Edwein 10:14 - AHYERƐLƐ KRONGRON

¹⁴ Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 10:14 Iomraidhean Croise

Gyenesise 21:17

Nyameɛ tele akwadaa ne suɛ, na Nyameɛ abɔfo frɛle Hagar fili nyameɛso bisale ye kyɛ, “Hagar, nzikyɛ yeɛ ɔha wɔ ɔ? Nnɛsuro, ofikyɛ esuɛ bɔ akwadaa ne ɔla berɛ bɔ osũ ne, Nyameɛ ate.

Gyenesise 31:12

Osele me kyɛ, ‘Pagya wɔ ti na nea: ngaka nyii bɔ bɛ́fo mmeleɛ ne amukoraa bɛ nwo te kyerekyerɛɛ, ndetaa ndetaa ne nworonworaen; ofikyɛ me nye tua bɔ Laban ɔ́fa di wɔ ne amu.

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

2 Ahemvo 9:26

‘AWURADE nwa: Nabɔto mogya ne ye mma mɔ mogya bɔ nwuni ye anoma nen, meta ndaen kyɛ sɔ aseɛ ne aso ala yeɛ ngotua wɔ so kerɛ ɔ.’ Yiti pagya ye findi ye to aseɛ ye aso, kyɛbɔ AWURADE ahã ne ala.”

2 Aberɛso Dwirɛ 24:22

Nana Yoase wangaye paa bɔ Sakaria baba Yehoada ɔyɔ mane ye ne, na mmom ohuni ɔwa ne. Mmerɛ bɔ beku Sakaria ne, ɔteane nu kyɛ, “AWURADE ɔ́nea bɔ ɛmɔyɔ ye, ná otua ɛmɔ so kerɛ!”

2 Aberɛso Dwirɛ 6:23

ye de tie ye wɔ nyameɛso dɔ, ná di edwirɛ ne. Bua wɔ ngoaa mɔ ndɛen. Bua bɔ wayɔ mvomsoɛ ne foɛ, ná ma ye musue ɔbɔ ye bɔbɔ ye ti so. Nakoso bɔ ɔtengyɛ ne, ɔnate kyɛ ye ndɛen yɛ fɛ ne ati, bua ye be.

Edwein 146:9

AWURADE yeɛ ɔbɔ ɛwɔfoɛ mɔ nwo waen ɔ; ɔnea nyisiaafoɛ ne akunafoɛ, nakoso bɔnefoɛ atee de, ɔmaa ɔyɛ basaa.

Edwein 22:11

Nnɛyakyi me nu, ofikyɛ edwirɛ pena to me, na nnne bokafoɛ biala.

Edwein 31:8

Amva me anwura pɔfoɛ ne sa; afa me agyina nekaa bɔ berɛ baye ɔ.

Edwein 35:22

Ao AWURADE, naa anwu ye; nnɛkã wɔ noa to nu! Ao AWURADE, nnɛyakyi me nu!

Edwein 55:22

Fa w’adesoa to AWURADE so, na ɔkɔsɔ wɔ nu; ɔngɔnea ngɔma teneneeniɛ ngofi ase.

Edwein 68:5

Ayisiaafoɛ baba ne akunafoɛ neafoɛ, ye ole Nyameɛ bɔ ɔwɔ ye atenaleɛ krongron nu ne.

Edwein 68:6

Nyameɛ yeɛ ɔma sona bɔ olle bie ɔ awuro maa ɔtena nu ɔ; ɔye kukunufoɛ fite maa oyie bɛ yé, nakoso ɛlɔenyɛlɛfoɛ de, bɛtena aseɛ katerepee so.

Ɛksadɔso 2:25

Nyameɛ neane Yisraelfoɛ nemɔ, na bɛyɛle ye anwumvo.

Ɛksadɔso 22:22

Nnɛma ɛmɔsisi kunaniɛ brasua, anaa awisianiɛ biala.

Ɛksadɔso 22:26

Sɛ ede ebiɛngo tena ɛfa si wɔ berɛ awowaa a, fa ye nikyee kɔma ye koraka né eyia atɔ;

Anyandera 15:25

AWURADE dwiri anwomasoɛfoɛ b’awuro gua, nakoso ɔbɔ akunafoɛ mmrasua bɛ wɛen nwo waen.

Anyandera 15:3

AWURADE nye wɔ nekaa biala, na ɔnea bɔnefoɛ ne mmeni paa.

