Edwein 102:17 - AHYERƐLƐ KRONGRON

¹⁷ Okotie sona bɔ olle bie ɔ ye mbaeɛ, ná ɔngɔpo bɛ mbaeɛ.

Edwein 102:17 Iomraidhean Croise

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Nehemia 1:6

mesrɛ wɔ, yɛ asoɛ tie, ná fa wɔ nye nea, amaa ate w’akoaa me mbaeɛ bɔ mebɔ wɔ wɔ nyunu kekesaala ye mema wɔ ngoaa Yisraelfoɛ eyia ne kɔngɔen ne. Afei, Yisraelfoɛ, yɛ bɔne bɔ yayɔ yatia wɔ ne, mekã mekyire wɔ. Me ne me baba awuro ama amukoraa, nahorɛ nu, yayɔ bɔne.

Nehemia 2:20

Yeɛ mmuale bɛ kyɛ, “Nyameɛso Nyameɛ, ye yeɛ ɔkɔmaa yɛkoli ngonim ɔ. Yɛte ye ngoaa mɔ, na yɛkodwɔso yɛkosi. Nakoso ɛmɔ de, ɛmɔlle kyɛfa anaa agyapadeɛ anaa ngayeɛ biala wɔ Yerusalem nu.”

Edwein 147:2

AWURADE yeɛ ɔkyekye Yerusalem ɔ, na Yisraelfoɛ bɔ bahye bɛ nnure bahɔ ne, ɔboaboa bɛ noa.

Edwein 22:24

Ofikyɛ amaneɛnwunɛniɛ ne, ye amaneɛ ne, wammu ye nye wangua so, yeɛ wanye ye nye wamvea ye, na mmom osũ frɛle ye ne, otiele ye sufrɛ.

Edwein 69:23

Ma bɛ nye so yɛ tunn bɔ bennwu hwee ɔ, ná ma bɛ sisia ɔpo bɛ tɛtɛtɛtɛ daa.

Edwein 72:12

Ofikyɛ bɛ bɔ bɛyɛ anwumvo, ehiafoɛ ne bɛ bɔ belle bokafoɛ ne, besu bɛfrɛ ye a, ɔkɔpepɛ kole bɛ.

Edwein 9:18

Ofikyɛ mmenia bɔ bɛyɛ anwumvo ne, ye wora ngofi bɛ mmerɛ biala le, yeɛ ɔngɔma ehiafoɛ b’anyelasoɛ ngotu ngomini afebɔɔ.

Yesaya 40:5

Na AWURADE animnyam ne kɔla ali, na anwoɔnaen amukoraa kɔbɔ nu konwu ye, ofikyɛ AWURADE noa dwirɛ ɛne.”

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Yeremia 31:38

“Tie, mmerɛ bie ɔ́ba, bɔ kuro ne, ofi Hananel abandenden bɔ ɔkwaadwu ndweasoɛ pambim ne, bekosa bɛkɔkyekye bɛkɔma AWURADE ɔ, AWURADE noa dwirɛ ɛne.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Deuteronomi 4:29

Na dɔ yeɛ ɛmɔkɔpena AWURADE ɛmɔ Nyameɛ si atee ɔ. Na sɛ ɛmɔfa ɛmɔ ahone amukoraati ne ɛmɔ kra amukoraati bɛpena ye si atee a, ɛmɔkonwu ye.