Edwein 100:4 - AHYERƐLƐ KRONGRON

⁴ Ɛ́mɔfa asennaa béwura ye anoa piri ne anu, ná ɛ́mɔfa ayɛyelɛ bɛbra ye aluo berɛ. Ɛmɔla ye ase, ɛ́mɔhyɛ ye dumaa animnyam!

Edwein 100:4 Iomraidhean Croise

1 Aberɛso Dwirɛ 29:13

Afei, yɛ Nyameɛ, yɛda wɔ ase, na yɛye wɔ animnyam dumaa ne ayɛ.

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

Edwein 122:2

Ao Yerusalem, yɛ gya gyigyi wɔ pambim nemɔ anu.

Edwein 122:4

Berɛ yeɛ mmusua kure nemɔ bɛkɔ ɔ, AWURADE mmusua kure nemɔ; kyɛ bɛkwaafa asennaa bɛma AWURADE dumaa, kyɛbɔ wahyehyɛ wama Yisrael ne.

Edwein 65:1

Ao Nyameɛ, ayɛyelɛ fata wɔ wɔ Sion, na wɔ yeɛ bekotua aboadeɛ bɛkɔma wɔ ɔ’.

Edwein 66:13

Ngɔfa naen yeralɛ afɔleɛ mɔ ngɔwa w’awuro berɛ; ngotua m’aboadeɛ mɔ ngɔma wɔ,

Edwein 95:2

Ɛ́mɔma yɛ́fa asennaa yɛbra ye nyunu! Ɛ́mɔma yɛ́fa ayɛyelɛ dwein yɛli ahurusi yɛbɔ ye nwo ese.

Edwein 96:2

Ɛ́mɔto dwein bɛye AWURADE ayɛ, ɛ́mɔhyɛ ye dumaa animnyam, ɛmɔhã ye ngoalelɛ nwo dwirɛ daa biala.

Edwein 96:8

Ɛ́mɔfa animnyam bɔ ɔfata AWURADE dumaa ɔ bɛma ye; ɛ́mɔfa afɔleɛ bɛbra ye awuro n’aluo berɛ.

Edwein 99:3

Odi kyɛ bɛye wɔ dumaa piri ne wɔ dumaa nwanwa ne ayɛ. Ɔte krongron!

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Hebrifoɛ 13:15

Yiti mmerɛ biala ɛ́mɔma yɛ́fa ayɛyelɛ yɛyɛ afɔleɛ yɛfa Yesu so yɛma Nyameɛ, na ɛhe te yɛ noa afɔleɛ bɔ yɛfa yɛhyɛ ye dumaa animnyam ɔ.