Edwein 10:5 - AHYERƐLƐ KRONGRON

⁵ Nningyein kɔ so yé ma ye mmerɛ biala; wɔ ndɛenbualɛ ne, ɔwɔ anwuro anwuro bɔ ye de ɔmva ye nwo ɔ; ɔgoro ye pɔfoɛ mɔ amukoraa bɛ nwo.

Edwein 10:5 Iomraidhean Croise

Gyenesise 6:12

Nyameɛ neane aseɛ, na onwuni kyɛ wasɛkye, ofikyɛ né mmenia mukoraa ama bɔne ali bɛ ti wɔ aseɛ so.

2 Samuel 5:6

Yebusifoɛ bɔ né bɛte aseɛ ne aso ne, Nana Dawide ne ye koɛhonɛfoɛ sili nu hɔle Yerusalem bɛɛfale koɛ bɛtoale bɛ. Na Yebusifoɛ sele Dawide kyɛ, “Ɛngɔhora wa ba, ofikyɛ anyesiniwaafoɛ ne mmubuafoɛ mɔ po bɛkɔfoa wɔ maa ekosa.” Besusuli kyɛ Dawide ngɔhora ngowura kuro ne anu.

1 Ahemvo 20:13

Afei ngɔmhyɛlɛniɛ bie wale Yisrael hene Ahabo berɛ oosele ye kyɛ, “AWURADE nwa nyoo, ‘Anwu ɛlɔen kandinga he amukoraa? Tie, ngɔfa bɛ ngowura wɔ sa ɛnɛ, na ekonwu kyɛ me ole AWURADE.’ ”

YOB NWOMAA NE 24:23

Ɔbɔ bɛ nwo waen ogyina bɛ si, nakoso ye nye li b’atee bɔ bɛnate so ɔ si.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 73:3

Ofikyɛ me nye borole mmeraatolɛfoɛ, mmerɛ bɔ nwuni bɔnefoɛ bɛ ngɔsoɛ ne.

Anyandera 1:19

Sɔ yeɛ oyie mmenia mukoraa bɔ bɛpena anwonya wɔ atee tɛɛ so ɔ, na anwonya tɛɛ ne ɔpɛ ye nwo okũkũ bɛ.

Anyandera 15:24

Ngoa atee bɔ ɔkɔ anwuro yeɛ nworɛniɛ fa so ɔ, amaa ɔnate so wangɔ ɛborɔ wɔ aseɛ bo dɔ.

Anyandera 2:13

kofi bɛ bɔ bali nahorɛ atee nwo makyebu baafa awosii atee so ɔ bɛ sa nu.

Anyandera 2:15

B’atee te kanda atee, na bɛ suban te nnakannaka.

Anyandera 24:1

Nnɛma wɔ nye boro bɔnefoɛ, yeɛ nnɛmaa ɔyɛ wɔ nyemene kyɛ ɛne bɛ kɔbɔ afɛ ɔ;

Yesaya 10:1

Bɛ yaakɔ! Bɛ bɔ bɛhyɛ mmeraa tɛɛ ɔ, ɔne ahyerɛlɛfoɛ bɔ bɛkyerɛ nhyɛsoɛ mmeraa ɔ,

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Yesaya 28:15

Ofikyɛ ɛmɔnwa, “Yɛne ewue ayɛ apam, yɛne ɛborɔ yayɛ nhyehyɛleɛ, sɛ mbire bɔ ye noa yɛ yea tra so ne ɔbaapɛ nu a, ongonya yɛ ngofi yɛ, ofikyɛ yafa kanda yayɛ yɛ afealeɛ, yeɛ yafa nnakannaka yabɔ yɛ nwo waen.”

Yesaya 42:25

Ye sɔ ne ati, ɔmane ye ahone huli Yisrael so paa, na ɔmane koɛ piri paa tole ye. Ye ahonehulɛ ne, ogyele kyɛ see fale ye nwo amu, nakoso wande ye bo, ɔyerale ye, nakoso wanzua nworɛ wamvi nu.

Yesaya 5:12

Bɛ yeɛ bɛfa sangoo, adengum, akasaa, awɛen ne nzaa bɛkɔ bɛ poentolɛ bo ɔ, nakoso bɛmva nningyein bɔ AWURADE yɔ ɔ bɛnyɔ huu ɔ, yeɛ ye sa noa adwuma koso bennwu ye.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Romanfoɛ 3:16

na nekaa biala bɔ bekotia ne, bɛma basabasayɔlɛ ne amaneɛnwunɛ ba berɛ.

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.

Maenbulɛfoɛ 9:38

Yeɛ Sebul bisale ye kyɛ, “Wɔ noa nu dwirɛ mbiri ne, afei de ayakyi ye hanɛ? Ná wɔ yeɛ ɛhane kyɛ, ‘Abimɛlɛke te nzu bɔ odi kyɛ yɛso ye ɔ’ ne?” Koɛhonɛfoɛ bɔ ɛgorole bɛ nwo ne, bɛ ɛhe. Afei kɔ na ɛne bɛ bɛɛho.”