Edwein 101:8 - AHYERƐLƐ KRONGRON

⁸ Ngyerɛmɔ biala, ngohũhũ aseɛ ne aso bɔnefoɛ amukoraa, amaa ɔnate so matu amumuyɛɛfoɛ amukoraa bɛ bo mafi AWURADE kuro ne anu.

Edwein 101:8 Iomraidhean Croise

Edwein 46:4

Asue bie wɔ berɛ bɔ ye sa mɔ fa anigye bɛba Nyameɛ kuro ɔ, Anwuro Anwuroniɛ ne, ye atenaleɛ krongron berɛ.

Edwein 48:2

bɔ ogyi berɛ tendenn nyemenenyemene ne, ɔte aseɛ ye amukoraa anika; Sion bokaa, bɔ ɔwɔ sorɔ dɔ dedeede ne, ɔte Ɛhene piri ne, ye kuro.

Edwein 48:8

Kyɛbɔ yate ne, sɔ ala yeɛ yanwu ye, wɔ Asafo AWURADE ye kuro, yɛ Nyameɛ ye kuro, kuro bɔ Nyameɛ wafa watimu berɛ afebɔɔ ne aso ɔ. Sela

Edwein 75:10

Ngotu bɔnefoɛ b’anwoserɛ amukoraa bo, nakoso teneneefoɛ b’anwoserɛ de, ɔkɔhɔ anwuro.

Edwein 92:10

Nakoso amaa manya anwoserɛ kyɛ torɔen, na ahwie ngoo foforɛ agua me so.

Anyandera 16:12

Ɔte akyiwadeɛ ma ahemvo kyɛ bɛkɔyɔ bɔne ɔ, ofikyɛ ɔnate tenenee so yeɛ bia ne bo tira ndii ɔ.

Anyandera 20:26

Ɛhene bɔ ɔse nworɛ ne, ɔfa ye nye kari nwu bɔnefoɛ, na ɔfa teaseɛnam otwi fa bɛ so.

Anyandera 20:8

Sɛ ɛhene tena ndɛenbualɛ bia so a, ɔfa ye nye kari nwu bɔ ɔte bɔne amukoraa.

Yeremia 21:12

Ao Dawide awuro ama! Bɔ AWURADE kã ɛhe: Ɛ́mɔbua ndɛen turoloo ngyerɛmɔ, na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu, wanyɔ sɔ a, m’ahone kohu kyɛ see, na okogye bɔ ebiala ngɔhora ye nua ɔ, ɔnate ɛmɔ bɔne yɔleɛ nemɔ ati.’ ”

Hosea 9:3

Bɛngɔtena AWURADE aseɛ ne aso, na mmom Efraim kosa kɔhɔ Misraim, na bekoli nningyein bɔ bɛ nwo nde ɔ wɔ Asiria.

Mika 3:9

Ɛmɔ, ɛ́mɔtie, Yakob awuro atitire, yeɛ Yisrael awuro ama mbanyi bɔ ɛmɔkyi ndɛenbualɛ turoloo, ná ɛmɔkyea pɛpɛɛpɛyɛlɛ amukoraa ɔ,

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.