Edwein 102:21 - AHYERƐLƐ KRONGRON

²¹ amaa ɔnate so mmenia babɔ AWURADE dumaa nwo dawure wɔ Sion, ná babɔ ye ayɛyelɛ nwo dawure wɔ Yerusalem,

Edwein 102:21 Iomraidhean Croise

Edwein 22:22

Ngɔbɔ wɔ dumaa ngohyire nniɛma mɔ; ngɔye wɔ ayɛ wɔ badwa nu.

Edwein 79:11

Ma kukunufoɛ bɛ penenɛ bɔ bɛpene ne, odwu wɔ nyunu; gyina wɔ tumi piri ne aso pepɛ de bɛ bɔ bɛbaahu bɛ ne.

Edwein 79:13

Na ɔnate so yɛ bɔ yɛte wɔ maen, mmoaen bɔ yɛdidi wɔ sa nu ne, yɛkɔla wɔ ase afebɔɔ; ofi aworɛ ndoatoasoɛ kɔka aworɛ ndoatoasoɛ, yɛkɔhɔ so yɛkɔye wɔ ayɛ.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Yesaya 51:11

Na bɛ bɔ AWURADE aapɔ bɛ ne, bekosa bɛkɔwa, bɛkɔfa ahurusililɛ bɛkɔwa Sion, anigye afebɔɔ kɔyɛ b’abotire; bekonya anika ne anwosɛpɛ, na aworabɔlɛ ne yealɛlilɛ kotu kofi bɛ so.

Ɛfesofoɛ 3:21

animnyam hã ye wɔ asɔre ne anu ne Kristo Yesu nu wɔ aworɛ ndoatoasoɛ amukoraa nu daa daa afebɔɔ. Amen.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.