Edwein 101:3 - AHYERƐLƐ KRONGRON

³ Mengɔfa nikyee biala bɔ mvasoɛ nne so ɔ mengosie me nye so. Bɛ bɔ bedi wɔ dwirɛ nwo makyebu ne, mekyi bɛ yɔleɛ; mengɔma bɛ yɔleɛ ne ngɔte ngɔmata me.

Edwein 101:3 Iomraidhean Croise

YOB NWOMAA NE 31:1

“Me ne me nye yayɛ apam, nzu ati yeɛ brasua bɔ onnwuni biaa le ne, odi kyɛ menea ye wɔ ehurolɛ atee so ɔ.

Edwein 119:113

Mekyi mmenia bɔ b’adwene yɛ bɛ ndaa ndaa ɔ, nakoso wɔ mmeraa ne de, mekuro.

Edwein 119:37

Nningyein bɔ mvasoɛ nne so ne, ye me nye fi bɛ nealɛ so, maa nya ngoa wɔ w’atee ne aso.

Edwein 125:5

Nakoso mmenia bɔ bedi makyebu bɛfa b’atee bɔ ɔndengyɛ so ne de, AWURADE kɔfa bɛ kɔfra amumuyɛɛfoɛ so kɔfoa bɛ kofi berɛ. Asomdwee ɔ́tena Yisrael!

Edwein 139:22

Mekyi bɛ kɔkɔkɔkɔ; mebu bɛ me pɔfoɛ mɔ.

Edwein 14:3

Nakoso bɛ mukoraa bali makyebu, bɛ mukoraa adwene paa ɔnne bɛ ti anu; bɛ nu biala nne berɛ bɔ ɔyɔ bɔ ɔte paa ɔ, daabi, ko po nne berɛ.

Edwein 36:3

Ye noa nu dwirɛ te bɔne ne nnakannaka; na bra bɔ nworɛ wɔ nu ná ɔte paa de, wayakyi ye bɔlɛ.

Edwein 39:1

Ngane kyɛ, “Ngɔnea m’atee bɔ nnate so ɔ yé, amaa mamva me noa mangekã edwirɛ bɔ ɔte bɔne ɔ; ngɔfa krado ngɔto me noa nu, wɔ aberɛ bɔ bɔnefoɛ begyigyi me nyunu ye.”

Edwein 40:4

Sona bɔ ɔfa ye wora owura AWURADE nu ne, onya saleɛ; sɔ sona ne, ɔmva ye nwo ndo anwomasoɛfoɛ so, ɔne bɛ bɔ bedi makyebu bɛkɔso mmosoen mɔ ɔ bɛ so.

Edwein 41:9

Mmiɛngo bɔ mede ye medi paa, bɔ yeɛ me ne ye yɛto asaa yɛdidi ne, ye yeɛ waye me wama ɔ.

Edwein 78:41

Besole Nyameɛ bɛneane mmerɛ pee, na bewurale Yisrael Krongronniɛ ne apue.

Edwein 78:57

na mmom belili ye nwo makyebu, na banni nahorɛ kyɛbɔ bɛ nana mɔ yɔle ne ala; bɛmane bɛ bra hyeale kyɛ agyaen bɔ wakondo ɔ.

Edwein 97:10

Ɛmɔ bɔ ɛmɔkuro AWURADE dwirɛ ne, odi kyɛ ɛmɔkyi bɔne; ɔbɔ ye anwoteefoɛ bɛ kra nwo waen, na ɔpepɛ de bɛ fi bɔnefoɛ mɔ sa nu.

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Anyandera 6:12

Sona mbaen, busueniɛ, ɔnate kekã nnakannaka dwirɛ,

Anyandera 6:13

ɔbɔ ye nye kyire, ɔfa ye gya dwudwo, yeɛ ɔfa ye sa mmɛseka dwudwo.

Anyandera 6:25

Nnɛdi ye anwonyemene si ekuro ye, yeɛ nnɛmaa ɔfa ye ndo nwiaa ne ɔkye w’adwene.

Anyandera 8:13

Esuro AWURADE a, né ekyi bɔne: mekyi anwomasoɛ ne ahandaen, bɔne yɔleɛ ne ngondombopɛlɛ.

Nworɛ Dwirɛhanɛniɛ 6:9

Bɔ ɔwɔ berɛ bɔ wɔ nye tua ye ne, ɔte paa tra bɔ w’akɔnnɔ susu kyɛ ekonya ye ɔ. Ɛhe koso te mbaen, na ɔte dadwene mbaen.

Yesaya 30:11

ɛ́mɔmakye béfi atimbire ne aso, ɛ́mɔfi atee ne aso, nnɛmɔmaa yɛte Yisrael Krongronniɛ ne nwo dwirɛ ko.”

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Yeremia 22:17

Nakoso w’apoobɔlɛ anwonyadeɛ angome yeɛ wɔ nye ne w’ahone li ye si ɔ; ɔne kyɛ ɛkɔhã mogya bɔ odi be ɔ kogua, ɛkɔhyɛ mmenia so ná ekosisi bɛ ɔ.”

Mika 2:2

Bɛ nye boro eboo mɔ, na bɛfa bɛ tumi bedide, yeɛ bɛ nye boro awuro mɔ, na bede bɛfa, yiti bɛhyɛ ebie ne ye awuro ama so, yeɛ ebie ne ye agyapadeɛ koso so.

Sakaria 8:17

nnɛma ɛmɔ nu biala nya obiɛngo nwo adwene tɛɛ, nnɛma ɛmɔ nye gye ngondombo ndaentalɛ nwo, ofikyɛ mekyi sɔ nningyein ne amukoraa, AWURADE noa dwirɛ ɛne.”

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

Galatiafoɛ 4:9

Nakoso kekesaala ye bɔ ɛmɔanwu Nyameɛ ye, anaa Nyameɛ anwu ɛmɔ ye de, nzu ati yeɛ ɛmɔsa bɛ si bieku bɛkɔ sunzum mɔ bɔ bɛyɛ mmerɛ na bɛ nwo anwumvoin berɛ, na ɛmɔpena kyɛ ɛmɔkɔyɛ bɛ ngoaa bieku ɔ?

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.

Yosua 23:6

Yiti ɛ́mɔmia ɛmɔ nye, ná ɛ́mɔnea kyɛ nikyee biala bɔ bahyerɛ ye Mose mmeraa nwomaa ne anu ne, ɛmɔkoli so ná ɛmɔkɔyɔ ɔ. Nnɛma ɛmɔdi ye nwo makyebu bɛkɔ famaa so anaa bɛen so;

2 Petro 2:21

Ofikyɛ sɛ bannwu tenenee atee ne po a, ahaa ɔte paa ma bɛ, tra kyɛ banwu ye bayie, ná afei nziɛ ye bakakyi bɛ nwo bafi ahyɛdeɛ krongron bɔ bɛfa bɛmane bɛ ne anwo ɔ.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.