Edwein 101:2 - AHYERƐLƐ KRONGRON

² Atee bɔ ɔte pɛpɛɛpɛ ne, so yeɛ ngɔfa ɔ. Ao, kyinzu yeɛ ɛkɔwa me nwo wa ɔ? Ngɔfa ahone bɔ nu te ɔ ngɔnate m’awuro berɛ.

Edwein 101:2 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

2 Samuel 8:15

Yiti Dawide lili Yisrael amukoraa so hene. Nahorɛlilɛ ne pɛpɛɛpɛyɛlɛ yeɛ ɔfa lili ye mmenia ne amukoraa so ɔ.

1 Ahemvo 11:4

Ofikyɛ Solomon yɛle aworowaa ne, ɔye nemɔ mane ye adwene kakyili oolili nyameɛ foforɛ mɔ si, ná wanni nahorɛ wamma AWURADE ye Nyameɛ, kyɛbɔ ye baba Dawide de olili nahorɛ mane AWURADE ne.

1 Ahemvo 9:4

Na wɔ de, sɛ ɛfa ahone bɔ nu te ɔ, ɔne bra bɔ ɔtengyɛ ɔ edi me dwirɛ so kyɛbɔ wɔ baba Dawide lili so ne, ná ɛyɔ kyɛbɔ mahyɛ wɔ ne amukoraa, ná edi m’ahyɛdeɛ ne me nhyehyɛleɛ so a,

2 Aberɛso Dwirɛ 15:17

Asɔneyɛɛ nemɔ de, wandu bɛ bo wamvi Yisrael. Nakoso Asa lili nahorɛ mane AWURADE mmerɛ bɔ né ɔte ngoa nu amukoraa.

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

Edwein 101:6

Maen ne anu nahorɛlilɛfoɛ nemɔ, ngɔlo bɛ, amaa ɔnate so bɛ ne me atena. Sona bɔ ɔnate atee bɔ ɔtengyɛ so ne, ye yeɛ ɔkɔso me ɔ.

Edwein 119:106

Mata ndaen, na ngoli so, kyɛ ngoli wɔ tenenee nhyehyɛleɛ ne aso.

Edwein 119:115

Bɔnefoɛ, ɛ́mɔfi me so bɛhɔ maa nni me Nyameɛ mmeraa dwirɛ ne aso.

Edwein 26:11

Nakoso me de, nahorɛlilɛ yeɛ mefa menate ɔ; pepɛ de me, ná nwu me anwumvoin.

Edwein 40:17

Meyɛ anwumvo, yeɛ nde hianiɛ de, nakoso AWURADE dwene me nwo. Wɔ yeɛ ɛte me bokafoɛ ne me defoɛ ɔ; ao me Nyameɛ, nnɛkyɛ.

Ɛksadɔso 20:24

Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Yesaya 38:3

“Ao AWURADE, mesrɛ wɔ ala, fa wɔ nye to kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ ɔ wɔ wɔ nyunu ne.” Na Hesekia suni hahii.

Deuteronomi 6:7

Fa kyirekyire wɔ mma mɔ paa. Na sɛ ɛte w’awuro oo, ɛnate atee so oo, ɛda oo, anaakyɛ edwɔso oo, ɔsɛ kyɛ edi ye nwo ngɔmɔ.

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

1 Samuel 22:14

Na Ahimɛlɛke buale Nana Sɔɔlo kyɛ, “Wɔ somvoɛ nemɔ amukoraa, bɛ nu nwa yeɛ odi nahorɛ kyɛ Dawide ɔ? Nana, ɔte wɔ sia, otie wɔ dwirɛ, na bebu ye wɔ w’awuro berɛ.