Edwein 10:12 - AHYERƐLƐ KRONGRON

¹² Ao AWURADE, dwɔso e! Ao Nyameɛ, kyire wɔ tumi! Nnɛma wɔ wora fi sona bɔ onwu amaneɛ ɔ.

Edwein 10:12 Iomraidhean Croise

Edwein 13:1

Ao AWURADE, na kyinzu? Aso ɛkɔma wɔ wora kofi me afebɔɔ anaa? Ɛkɔye wɔ nye kɔfea me maa okoodwu kyinzu?

Edwein 17:13

Ao, AWURADE, dwɔso fa koɛ toa bɛ, ná di bɛ so ngonim! Fa wɔ ngrandɛ ne pepɛ de me ngoa fi bɔnefoɛ sa nu.

Edwein 17:7

Wɔ ɔdɔ bɔ onni ngasi ne, ye ye ali kyire me wɔ atee bɔ ɔyɛ nwanwa ɔ so; bɛ bɔ bɛnwati befi bɛ pɔfoɛ mɔ sa nu bɛbafea wɔ berɛ ne, wɔ yeɛ ɛfa wɔ sa famaa ɛpepɛ ede bɛ ɔ.

Edwein 3:7

Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

Edwein 7:6

Ao AWURADE, fɛ yaa ná dwɔso e; kekã wɔ nwo dwɔso tia me pɔfoɛ mɔ b’ɛyaafɛlɛ; ao me Nyameɛ, dwɔso gyina me si, wɔ bɔ ahyehyɛ ndɛenbualɛ ato berɛ ɔ’.

Edwein 74:19

W’aborɔma ne, nnɛfa ye kra wura ngaka aboyaa mɔ sa; yeɛ wɔ mmenia bɔ bɛyɛ anwumvo ne, nnɛma wɔ wora fi bɛ ngoa le.

Edwein 77:9

Aso Nyameɛ wora afi kyɛ ɔkɔlo sona ɔ? Aso wafɛ yaa maa wayakyi ye anwumvoinnwunɛ ne anaa? Sela

Edwein 9:12

Ofikyɛ ye bɔ ɔtɔ mogya so wereɛ ne, ɔkaye bɛ bɔ bɛwɔ amaneɛ nu ɔ, na ɔmma ye wora mvi bɛ sufrɛ.

Edwein 9:13

Ao AWURADE, nwu me anwumvoin. Wɔ bɔ ɛpepɛ de me fi ɛborɔ atee pambim nu ɔ, nea amaneɛ bɔ menwu ye wɔ me pɔfoɛ mɔ sa nu ɔ,

Edwein 9:19

Ao AWURADE, dwɔso e, nnɛma adasa di ngonim; bua maen maen mɔ ndɛen wɔ wɔ nyunu.

Edwein 94:2

Ao, aseɛ ye aso ndɛenbualɛniɛ, kekã wɔ nwo e, ná tua anwomasoɛfoɛ bɛ so kerɛ!

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Yesaya 33:10

AWURADE nwa nyoo, “Afei ngodwɔso, afei ngohyire me tumi, afei ngɔmaa bekonwu me tumi.

Mika 5:9

Ɛkɔma wɔ sa so kotia bɛ bɔ bekyi wɔ ɔ, na wɔ pɔfoɛ mɔ amukoraa bɛ boso konua.

Maenbulɛfoɛ 16:28

Yeɛ Samson sũ frɛle AWURADE kyɛ, “AWURADE Nyameɛ, kaye me ná ma me anwoserɛ sɔ mmerɛ ye ala angome, O Nyameɛ; na mandɔ Filistifoɛ so wereɛ ɔnate me nye nyɔ bɔ batutu ne ati.”