Edwein 102:16 - AHYERƐLƐ KRONGRON

¹⁶ Ofikyɛ AWURADE kosa kɔkyekye Sion; ɔkɔye ye nwo ali wɔ ye animnyam nu.

Edwein 102:16 Iomraidhean Croise

Edwein 147:2

AWURADE yeɛ ɔkyekye Yerusalem ɔ, na Yisraelfoɛ bɔ bahye bɛ nnure bahɔ ne, ɔboaboa bɛ noa.

Edwein 51:18

Maa ɔyɛ wɔ anigye kyɛ ɛkɔma Sion konya ngɔsoɛ ɔ; si Yerusalem fasue nemɔ.

Edwein 69:35

Ofikyɛ Nyameɛ kɔpepɛ kole Sion, na okosa kɔkyekye Yuda nguro nemɔ, na bɛkɔtena berɛ bɛkɔfa berɛ bɛkɔyɛ bɛ deɛ.

Edwein 97:6

Ewienu bɔ ye tenenee nwo dawure, na maen maen amukoraa nwu ye animnyam ne.

Yesaya 14:26

Nhyehyɛleɛ bɔ ɔla berɛ fa aseɛ amukoraa nwo ɛne; na ɛhe te asaa bɔ watengyɛ ye wɔ maen maen mukoraa so ɔ.

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Yesaya 60:3

Maen maen mɔ bɛkɔwa wɔ kanea ne anu, yeɛ ahemvo mɔ koso bɛkɔwa kanea hyireinn bɔ wapukye wɔ so ne anu.

Yesaya 60:7

Bɛkɔboaboa Kedare nyɛmmoa amukoraa noa bɛkɔbrɛ wɔ, Nebayote mmoaen nyii kɔyɛ wɔ deɛ, bɛkɔyɛ anyesɔ afɔleɛ wɔ m’afɔleɛ bokyea so, na ngɔhyɛ m’animnyam awuro ne animnyam.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yesaya 66:18

“Ofikyɛ mese bɛ yɔleɛ ne b’adwene: meba mebaboaboa maen mukoraa ne edwudwolɛ amukoraa noa, na bɛkɔwa bekoonwu m’animnyam ne.

Yeremia 31:4

Ao Yisrael ababunu, ngosa ngɔma wɔ bo kotimu, na wɔ bo kotimu. Ekosa kɔfa w’akasaa ne kosiesie wɔ nwo, na ɛkɔfa ahurusililɛfoɛ b’abilie kosi nu kɔhɔ.

Yeremia 33:7

Na Yuda ne Yisrael mmenia bɔ bahye bɛ nnure bahɔ ne, ngɔmaa bekosa bɛkɔwa, na ngɔmaa bekosa bekotindim kyɛ bɛ daa ne ala.

Mika 2:9

Me maen mmrasua nemɔ, ɛmɔatu bɛ bafi b’awuro nyemenenyemene nemɔ anu, na ɛmɔale m’animnyam bafi bɛ mma mɔ sa nu afebɔɔ.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.