Edwein 102:28 - AHYERƐLƐ KRONGRON

²⁸ Wɔ somvoɛ mɔ, bɛ mma mɔ kɔtena ase asomdwee nu, bɛ boso ama mɔ, bɛ bo kotimu wɔ wɔ nyunu.

Edwein 102:28 Iomraidhean Croise

YOB NWOMAA NE 10:5

Wɔ ngoa ngyẽa, ye somaa ne, ɔte kyɛ sona deɛ anaa? Anaa wɔ ngoa afoɛ, ye somaa ne, ɔte kyɛ sona deɛ anaa;

Edwein 89:4

‘Ngɔma wɔ boso ama bɛ bo kotimu afebɔɔ, na ngɔma w’ahennie ne abo kotimu aworɛ ndoatoasoɛ amukoraa nu.’ Sela

Yesaya 41:4

Nwa yeɛ ɔyɔle sɔ ɔ, ná wamaa ɛhe awa nu ɔ, bɔ ɔfrɛ aworɛ ndoatoasoɛ fi tetetete ɔ? Me ɔ. Me AWURADE bɔ nde ahyɛaseɛ, bɔ nza nde ayieleɛ ne, me ɔ.

Yesaya 43:13

“Me ole Nyameɛ. Ofi tetetete, Me ole Ye, ebiala ngɔhora ngofoti nikyee ngofi me sa nu, sɛ meyɔ nikyee a, nwa yeɛ ɔkɔhora kɔsesã ye ɔ?”

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Yesaya 65:22

Bengosi sua ngɔma sona foforɛ ngɔtena nu ko, yeɛ bengolua ngɔma sona foforɛ ngoli nu aleɛ. Na kyɛbɔ bakaa si nyi kyɛ ne, sɔ ala yeɛ me maen kɔyɛ ɔ, na me mmenia bɔ mapa nu maye bɛ ne, bekodidi bɛ sa noa adwuma nwo bɛkɔhyɛ.

Yesaya 66:22

“AWURADE nwa nyoo: Kyɛbɔ anwuro foforɛ ne aseɛ foforɛ bɔ mebaayɔ ne kɔtena berɛ wɔ me nyunu ne, sɔ ala yeɛ ɛmɔ bosofoɛ ne ɛmɔ dumaa kɔtena berɛ ɔ.

Malaki 3:6

“Ofikyɛ me, AWURADE, menzesã; yiti ɛmɔ, Yakob boso ama, ɛmɔ boso ngonua.

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.