Edwein 103:11 - AHYERƐLƐ KRONGRON

¹¹ Na kyɛbɔ anwuro ne aseɛ b’afia si wale ne, sɔ ala yeɛ ye ɔdɔ bɔ onni ngasi ne ɔte piri ma bɛ bɔ besuro ye ɔ.

Edwein 103:11 Iomraidhean Croise

YOB NWOMAA NE 22:12

“Aso nna nyameɛso anwuro anwuro yeɛ Nyameɛ wɔ ɔ? To wɔ nye nea anwuro anwuro nzramaa mɔ, ná nwu kyɛbɔ besi bɛwɔ dededede ɔ!

Edwein 103:17

Nakoso AWURADE ye ɔdɔ bɔ onni ngasi ne, ɔwɔ berɛ ofi tetetete bɔ ɔkwaadwu afebɔɔ ma bɛ bɔ besuro ye ɔ, na ye tenenee wɔ berɛ ma bɛ mma ne bɛ nnomaa mɔ;

Edwein 117:2

Ofikyɛ ye ɔdɔ bɔ onni ngasi bɔ ole ye ma yɛ ne, ɔte piri, na AWURADE nahorɛlilɛ ne ɔwɔ berɛ afebɔɔ. Ɛ́mɔye AWURADE ayɛ!

Edwein 31:20

Wɔ natelɛ bɔ ɛne bɛ nate ne, ɔbɔ bɛ nwo waen fi mmenia bɛ porɛ bɔ babɔ ɔ nwo; ɛfa wɔ ndaa butu bɛ so ede bɛ fi ngɔngɔnzaafoɛ sa nu.

Edwein 36:5

Ao AWURADE, wɔ ɔdɔ bɔ onni ngasi ne, ɔkɔkã ewienu dɔ paa, yeɛ wɔ nahorɛlilɛ ne, okodwu munungum nemɔ anu.

Edwein 57:10

Ofikyɛ wɔ ɔdɔ bɔ onni ngasi ne, ye piri kɔka ewienu dɔ paa, yeɛ wɔ nahorɛlilɛ ne, okodwu munungum nemɔ anu.

Edwein 89:2

Ofikyɛ mahã kyɛ, Ɔdɔ bɔ onni ngasi ne, ye bo atindim afebɔɔ; wɔ nahorɛlilɛ ne, ama ye bo atimu wɔ nyameɛso.

Anyandera 25:3

Kyɛbɔ nyameɛso si wale kɔ anwuro, ná aseɛ bo dɔ kɔ kuronn ne, sɔ ala yeɛ sɛ ɛfeefee bɔ ɔwɔ ahemvo mɔ ti anu a ɔnyɛ yee ɔ.

Yesaya 55:9

Na kyɛbɔ anwuro wɔ anwuro anwuro tra aseɛ ne, sɔ ala yeɛ m’atee bo ɛmɔ atee deɛ so ɔ, na m’adwene koso bo ɛmɔ adwene so.

Luka 1:50

Na ye anwumvoinnwunɛ ne, ɔwɔ bɛ bɔ besuro ye ɔ so, wɔ aworɛ ndoatoasoɛ amukoraa nu.