Edwein 104:3 - AHYERƐLƐ KRONGRON

³ Wɔ sua mbuna mɔ, begyigyi nzue mɔ so, ɛfa munungum yɛ wɔ teaseɛnam, na mvrama ye ndaa so yeɛ ɛnate ɔ.

Edwein 104:3 Iomraidhean Croise

2 Samuel 22:11

Ɔtenane kɛrubo so tuli, na benwuni ye wɔ mvrama ye ndaa so.

Edwein 139:9

Sɛ mefa ngyerɛmɔ ye ndaa metu, na mekɔtena ɛpo ye noa nziɛ nziɛ dɔ a,

Edwein 148:4

Ɛmɔ, nyameɛso anwuro anwuro, ɛ́mɔye ye ayɛ, yeɛ ɛmɔ, nzue nzue bɔ ɛmɔwɔ ewienu anwuro ɔ, ɛmɔ koso sɔ ala.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Amose 9:6

Ye bɔ osi ye aborɔsaen wɔ ewienu, ná ɔfa ye ngatasoɛ obutu aseɛ so; ye bɔ ɔfrɛfrɛ ɛpo nu nzue, ná ohwie bɛ gua aseɛ ye aso ne, ye dumaa ole AWURADE.

Nahum 1:3

AWURADE ahone onhu ndɛ, ye tumi te piri; na ongobua bɔ odi fɔ ɔ be le. AWURADE atee la mvrama bɔ ɔpɛ ye nwo, ɔne mvrama bɔ otu serɛserɛ ɔ nu, na munungum te ye gya bo mvuture.

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Deuteronomi 33:26

“Yesurun Nyameɛ ne, nyameɛ biala nne berɛ bɔ ɔte kyɛ ye ɔ, ye yeɛ ɔnate ye tumi piri so fa munungum nu, ná ɔfa ewienu baboka wɔ ɔ.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.