Edwein 104:1 - AHYERƐLƐ KRONGRON

¹ Ao me kra, ye AWURADE ayɛ. Ao AWURADE me Nyameɛ, ɛte piri paa. Afa animnyam ne ahennie nu animnyam ahera.

Edwein 104:1 Iomraidhean Croise

Edwein 103:22

AWURADE sa noa nnwumaa amukoraa, ɛ́mɔye ye ayɛ wɔ nekaa biala bɔ odi hene ɔ. Ao me kra, ye AWURADE ayɛ!

Edwein 104:35

Ma bɔnefoɛ bewuwu befi aseɛ so, nnɛma amumuyɛɛfoɛ bɛtena ngoa nu ko. Ao me kra, ye AWURADE ayɛ. Kamvo AWURADE!

Edwein 145:3

AWURADE te piri, na ɔfata ayɛyelɛ piri paa; ye piri ne bo sona ndeaseɛ so.

Edwein 7:1

Ao AWURADE me Nyameɛ, wɔ nu yeɛ menwati mebafea ɔ, bɛ bɔ bɛfoa me ne amukoraa, de me fi bɛ sa nu, ná pepɛ de me.

Edwein 93:1

AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Edwein 95:3

Ofikyɛ AWURADE te Nyameɛ piri, ɔte Ɛhene piri bɔ ɔtra nyameɛ mɔ amukoraa ɔ.

Edwein 96:6

Anidie ne animnyam wɔ ye nyunu, na tumi ne nyemene wɔ ye nekaa krongron berɛ.

Yesaya 59:17

Ofikyɛ ɔfale tenenee wurale kyɛ buralɛ bɔ ɔkata bɛ hue so ɔ, yeɛ ɔfale ngoalelɛ buralɛ kyerɛ wurale ye ti; ɔfale wereɛtɔlɛ ataadeɛ wurale, na ɔfale nungunɛhwenɛ herale kyɛ ɛtena.

Yeremia 23:24

Aso ebie kɔhora kɔfea wɔ mvealeɛ nu bɔ mengonwu ye ɔ? AWURADE noa dwirɛ ɛne. Aso menyi nyameɛso ne aseɛ so tɛkyɛ anaa? AWURADE noa dwirɛ ɛne.

Daniel 7:9

Na ngu so bɔ menea ne, nwuni kyɛ bafa ahennie bia mɔ baasiesie berɛ, na Bɔ Ɔwɔ Berɛ Fi Tetetete ne ɔɔtenane ase, ye tena ne te fufue kyɛ nwera, yeɛ ye ti nwiaa te horaenn kyɛ gyese; ye bia ne te see bɔ ogye wuronyiwuronyi ɔ, na ye bia kɔba nemɔ, bɛte see bɔ ɔsɔ ɔ.

Daniel 9:4

Mmɔle mbaeɛ ngyirele AWURADE me Nyameɛ, na nne ndole nu ngane ye pefee kyɛ, “O AWURADE, Nyameɛ piri bɔ ye nwo yɛ suro, bɔ odi apam ne ɔdɔ bɔ onni ngasi ɔ so ma bɛ bɔ bekuro ye dwirɛ ɔne bɛ bɔ bedi ye mmeraa dwirɛ so ɔ;

Habakuku 1:12

Ao, AWURADE me Nyameɛ, me Krongronniɛ, aso nna wɔ yeɛ ɛwɔ berɛ fi tetetete bɔ olle ahyɛaseɛ ɔ? Yɛngowu. Ao AWURADE, atu bɛ asie berɛ kyɛ bebua yɛ ndɛen; ao Nyɔbotaen, ama bɛ bo atimu kyɛ bɛhwe yɛ so.