Edwein 102:1 - AHYERƐLƐ KRONGRON

¹ Ao AWURADE, tie me mbaeɛ; ma me sufrɛ oodwu wɔ nyunu.

Edwein 102:1 Iomraidhean Croise

2 Aberɛso Dwirɛ 30:27

Yeɛ asɔfo nemɔ ne Lewifoɛ nemɔ bedwɔso begyinane berɛ beyirale maen ne. Nyameɛ tiele bɛ mbaeɛ, na bɛ mbaeɛ ne oodwuli ye nekaa krongron bɔ ɔte wɔ nyameɛso ne.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 143:4

Yiti me sunzum aboto wɔ me nu; m’ahone bɔ ɔla me kunu ɔ, ye wora abɔ.

Edwein 143:7

Ao AWURADE, yɛ ndɛ bua me; me sunzum wora abɔ. Nnɛye wɔ nye fea me; ɔba ye sɔ a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 145:19

Ɔyɔ bɛ bɔ besuro ye ɔ b’apɛdeɛ ma bɛ; afei koso otie bɛ sufrɛ, na ɔpepɛ de bɛ.

Edwein 18:6

Nzu mvrɛle AWURADE wɔ m’amaneɛ nu, na ndeane nu mvrɛle me Nyameɛ kyɛ ɔboka me. Ɔwɔ ye asɔneyɛɛ sua nu dɔ yeɛ ɔtele me komvi ɔ, na me sufrɛ dwuli ye so anu.

Edwein 39:12

“Ao AWURADE, tie me mbaeɛ, ná tie me sufrɛ; nnɛye wɔ nye fi me moenporolɛ ne anwo; ofikyɛ nde kyɛ wɔ wɔfoɛ bɔ ɔngɔhyɛ ɔ, nde amanvraniɛ kyɛ me nana mɔ amukoraa.

Edwein 42:4

Mekaye sɔ dwirɛ hemɔ a, né me kra wora abɔ: kyɛbɔ me ne ɛlɔen ne yɛhɔle, ɛlɔen kandinga bɔ bedi aluolue ne, bɔ nne esebɔlɛ ne asennaa dwein, nnili folii ne nyunu ngɔle Nyameɛ awuro ne.

Edwein 5:2

Tie me sufrɛ, me Hene ne me Nyameɛ, ofikyɛ wɔ yeɛ mebɔ mbaeɛ mekyire wɔ ɔ.

Edwein 61:2

Sɛ m’abasa nu bu a, mvi aseɛ noa dɔ yeɛ mesu mefrɛ wɔ ɔ. Di me nyunu fa me kɔ nyɔbotaen bɔ ɔwale tra me ne anwo,

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Edwein 77:3

Sɛ mekaye Nyameɛ a, me wora bɔ, medwene ye dwirɛ nwo, na me sunzum boto. Sela

Ɛksadɔso 2:23

Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Awuye 3:44

Afa munungum amundu wɔ nwo, kyɛbɔ ɔkɔyɛ bɔ yɛ mbaeɛ ngɔfa nu ngodwu wɔ berɛ ɔ.

Awuye 3:8

Yeɛ sɛ mebɔ awuye metea nu koso a, osi me mbaeɛ nwo ate.

Luka 22:44

Né Yesu wora abɔ soma, na ɔhɔle so mane ye mbaeɛbɔlɛ nu yɛle se. Na ye nwo mvifire ne yɛle kyɛ mogya bɔ ɔpepe gua ase ɔ.]

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.

1 Samuel 9:16

“Ɛhema, bekye sɔa ala, ngɔma biaa bie bɔ ofi Benyamin aseɛ so kɔwa wɔ berɛ, na fa ɛpopalɛ ngoo popa ye ma oli me maen Yisrael so hene. Ɔkɔpepɛ kole me maen kofi Filistifoɛ sa nu, ofikyɛ manwu amaneɛ bɔ me mmenia benwu ye ne, na bɛ suɛ adwu me nyunu.”