Edwein 109:1 - AHYERƐLƐ KRONGRON

¹ Ao me Nyameɛ bɔ meye wɔ ayɛ ɔ, nnɛmua wɔ noa,

Edwein 109:1 Iomraidhean Croise

Edwein 118:28

Wɔ yeɛ ɛte me Nyameɛ ɔ, ngɔye wɔ ayɛ; wɔ yeɛ ɛte me Nyameɛ, ngɔpagya wɔ.

Edwein 28:1

Ao AWURADE, wɔ yeɛ mesu mefrɛ wɔ ɔ, me nyɔbotaen, nnɛtuatua wɔ so bɔ ɛngɔtɛ me so ɔ, ofikyɛ sɛ andɛ me so a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 83:1

Ao Nyameɛ, nnɛkã wɔ noa to nu; ao Nyameɛ, nnɛmua wɔ noa, yeɛ nnɛyɛ konn!

Edwein 83:2

Ofikyɛ wɔ pɔfoɛ mɔ bɛyɛ bagyabagya, bɛ bɔ bekyi wɔ nemɔ, bɛyɛ lɔen.

Ɛksadɔso 15:2

AWURADE te m’anwoserɛ ne me dwein, na wayɛ me ngoadefoɛ. Ɔte me Nyameɛ, na ngɔye ye ayɛ, me baba Nyameɛ ɛne, na ngɔma ye so.

Yesaya 42:14

Ngane me noa ndole nu ɔ wahyɛ, mayɛ konn, na mafa me yaafɛlɛ ne makongɔm berɛ, nakoso kekesaala ye de, ngɔtea nu kyɛ brasua bɔ wafo aworɛ so ɔ, ngɔtee so, ná male nwomeɛ ngoko ngoko.

Yeremia 17:14

Ao AWURADE, sa me anwonyerɛ, na ngɔte apɔ; pepɛ de me, na ngonya ngoa, ofikyɛ wɔ yeɛ ɛte m’ayɛyelɛ ɔ.

Deuteronomi 10:21

Ye yeɛ ɔfata w’ayɛyelɛ ɔ; ye yeɛ ɔte wɔ Nyameɛ bɔ wayɔ nningyein mbiri mbiri ne anwanwadeɛ nningyein hemɔ wama wɔ ɔ, nningyein bɔ wɔ nye tua ye.