Yesaya 10:3

Nzu yeɛ ɛmɔkɔyɔ ye wɔ asohwenɛ kyẽa ne ɔne amaneɛnwunɛ bɔ okofi dedeede kɔwa ne anu ɔ? Nwa berɛ yeɛ ɛmɔkɔnwati bɛkɔɔpena mmokalɛ ɔ, nisua yeɛ ɛmɔkɔyakyi ɛmɔ anwonya ne ɔ?

Yeremia 16:17

Ofikyɛ me nye tua bɛ yɔleɛ amukoraa. Bɛmvea wɔ me nyunu, yeɛ b’amumuyɛɛ koso, so ɔngata wɔ me nye so.

Yeremia 23:24

Aso ebie kɔhora kɔfea wɔ mvealeɛ nu bɔ mengonwu ye ɔ? AWURADE noa dwirɛ ɛne. Aso menyi nyameɛso ne aseɛ so tɛkyɛ anaa? AWURADE noa dwirɛ ɛne.

Yeremia 49:11

Yakyi wɔ nyisiaa nemɔ berɛ, na ngɔmaa bɛkɔtena ngoa nu; na odi kyɛ wɔ kunafoɛ nemɔ, bɛfa bɛ wora bewura me nu.”

Yeremia 51:56

ofikyɛ sɛkyefoɛ ne awa ye so, wawa Babilɔn so; bahyehye ye koɛhonɛfoɛ nemɔ, babubu b’agyaen nemɔ anu, ofikyɛ AWURADE Nyameɛ bɔ otua kerɛ ne, okotua kerɛ amba.

Awuye 3:59

Ao AWURADE, anwu edwirɛ tɛɛ bɔ bafa bali me ɔ, di me dwirɛ ma me.

Awuye 3:60

Anwu bɛ wereɛtɔlɛ amukoraa, ɔne me nwo porɛ bɔ babɔ amukoraa.

Hosea 14:3

Asiria ngɔpepɛ ngole yɛ, yɛngɔtenatena mbɔngɔ so, yeɛ yɛngɔhã ngohyire yɛ sa noa nnwumaa ko kyɛ, ‘Ɛmɔte yɛ nyameɛ mɔ’, ofikyɛ wɔ nu yeɛ ayisiaaniɛ onya anwumvoinnwunɛ ɔ.

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Yoel 3:4

Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Habakuku 1:13

Wɔ nye te krongron paa bɔ yiti ɛngora nnea bɔne, ná ɛngora nnea amumuyɛɛ ɔ. Na nzu ati yeɛ ɛnea nnakannakafoɛ, bɔ ahã wɔ noa ato nu, wɔ mmerɛ bɔ bɔnefoɛ oku sona bɔ ɔtengyɛ tra bɔnefoɛ ne ɔ?

Deuteronomi 10:18

Ye bɔ odi nyisiaafoɛ ne akunafoɛ dwirɛ ma bɛ ɔ, ye bɔ okuro ɛwɔfoɛ dwirɛ, ná ɔma ye aleɛ ne ɛtena ɔ.

2 Timoteo 1:12

Na ɔnate ɛhe ati yeɛ menwu amaneɛ hemɔ ye, nakoso ɔnyɛ me nya; ofikyɛ mese bɔ male ye mali ne, na mede medi kyɛ ɔkora ɔbɔ bɔ mafa mawura ye sa ne nwo waen maa okoodwu Kyẽa ne.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

1 Petro 4:19

Yiti bɛ bɔ ɔnate Nyameɛ apɛdeɛ ti benwu amaneɛ ne, maa bɛfa bɛ kra bewura Ɛdangama bɔ ɔte nahorɛniɛ ne sa, ná bɛhɔ so bɛyɔ bɔ ɔte paa ɔ.

1 Petro 5:7

Ɛ́mɔfa ɛmɔ dadwene amukoraa begua ye so, ofikyɛ ɔdwene ɛmɔ nwo.

Maenbulɛfoɛ 1:7

Yeɛ Adoni Beseke sele kyɛ, “Ahemvo aburasoo, bɔ mapepɛ bɛ sa kokotire ne bɛ gya kokotire, yeɛ né bɛsesa m’aleɛ bo mboporowa bedi ɔ. Bɔ mayɔ ne yeɛ Nyameɛ atua me so kerɛ ɔ.” Bɛfale ye bɛwale Yerusalem, na berɛ yeɛ owuli ɔ.