Edwein 102:15 - AHYERƐLƐ KRONGRON

¹⁵ Maen maen mɔ bekosuro wɔ dumaa ne, na aseɛ so ahemvo amukoraa bekosuro w’animnyam ne.

Edwein 102:15 Iomraidhean Croise

1 Ahemvo 8:43

ye de tie amanvraniɛ ne mbaeɛ wɔ nyameɛso, nekaa bɔ ɛte ne, ná yɔ bɔ ɔkɔfa kɔto wɔ nyunu amukoraati ma ye, amaa aseɛ ye aso mmenia amukoraa bate wɔ dumaa ne nga ná basuro wɔ, kyɛbɔ wɔ maen Yisrael besuro wɔ ne. Ɔnate ɛhe aso bekonwu kyɛ wɔ dumaa yeɛ ɔla sua bɔ masi ye aso ɔ.

Nehemia 1:4

Na ndele sɔ dwirɛ ne nen, ndenane ase nzuni, nnili aworabɔlɛ ngyẽa pee, na nyɛle akɔngyere mmɔle mbaeɛ wɔ nyameɛso Nyameɛ ne nyunu.

Nehemia 2:17

Yeɛ nga ngyirele bɛ kyɛ, “Ɛmɔanwu edwirɛ bɔ wato yɛ ye: kyɛbɔ Yerusalem wakakyi kurofoen, bɔ ye pambim nemɔ koso bato nu see ɔ. Ɛ́mɔdwɔso maa yɛsa yɛkyekye Yerusalem fasue ne, amaa yɛ nyunu wangɔ so wangua ase.”

Nehemia 2:3

Na nzele Nana kyɛ, “Nana, wɔ ngoa so oo! Ɔkɔyɛ sɛɛ bɔ me wora ngɔbɔ ɔ, wɔ aberɛ bɔ kuro bɔ me nana mɔ asieleɛ wɔ so ne, wabɔ bɔ bafa see bayera ye pambim mɔ ɔ?”

Edwein 138:4

Ao AWURADE, aseɛ ye aso ahemvo amukoraa kɔye wɔ ayɛ, ofikyɛ bate wɔ noa nu dwirɛ.

Edwein 72:11

Maa ahemvo amukoraa bɛkoto wɔ ye nyunu, ná maen maen amukoraa bɛso ye.

Edwein 86:9

Ao AWURADE, amaen maen amukoraa bɔ ɛyɔle ne, bɛkɔwa bɛkɔɔbɔ bɛ nu ase wɔ wɔ nyunu, ná bahyɛ wɔ dumaa animnyam.

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 21:24

Maen maen kɔnate ye kanea ne anu, na aseɛ so ahemvo bɛkɔfa b’animnyam [ne anidie] bɛkɔwa nu.