Edwein 109:13 - AHYERƐLƐ KRONGRON

¹³ Ma ye boso ama bɛ boso onua, nnɛmaa bɛkaye bɛ dumaa wɔ aworɛ ndoatoasoɛ bɔ ɔtoa so ne anu.

Edwein 109:13 Iomraidhean Croise

1 Ahemvo 16:11

Simri fale bia ne lili pɛ, ohuhuni Baasa abusuafoɛ amukoraati. Wanyakyi Baasa abusuaniɛ bienzua anaa ye damvo ko po maa wanya ye ti wannidi nu.

Ɛseta 9:10

Hamedata awa Haman bɔ ɔpɔ Yudafoɛ ne, ye mma mmienzua buru mɔ ɛne, nakoso bɛ nningyein de, bamva bɛ sa banga ye.

YOB NWOMAA NE 18:17

Ye nwo ngayeɛ komini kofi aseɛ ye aso, na ebiala ngɔkaye ye dumaa wɔ aseɛ ye aso le.

YOB NWOMAA NE 18:19

Ongonya mmaa anaa ye bosofoɛ wɔ ye abusua nu, na nekaa bɔ né ɔte daa ne, ebiala ngonya ye ti ngodidi nu.

Edwein 21:10

Ekonua bɛ mma boso kofi aseɛ ye aso, ɔne bɛ boso ama kofi adasa mmaa nu.

Edwein 21:11

Sɛ bɛbɔ wɔ nwo porɛ, yeɛ sɛ bɛfa wɔ nwo adwene tɛɛ a, ɔngɔyɛ yé.

Edwein 37:28

Ofikyɛ AWURADE kuro ndɛenbualɛ turoloo, na ɔngɔpo ye anwoteefoɛ. Ɔkɔbɔ anwoteefoɛ nwo waen afebɔɔ, nakoso bɔnefoɛ boso ama de, bɛ boso konua.

Anyandera 10:7

Teneneeniɛ nwo ngayeɛ ɔte saleɛ, nakoso bɔnefoɛ de, ye dumaa komini.

Yeremia 22:30

Bɔ AWURADE kã ɛhe: “Ɛmɔhyerɛ bɛfa biaa he anwo kyɛ, ɔte ebie bɔ olle ba ɔ, biaa bɔ ongoyie ye yé wɔ mmerɛ bɔ ɔte ase, ofikyɛ ongoyie ye boso ama nu biala yé maa ɔngɔtena Dawide ahennie bia so, bɔ okosa koli hene wɔ Yuda ɔ.”

Numeri 27:4

Nzu ati yeɛ ɔnate kyɛ yɛ baba wanwo baa bienzua ne ati, odi kyɛ bɛma ye dumaa mini wɔ ye abusua nu ɔ? Yɛ baba aliɛma mmienzua nemɔ b’agyapadeɛ deɛ ne, fa nu bie ma yɛ.”

Deuteronomi 25:19

Yiti sɛ AWURADE wɔ Nyameɛ ma wɔ nwo tɔ wɔ fi wɔ pɔfoɛ amukoraati bɔ bapɛ wɔ nwo bayia ne sa nu, wɔ aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso a, kyikyi Amalɛkefoɛ bɛ boso bɔkɔɔ fi ewiase. Nnɛma wɔ wora fi!

Deuteronomi 29:20

ye de AWURADE ngɔfa sɔ sona ne nwo ngɔhyɛ ye, ofikyɛ AWURADE ɛyaafɛlɛ ne nungunɛ kɔyera ye kyɛ see. Musue mukoraati bɔ bahyerɛ ye nwomaa he anu ne kɔto ye, na AWURADE kokyikyi ye dumaa kofi aseɛ ye aso.

Deuteronomi 9:14

Yakyi me ma ngu bɛ, ná ngyikyi bɛ dumaa mvi aseɛ ye aso; na ngɔmaa ɛkɔyɛ maen pirikua bɔ ye nwo yɛ se tra bɛ ɔ.’

1 Samuel 3:13

Mahã mahyire ye kyɛ mebaatua ye abusua so kerɛ afebɔɔ, ɔnate amumuyɛɛ bɔ ɔse ne ati; ofikyɛ ye mma nemɔ yɔle nningyein bɔ ɔte akyiwadeɛ wɔ AWURADE nyunu ne, wanyɔ bɛ huu.