Edwein 102:9 - AHYERƐLƐ KRONGRON

⁹ Ofikyɛ medi nzoen kyɛ aleɛ, na mefa me nye moen mefra me nzue,

Edwein 102:9 Iomraidhean Croise

YOB NWOMAA NE 3:24

Me suɛ akakyi m’aleɛ, yeɛ me penelɛ wayɛ kyɛ nzue bɔ behwie begua ɔ.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 42:3

Me nye moen yeɛ wakakyi m’aleɛ eyia ne kɔngɔen ɔ; daa biala mmenia bisa me kyɛ, “Wɔ Nyameɛ ne, ɔwɔ nisua?”

Edwein 69:21

Bɛfale ɛborɔ beguale m’aleɛ nu, yeɛ nzuhɔen ku me ne, bɛmane me nzaa kekarekekare kyɛ nno.

Edwein 80:5

Afa bɛ nye moen ayɛ aleɛ maa bali, yeɛ ama bɛ moen pembepembe maa bano.

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Mika 1:10

Nnɛma ɛmɔbɔ so wɔ Gate, nnɛma ɛmɔsu koraa; ɛ́mɔmunumunu bɛ nwo wɔ mvuture nu wɔ Bete Leafra.

Mika 7:17

Bɛkɔtafe nnɛterɛ kyɛ ewoo, kyɛ ngaka bɔ bɛtwe bɛ nwo ase ɔ. Bele anwopopolɛ bekofi b’anwoserɛ afealeɛ mɔ nu bekofite; bɛkɔfa esuronyi bɛkɔwa AWURADE yɛ Nyameɛ berɛ, na ɔnate wɔ ti bekosuro.