Edwein 108:5 - AHYERƐLƐ KRONGRON

⁵ Ao Nyameɛ, kyire kyɛbɔ esi te piri ɔ wɔ anwuro anwuro. Ma w’animnyam kata aseɛ so amukoraa.

Edwein 108:5 Iomraidhean Croise

Edwein 148:13

Odi kyɛ bɛye AWURADE dumaa ne ayɛ, ofikyɛ ye ngome yeɛ ye dumaa te piri ɔ; ye animnyam trɛ ɔbo aseɛ ne nyameɛso so.

Edwein 21:13

Ao AWURADE, gyina w’anwoserɛ so ma wɔ nwo so! Yɛkɔto dwein yɛkɔye wɔ tumi ne ayɛ.

Edwein 57:11

Ao Nyameɛ, kyire kyɛbɔ esi te piri ɔ wɔ anwuro anwuro. Ma w’animnyam kata aseɛ so amukoraa.

Edwein 57:5

Ao Nyameɛ, kyire kyɛbɔ esi te piri ɔ wɔ anwuro anwuro! Ma w’animnyam kata aseɛ ye aso amukoraa.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 8:1

Ao AWURADE, yɛ Mene, wɔ dumaa piri paa ne kata aseɛ ye aso amukoraa! Wɔ bɔ w’animnyam wɔ ewienu anwuro anwuro ɔ!

Yesaya 6:3

Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]