Edwein 102:2 - AHYERƐLƐ KRONGRON

² Nnɛye wɔ nye fea me wɔ m’amaneɛnwunɛ mmerɛ nu. Yɛ asoɛ tie me; sɛ mesu mefrɛ wɔ a, bua me ndɛndɛ.

Edwein 102:2 Iomraidhean Croise

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

YOB NWOMAA NE 7:21

Me mmeraatolɛ ne, nzu ati yeɛ ɛmva ngyɛ me ɔ? M’amumuyɛɛ ne, nzu ati yeɛ ɛnyakyi ma ɔnga ɔ? Ɔngɔhyɛ biala, ngɔɔla nnɛterɛ nu, ɛkɔpena me, nakoso né nne berɛ ko.”

Edwein 104:29

Sɛ ɛye wɔ nye fea bɛ a, bɛ kunu te bɛ, sɛ etua bɛ nwomeɛ a, bewuwu, na besa bɛkɔ bɛ mvuture nu.

Edwein 13:1

Ao AWURADE, na kyinzu? Aso ɛkɔma wɔ wora kofi me afebɔɔ anaa? Ɛkɔye wɔ nye kɔfea me maa okoodwu kyinzu?

Edwein 143:7

Ao AWURADE, yɛ ndɛ bua me; me sunzum wora abɔ. Nnɛye wɔ nye fea me; ɔba ye sɔ a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 17:1

Ao AWURADE, tie me dwirɛ bɔ ɔyɛ fɛ, yeɛ tie me sufrɛ; tie me mbaeɛ bɔ ofi noa bɔ nnakannaka ɔnne nu ɔ nu.

Edwein 22:19

Nakoso, ao AWURADE, nnɛtwe wɔ nwo fi me nwo! Ao, wɔ bɔ ɛte m’anwoserɛ ɔ, yɛ ndɛ baaboka me!

Edwein 27:9

Nnɛye wɔ nye fea me, nnɛfɛ yaa foa w’akoaa, na wɔ yeɛ ɛte me bokafoɛ ɔ. Nnɛpo me, yeɛ nnɛyakyi me nu, ao Nyameɛ, me ngoadefoɛ!

Edwein 31:2

Yɛ asoɛ tie me, pepɛ de me ndɛndɛ. Mepena kyɛ ɛyɛ me nyɔbotaen bɔ menwati mebafea nu ɔ, anwoserɛ afealeɛ bɔ ɔpepɛ de me ɔ.

Edwein 40:13

Ao AWURADE, maa ɔyɛ wɔ fɛ kyɛ ɛkɔpepɛ kole me ɔ, ao AWURADE, yɛ ndɛ baaboka me.

Edwein 69:17

Nnɛye wɔ nye fea wɔ somvoɛ, ofikyɛ edwirɛ ato me, yiti yɛ ndɛ bua me.

Edwein 70:1

Ao Nyameɛ, yɛ ndɛ pepɛ de me. Ao AWURADE, yɛ ndɛ baaboka me!

Edwein 71:2

Wɔ tenenee ti, pepɛ de me, ná maa nya me ti nnidi nu. Yɛ asoɛ tie me, ná pepɛ de me.

Ɛksadɔso 2:23

Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Ɛksadɔso 2:24

Nyameɛ tele b’awuyebɔlɛ ne, na ɔkayele apam bɔ ɔne Abraham, Yisake ne Yakob bɛyɛle ne.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Yesaya 65:24

Anzana bɛbaasu bɛfrɛ ne po, né mama mmuayɛɛ, na begu so bedwudwo ne po, né matie.

Yesaya 8:17

AWURADE bɔ waye ye nye wato buro wafea Yakob boso ama ne, ngɔfa me wora ngowura ye nu, ngɔpena ye si atee.

1 Korintofoɛ 10:13

Nzɔhwɛ biala nne berɛ bɔ wato ɛmɔ bɔ sona nnwuni bie le ɔ. Nakoso ɔnate kyɛ Nyameɛ di nahorɛ ne ati, ɔngɔma ate ngɔma nzɔhwɛ bɔ ɔbo ɛmɔ anwoserɛ so ngɔto ɛmɔ. Na mmom, okohyire ɛmɔ atee bɔ ɛmɔkɔfa so bekɔnwati bekofi nzɔhwɛ ne anu ɔ, amaa ɛmɔahora bagyina ye noa.