Edwein 10:13 - AHYERƐLƐ KRONGRON

¹³ Nzu ati yeɛ bɔnefoɛ odwudwo tia Nyameɛ, ná ɔkã ye wɔ ye ti anu kyɛ, “Ɛngɔhwe me so” ye?

Edwein 10:13 Iomraidhean Croise

Gyenesise 42:22

Na Ruben sele bɛ kyɛ, “Manga mangyerɛ ɛmɔ kyɛ nnɛma ɛmɔyɔ abɛɛmaa ne tɛɛ biala? Nakoso ɛmɔandɛ me so. Yiti kekesaala ye, ye mogya nwo akatuaa yeɛ yɛnya ye ye.”

Gyenesise 9:5

Wɔ bɔbɔ deinn wɔ mogya bɔ ɔte wɔ ngoa ne, ekobu ye nwo ngondaa. Kaka biala ne sona biala kobu ye mogya nwo ngondaa. Na sona biala bɔ ɔkɔha obiɛngo mogya kogua ne, ngobisa mogya ne ngofi ye berɛ.

2 Aberɛso Dwirɛ 24:22

Nana Yoase wangaye paa bɔ Sakaria baba Yehoada ɔyɔ mane ye ne, na mmom ohuni ɔwa ne. Mmerɛ bɔ beku Sakaria ne, ɔteane nu kyɛ, “AWURADE ɔ́nea bɔ ɛmɔyɔ ye, ná otua ɛmɔ so kerɛ!”

YOB NWOMAA NE 24:12

Mmenia bɔ bɛla awusu ne, yɛte bɛ penelɛ ne nga wɔ kuro piri ne aso, na bɛ bɔ bapira ne, bɛ kra bɔ awuye bɛpena mmokalɛ, nakoso Nyameɛ ndɛ bɛ so.

YOB NWOMAA NE 24:23

Ɔbɔ bɛ nwo waen ogyina bɛ si, nakoso ye nye li b’atee bɔ bɛnate so ɔ si.

Edwein 74:10

Ao Nyameɛ, bɛ bɔ bekyi wɔ ne, kyinzu koraa yeɛ bɛ ngorohoɛ ne okoodwu ɔ? Pɔfoɛ ne, aso ɔkɔsɛkye wɔ dumaa afebɔɔ anaa?

Edwein 74:18

Ao AWURADE, kaye ɛhe: kyɛbɔ pɔfoɛ ne ɔyɛ ngorohoɛ ɔ, ɔne kyɛbɔ ngwaseafoɛ begua wɔ dumaa nwo fiɛ ɔ.

Numeri 11:20

na mmom ɛmɔkoli ye bosome ko mumua, kɔpem kyɛ ɔkɔfa ɛmɔ bonyi anu, ná wabɔ ɛmɔ ɔ, ofikyɛ ɛmɔapo AWURADE bɔ ɔne ɛmɔ te ne, na ɛmɔabɔ awuye wɔ ye nyunu kyɛ, ‘Nzu ati po yeɛ yɛtu yɛfili Misraim ye?’ ”

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Deuteronomi 29:18

Ɛ́mɔnea yé ná ɛmɔ nu biala, bienzua oo, brasua oo, abusua oo, anaa abusua kure oo, wandwe ye nwo ɛnɛ kyẽa ye wamvi AWURADE yɛ Nyameɛ nwo, kyɛ ɔkwaaso sɔ maen maen nemɔ bɛ mmosoen nemɔ. Nnɛma ɛmɔ nu bie yɛ ye nwo bakaa weewee bɔ ye noa le ɛborɔ ɔ.

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.