Edwein 101:6 - AHYERƐLƐ KRONGRON

⁶ Maen ne anu nahorɛlilɛfoɛ nemɔ, ngɔlo bɛ, amaa ɔnate so bɛ ne me atena. Sona bɔ ɔnate atee bɔ ɔtengyɛ so ne, ye yeɛ ɔkɔso me ɔ.

Edwein 101:6 Iomraidhean Croise

Edwein 119:63

Bɛ bɔ besuro wɔ ne, yeɛ bɛ bɔ bedi w’ahyɛdeɛ so ne, nde bɛ mukoraa bɛ biɛngo.

Edwein 15:4

Sɔ sona ne, amumuyɛɛfoɛ bɛla ye nye so mbaen, na ɔfa anidie ma bɛ bɔ besuro AWURADE ɔ. Sɛ ɔta ndaen ma ye nwo kyere ye po a, ommu so;

Edwein 34:15

AWURADE nye wɔ teneneefoɛ so, na ɔyɛ asoɛ tie bɛ sufrɛ.

Anyandera 28:28

Bɔnefoɛ nya tumi a, mmenia nwati bɛkɔfea, na sɛ bɔnefoɛ bɛ boso nua a, teneneefoɛ bɛyɛ pee.

Anyandera 29:2

Sɛ teneneefoɛ bedi maen so a, nu mmenia di ahurusi, nakoso sɛ bɔnefoɛ di so a, nu mmenia sũ gua bɛ kunu.

Lewitikɔso 14:42

Odi kyɛ bɛsesa nyɔboɛ foforɛ bewura nyɔboɛ ɛhene mɔ boso, ná bɛ́fa ɛfaa foforɛ bɛma awuro ne anwo.

Mateo 24:45

“Na nwa koraa ole akoaa nahorɛniɛ ne nworɛniɛ, bɔ ye mene afa ye awuro berɛ ngoaa mɔ wawura ye sa, kyɛ ɔma bɛ aleɛ wɔ mmerɛ bɔ ɔsɛ ɔ nu ɔ?

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 14:3

Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”