Edwein 10:9 - AHYERƐLƐ KRONGRON

⁹ Ɔtetɛ mvealeɛ nu kyɛ gyata bɔ wafea poen nu ɔ; ɔtetɛ kyɛ okonya bɛ bɔ bɛyɛ anwumvo ɔ ɔkɔhye bɛ. Ɔkye bɛ bɔ bɛyɛ anwumvo ɔ, na ɔpoa bɛ ase kowura ye ngaen nu.

Edwein 10:9 Iomraidhean Croise

YOB NWOMAA NE 38:40

wɔ mmerɛ bɔ bebutubutu b’afealeɛ nu, anaa bɛtɛ wɔ sosorɛ bo ɔ?

Edwein 109:31

Ofikyɛ ogyi sona bɔ ɔyɛ anwumvo ɔ ye sa famaa so, kyɛ ode ye fi bɛ bɔ babua ye ewue foɛ ɔ bɛ sa nu.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 140:5

Anwomasoɛfoɛ basua me ngaen bafea, na bafa nyamaa bayɛ ɛtɛen, basunzua me kafoli wɔ atee noa. Sela

Edwein 17:12

Bɛte kyɛ gyata bɔ ɔpena kaka bie kye ye ɔ; bɛte kyɛ gyata akrɔngrɔma bɔ wafea ɔtetɛ ɔ.

Edwein 35:10

Me mmowue amukoraa kɔhã kyɛ, “Ao AWURADE, nwa yeɛ ɔte kyɛ wɔ ɔ? Wɔ bɔ ɛpepɛ de sona bɔ ɔyɛ anwumvo fi ebie bɔ ɔkora ye ɔ sa nu ɔ; wɔ bɔ ede sona bɔ ɔyɛ anwumvo ne ehianiɛ fi ebie bɔ osisi ye ɔ sa nu ɔ.”

Edwein 37:14

Bɔnefoɛ twe ye ngrandɛ, na osina ye agyaen mɔ kyɛ ɔfa kã ehiafoɛ ne bɛ bɔ bɛyɛ anwumvo ɔ ogua ase, ná okũkũ teneneefoɛ.

Edwein 59:3

Ao AWURADE, nndole mmeraa biala, yeɛ nnyɔle bɔne biala, nakoso kekesaala ye po, bɛtetɛ me beku me; nzɛmmɔnefoɛ bɛboa bɛ noa bɛbɔ me ti so porɛ.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 22:16

Sona bɔ osisi ehiafoɛ fa nya ye nwo, ɔne bɔ ɔfa ye anwonya kyɛ sikafoɛ ne, ehiaa yeɛ okohia ye ɔ.

Anyandera 28:15

Maen panyi bɔ ɔfa atianuserɛ di mmenia bɔ bɛyɛ anwumvo so ne, ɔte kyɛ gyata bɔ opo anaa kwabrafo bɔ ye nye aboro ɔ.

Yesaya 3:15

Ɔwale ye sɛ bɔ ɛmɔadufudufu me mmenia sɔa, bɔ ɛmɔadwiridwiri ehiafoɛ bɛ nyunu sɔa e?” AWURADE, Asafo NYAMEƐ ne, ye noa dwirɛ ɛne.

Yesaya 32:7

Nnakannakaniɛ ye kanda nworɛ ne te bɔne, ɔbɔ porɛ tɛɛ kyɛ ɔkɔfa kanda nworɛ konya bɛ bɔ bɛyɛ anwumvo ɔ, ɔmva ye nwo kyɛ ehianiɛ ne ye dwirɛ yɛ fɛ ɔ.

Yeremia 5:26

Ofikyɛ bɔnefoɛ bafra me mmenia nu; bɛtetɛ kyɛ ebie bɔ osua nnomaa ngaen ɔ, besunzua ngaen bɛfa bɛkye mmenia.

Awuye 3:10

Ɔte kyɛ kwabrafo bɔ ɔtetɛ ɔ ma me, kyɛ gyata bɔ ɔwɔ mvealeɛ nu ɔ.

Hesekiel 22:29

Aseɛ ne aso mmenia bɛhyɛ mmenia so, bedi aminɛ, besisi ehiafoɛ ne bɛ bɔ bɛyɛ anwumvo ɔ, na bebu mmeraa so bɛhyɛ ɛwɔfoɛ mɔ so.

Amose 3:4

Aso gyata opo wɔ ɛhɔayeɛ nu, wɔ aberɛ bɔ onnyane kaka biala bɔ ɔkye ye di ɔ? Aso gyata akrɔngrɔma kɔtea nu wɔ nekaa bɔ ɔla ɔ, wɔ aberɛ bɔ onnyane kaka biala bɔ wahye ye ɔ?

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Habakuku 1:15

Bɛfa koaa bɛkye bɛ mukoraati, bɛfa b’asawu ne bɛtwe bɛ befite, bɛboa bɛ noa wɔ bɛ tɛen ne anu, yiti bedi ahurusi, na bɛ nye gye.

Habakuku 3:14

Ɛfale ye bɔbɔ ye pealɛɛ sinane bɔ ɔla ye koɛhonɛfoɛ nemɔ noa ne; bɛwale kyɛ mvrama bɔ ɔpɛ ye nwo ɔ, kyɛ bɛbabɔ me bɛpete. Bɔ bɛ nye gye ye nwo ole kyɛ bekohu anwumvoin mmenia wɔ mvealeɛ nu ɔ.

Sakaria 11:3

Ɛ́mɔtie mmoaenneafoɛ nemɔ b’awuyebɔlɛ ne, ofikyɛ b’animnyam ne atɔ ase. Ɛ́mɔtie gyata akrɔngrɔma nemɔ bɛ bobɔlɛ bɔ bɛbobɔ nu ne, ofikyɛ asue Yɔɔdan nwo ɛhɔayeɛ ne wayɛ pralaa.

Yohane 10:12

Nakoso paaniɛ bɔ nna ye ole mmoaenneafoɛ ne, bɔ mmoaen ne bɛtte ye deɛ nen, sɛ onwu kyɛ pataku ba a, ɔyakyi mmoaen ne berɛ nwati; na pataku ne bakye bɛ, na ɔbɔ bɛ sande.

Asomafoɛ 23:21

Nakoso nnɛtɛ bɛ so, ɔnate kyɛ bɛ nu biemɔ kɔbo aburanna kɔtɛ ye atunu; na bata ndaen kyɛ bengodidi anaa bɛngɔno hwee, sana banya ye bahu ye koraa. Yiti kekesaala ye, baboaboa bɛ nwo, na bɛnwondɛ kyɛ ɛkɔpene so ɔ.”