.

2 Ahemvo 9:27

Mmerɛ bɔ Yuda hene Ahasia nwuni bɔ ɔkɔ so ne, ɔfale ye nye hyirele Bete Hagan atee so kyɛ ɔnwati. Yehu foane ye, na Yehu hane kyɛ, “Ɛ́mɔto agyaen behũ ye koso.” Na bɛtole agyaen bɛwɔle ye wɔ teaseɛnam ne anu wɔ Gure pambaa bɔ opingye Yiblim ne aso. Yeɛ Ahasia nwati hɔle Megido, na oowuli dɔ.

Nehemia 4:5

Nnebu wɔ nye gua b’amumuyɛɛ so. Nnɛma bɛ bɔne kyikyi fi wɔ nyunu, ofikyɛ bagyina suasilɛfoɛ nemɔ nyunu bawura wɔ apue maa afɛ yaa.”

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 34:7

bɔ ye dɔ bɔ onni ngasi wɔ berɛ ma mmenia apee apee, bɔ ɔfa amumuyɛɛ ne mmeraatolɛ ne bɔne kyɛ ɔ. Nakoso ɔmma sona bɔ odi fɔ ne ɔmva ye nwo tɔtorɔtɔɔ, na ɔprapra seɛ mɔ bɔne nwo asohwenɛ gua bɛ mma mɔ ne bɛ nnomaa mɔ so, maa okodwu aworɛ ndoatoasoɛ nza ne nna so.”

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Yeremia 18:23

Nakoso, ao AWURADE, ɛse bɛ porɛ amukoraa bɔ babɔ kyɛ bekohũ me ɔ. Nnɛfa b’amumuyɛɛ kyɛ bɛ, yeɛ nnɛkyikyi bɛ bɔne fi wɔ nyunu. Na mmom maa befi ase wɔ wɔ nyunu; ɛne bɛ li wɔ wɔ yaafɛlɛ mmerɛ nu.

Lewitikɔso 26:39

Na ɛmɔ nu mmenia bɔ bekonya bɛ ti bekodidi nu ne, ɔnate b’amumuyɛɛ ti, bɛ nwo kɔhyere bɛ wɔ ɛmɔ pɔfoɛ mɔ aseɛ so. Afei ɔnate bɛ nana mɔ amumuyɛɛ ti, bɛ bɔ banya bɛ ti badidi nu ne, bɛ nwo kɔhyere bɛ.