Edwein 103:6 - AHYERƐLƐ KRONGRON

⁶ Bɛ bɔ ebiemɔ hyɛ bɛ so ne, AWURADE di bɛ mukoraa bɛ dwirɛ ma bɛ, na obua ndɛen turoloo ma bɛ.

Edwein 103:6 Iomraidhean Croise

Edwein 109:31

Ofikyɛ ogyi sona bɔ ɔyɛ anwumvo ɔ ye sa famaa so, kyɛ ode ye fi bɛ bɔ babua ye ewue foɛ ɔ bɛ sa nu.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 146:7

Sona bɔ besisi ye ne, ye yeɛ odi ye dwirɛ ma ye ɔ, na ye yeɛ ɔma bɔ ɛhɔen ku ye ɔ aleɛ ɔ. AWURADE ma kukunufoɛ benya fawɔnwodi.

Edwein 35:10

Me mmowue amukoraa kɔhã kyɛ, “Ao AWURADE, nwa yeɛ ɔte kyɛ wɔ ɔ? Wɔ bɔ ɛpepɛ de sona bɔ ɔyɛ anwumvo fi ebie bɔ ɔkora ye ɔ sa nu ɔ; wɔ bɔ ede sona bɔ ɔyɛ anwumvo ne ehianiɛ fi ebie bɔ osisi ye ɔ sa nu ɔ.”

Edwein 72:12

Ofikyɛ bɛ bɔ bɛyɛ anwumvo, ehiafoɛ ne bɛ bɔ belle bokafoɛ ne, besu bɛfrɛ ye a, ɔkɔpepɛ kole bɛ.

Edwein 72:4

Maa oli maen ne anu ehiafoɛ bɛ dwirɛ ɔma bɛ; maa ɔpepɛ ole bɛ bɔ bɛyɛ anwumvo ɔ, ná obubu aminɛlilɛfoɛ nu gɔsɔgɔsɔ.

Edwein 9:9

AWURADE te anwoserɛ afealeɛ ma bɛ bɔ ebiemɔ hyɛ bɛ so ɔ, anwoserɛ afealeɛ wɔ amaneɛnwunɛ mmerɛ nu.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 23:10

Nnɛtutu daa tete ɛwɛen, yeɛ nnɛpimbi nyisiaa mɔ b’aseɛ,

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Luka 14:22

Yeɛ somvoɛ ne hane kyɛ, ‘Me mene, mayɔ bɔ ɛhyɛle ne, nakoso nekaa bieku tɛwɔ berɛ.’

Yakobo 2:6

Nakoso ɛmɔbu ehianiɛ animtia! Aso nna sikafoɛ yeɛ bɛhyɛ ɛmɔ so ɔ, aso nna bɛ yeɛ bɛtwe ɛmɔ bɛkɔ badwafoɛ nyunu ɔ?