Edwein 102:20 - AHYERƐLƐ KRONGRON

²⁰ kyɛ okotie kukunufoɛ bɛ penenɛ, kyɛ ɔkɔpepɛ kole bɛ bɔ bɛbaahu bɛ ɔ,

Edwein 102:20 Iomraidhean Croise

2 Ahemvo 13:4

Nakoso Yehoahase sũ frɛle AWURADE, na AWURADE tiele ye, ofikyɛ AWURADE nwuni kyɛbɔ Siria hene osi teetee Yisraelfoɛ ɔ.

YOB NWOMAA NE 24:12

Mmenia bɔ bɛla awusu ne, yɛte bɛ penelɛ ne nga wɔ kuro piri ne aso, na bɛ bɔ bapira ne, bɛ kra bɔ awuye bɛpena mmokalɛ, nakoso Nyameɛ ndɛ bɛ so.

Edwein 146:7

Sona bɔ besisi ye ne, ye yeɛ odi ye dwirɛ ma ye ɔ, na ye yeɛ ɔma bɔ ɛhɔen ku ye ɔ aleɛ ɔ. AWURADE ma kukunufoɛ benya fawɔnwodi.

Edwein 79:11

Ma kukunufoɛ bɛ penenɛ bɔ bɛpene ne, odwu wɔ nyunu; gyina wɔ tumi piri ne aso pepɛ de bɛ bɔ bɛbaahu bɛ ne.

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Yesaya 14:17

Ye bɔ ɔkakyili ewiase kyɛ ɛserɛ so, bɔ ɔbɔle nu nguro mɔ pasaa, bɔ wanyakyi nu kukunufoɛ ate ma bangɔ b’awuro ne, aso ye ɛhe anaa?’

Deuteronomi 26:15

To wɔ nye fi nyameɛso, w’atenaleɛ krongron ne, ná nea aseɛnwo, ná yira wɔ mmenia ne aseɛ bɔ nyɔfonesue ne woɛ tengyɛ wɔ so, bɔ afa ama yɛ ne, kyɛbɔ ɛtale ndaen hyirele yɛ nana mɔ ne.’