Edwein 108:4 - AHYERƐLƐ KRONGRON

⁴ Ofikyɛ wɔ ɔdɔ bɔ onni ngasi ne, ye piri kɔ anwuro tra ewienu dɔ paa, yeɛ wɔ nahorɛlilɛ ne, okodwu munungum nemɔ anu dɔ.

Edwein 108:4 Iomraidhean Croise

2 Samuel 22:50

Yiti, O AWURADE, ngɔkamvo wɔ wɔ maen maen mɔ so, ná mabɔ wɔ dumaa mato ayɛyelɛ dwein.

Edwein 103:11

Na kyɛbɔ anwuro ne aseɛ b’afia si wale ne, sɔ ala yeɛ ye ɔdɔ bɔ onni ngasi ne ɔte piri ma bɛ bɔ besuro ye ɔ.

Edwein 113:4

AWURADE wɔ anwuro anwuro tra maen maen amukoraa, na ye animnyam kɔ anwuro tra ewienu.

Edwein 36:5

Ao AWURADE, wɔ ɔdɔ bɔ onni ngasi ne, ɔkɔkã ewienu dɔ paa, yeɛ wɔ nahorɛlilɛ ne, okodwu munungum nemɔ anu.

Edwein 85:10

Ɔdɔ bɔ onni ngasi ne, ɔne nahorɛlilɛ bekoyia; tenenee ne asomdwee bɛkɔyɛ bɛ nwo awaawaatuu.

Edwein 89:2

Ofikyɛ mahã kyɛ, Ɔdɔ bɔ onni ngasi ne, ye bo atindim afebɔɔ; wɔ nahorɛlilɛ ne, ama ye bo atimu wɔ nyameɛso.

Edwein 89:5

Ao AWURADE, nyameɛso kɔkamvo w’anwanwadeɛ, bɛkamvo wɔ nahorɛlilɛ wɔ krongronfoɛ badwa nu.

Yesaya 55:9

Na kyɛbɔ anwuro wɔ anwuro anwuro tra aseɛ ne, sɔ ala yeɛ m’atee bo ɛmɔ atee deɛ so ɔ, na m’adwene koso bo ɛmɔ adwene so.