Edwein 10:3 - AHYERƐLƐ KRONGRON

³ Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 10:3 Iomraidhean Croise

1 Ahemvo 20:25

Na afei koɛhonɛfoɛ, mbɔngɔ ne teaseɛnam bɔ bɛ somaa te kyɛ bɛ bɔ ahwere bɛ ne, boaboa bɛ noa, na yɛne Yisraelfoɛ kɔɔho wɔ aseɛ frɛtɛɛ ne aso, na amba yɛkoli bɛ so ngonim. Ben Hadade tiele bɛ dwirɛ ne, na ɔyɔle sɔ kyɛbɔ bɛhane ne ala.

YOB NWOMAA NE 31:24

“Sɛ mafa me wora mawura sikaa kɔkorɛ nu, ná mahã mahyire sikaa kɔkorɛ paa kyɛ, ‘ɛte m’anyelasoɛ;’

Edwein 35:21

Bɛtrɛ bɛ noa nu bɛteatea nu bɛkã me nwo dwirɛ tɛɛ kyɛ, “Ehee! Ehee! yɛ nye anwu ye.”

Edwein 49:18

Mmerɛ bɔ ɔte ngoa nu ne, obuli ye nwo kyɛ wayie ye yé, ofikyɛ sɛ sona nya ye nwo a, mmenia kamvo ye.

Edwein 49:6

Nzu ati yeɛ nzuro bɛ bɔ bɛfa bɛ nwo bɛto b’anwonyadeɛ so, bɔ bɛfa b’anwonya bɛhoahoa bɛ nwo ɔ?

Edwein 5:6

Ɛma ngondombofoɛ b’ayieleɛ yie bɛ, na kodiawufoɛ ne ndurumfoɛ de, AWURADE kyi bɛ.

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Edwein 94:4

Bɛkekã b’anwomasoɛ dwirɛ nemɔ, bɔnefoɛ amukoraa bɛkekã ahandaen dwirɛ.

Ɛksadɔso 15:9

Pɔfoɛ ne hane kyɛ, ‘Ngɔpo bɛ so, ngɔɔto bɛ, ngɔhyɛ koɛ nu nzesadeɛ ne, na me kra ko koyi. Ngɔhwe me ngrandɛ, na me sa kɔma bɛ boso konua.’

Anyandera 28:4

Bɛ bɔ bɛmva mmeraa bɛnyɛ huu ne, bɛbɔ bɔnefoɛ aba so, nakoso bɛ bɔ bedi mmeraa so ne de, bɛko betia bɔnefoɛ.

Nworɛ Dwirɛhanɛniɛ 7:15

M’asetena mbaen ye anu, manwu nikyee biala: Teneneeniɛ bɔ owu wɔ ye tenenee nu, yeɛ bɔnefoɛ koso bɔ onya ngoa tendenn wɔ ye bɔne nu ɔ.

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yesaya 57:17

Ye adifuu amumuyɛɛ ti yeɛ m’ahone huli ɔ, mburale ye, mvale me nyunu mveale ye, na mvɛle yaa, nakoso ɔhɔle so lili makyebu fale ye bɔbɔ ye atee so.

Yeremia 22:17

Nakoso w’apoobɔlɛ anwonyadeɛ angome yeɛ wɔ nye ne w’ahone li ye si ɔ; ɔne kyɛ ɛkɔhã mogya bɔ odi be ɔ kogua, ɛkɔhyɛ mmenia so ná ekosisi bɛ ɔ.”

Lewitikɔso 26:30

Ngɔsɛkye ɛmɔ asɔneyɛɛ so nemɔ ná mabubu ɛmɔ ɛyɛɛ afɔleɛ bokyea nemɔ magua. Ngɔboaboa ɛmɔ fuin noa ngogua ɛmɔ mmosoen wuruwaa nemɔ aso. Na ngɔpɔ ɛmɔ.

Habakuku 2:9

“Sona bɔ ɔnate atee tɛɛ so ɔpena anwonyadeɛ ma ye awuro, kyɛ ɔfa nwo ye saen wɔ anwuro, kyɛbɔ musue biala ngɔto ye ne, ye yaakɔ!”

Luka 12:15

Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

Luka 12:19

ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

Romanfoɛ 1:29

Sɔ bɔne hemɔ ayi bɛ ti anu tɛkyɛ, amumuyɛɛ, aborɛ, anyeboroborolɛ, ɛpɔen, anyeborolɛ, awuelilɛ, patapaa, nnakannaka, kanda, nzekure;

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

1 Korintofoɛ 6:10

awuefoɛ, anyeboroborolɛfoɛ, akɔnomnzafoɛ, nzekurebɔlɛfoɛ ne apoobɔlɛfoɛ ngɔhɔ Nyameɛ ahennie ne anu.

Ɛfesofoɛ 5:5

Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

Deuteronomi 29:19

Na ebiala bɔ ɔkɔte apam ndaen he anu dwirɛ, ná ɔkɔdwene saleɛ kɔma ye nwo kyɛ, ‘Ɔwɔ nu kyɛ meyɛ asoserɛ de, nakoso ngonya asomdwee’ nen, (sɔ nikyee ne ma sona bɔ ɔtengyɛ ne bɔnefoɛ bewu bɛbɔ nu),

Deuteronomi 32:19

“Na AWURADE nwuni ye sɔ nen, ɔnate ye mma mmienzua ne mmrasua mɔ bɛ nwo ahi ti, ɔpole bɛ.

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

Yakobo 4:13

Afei ɛ́mɔtie, ɛmɔ bɔ ɛmɔkã kyɛ, “Ɛnɛ anaa ɛhema, yɛkɔhɔ kuro he anaa ɛhene aso yɛkooli berɛ afoɛ ko, yɛkɔtɔ ná yayɛ nningyein atɔen, ná yanya mvasoɛ.”

Yakobo 4:16

Nakoso ɛmɔhoahoa ɛmɔ nwo wɔ ɛmɔ anwomasoɛ nu; na sɔ anwomasoɛ ne amukoraa te bɔne.

1 Yohane 2:15

Nnɛma ɛmɔkuro ewiase anaa nu nningyein dwirɛ. Na sɛ ebie kuro ewiase dwirɛ a, né Baba ne dɔ nne ye nu.

Maenbulɛfoɛ 17:2

Osele oni kyɛ, “Ɛdwetɛ apee ko ɛyaa ko bɔ ebie wuale fili wɔ berɛ, bɔ ɛwale ye nwo amoen maa me bɔbɔ ndele me so anu ne, sɔ ɛdwetɛ ne, ɔwɔ me berɛ. Me yeɛ mvale ɔ, nakoso afei de ngosa ngɔfa ngɔma wɔ.” Na ye maame sele kyɛ, “AWURADE, yira mma ye!”

1 Samuel 23:21

Na Sɔɔlo buale kyɛ, “AWURADE yira ɛmɔ kyɛ ɛmɔanwu me anwumvoin ɔ!