Edwein 109:12 - AHYERƐLƐ KRONGRON

¹² Nnɛma ebiala yɛ ye paa, yeɛ nnɛma ebiala nwu ye mma ayisiaafoɛ nemɔ anwumvoin.

Edwein 109:12 Iomraidhean Croise

YOB NWOMAA NE 5:4

Asane li ye mma mɔ mvanvando, bebua bɛ ndɛengyea wɔ mbanyi nyunu, bɔ ebiala mbepɛ nne bɛ ɔ.

Yesaya 13:18

B’agyaen kohũhũ mmerandeɛ nemɔ, bengonwu nnɔma mɔ anwumvoin, yeɛ ngwadaa koso ngɔyɛ bɛ anwumvo.

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 9:17

Ye sɔ ne ati, AWURADE nye ngɔgye bɛ mmerandeɛ nemɔ nwo, yeɛ ongonwu bɛ nyisiaa ne b’akunafoɛ mmrasua anwumvoin; ofikyɛ bɛ mukoraa benzuro Nyameɛ, bɛte bɔnefoɛ, na ebiala kekã ngwaseasɛm. Na ɛhemɔ amukoraa nu ne, AWURADE ahone andɔ nzue nu, na ɔtɛ dwɔso tia bɛ.

Mateo 27:25

Na maen ne amukoraa bebuale kyɛ, “Ye mogya ɔ́bɔ yɛ ne yɛ mma mɔ ti so!”

Luka 6:38

Ɛ́mɔfa bɛ́ma, na bɛkɔfa bɛkɔma ɛmɔ; asusudeɛ paa bɔ bamiamia so, bɔ bawoso ye, bɔ wayi wabo so ɔ yeɛ bekohwie bekogua ɛmɔ tena nu ɔ. Ofikyɛ asusudeɛ bɔ ɛmɔfa besusu ne, sɔ asusudeɛ ne ala yeɛ bɛkɔfa bekosusu bɛkɔma ɛmɔ ɔ.”

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.