Edwein 1:3 - AHYERƐLƐ KRONGRON

³ Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Edwein 1:3 Iomraidhean Croise

Gyenesise 39:23

Nikyee biala bɔ né owura Yosef sa ne, kuku nu neafoɛ ne anha ye nwo wɔ ye nwo, ofikyɛ né AWURADE gyi Yosef si, na bɔ ɔyɔle biala AWURADE maa ɔyɛle yee.

Gyenesise 39:3

Na ye mene nwuni kyɛ AWURADE gyi ye si, na AWURADE sá ma nikyee biala bɔ ɔyɔ yɛ yee.

2 Ahemvo 18:7

Nikyee biala bɔ ɔyɔle ne, oyiele ye yé ofikyɛ AWURADE gyinane ye si. Ɔyɛle Asiria hene nwo lɔen, na wanzo ye.

1 Aberɛso Dwirɛ 22:11

Yiti mma, AWURADE ogyina wɔ si, amaa ɔnate so ahora asi AWURADE wɔ Nyameɛ sua ne, kyɛbɔ wahã wafa wɔ nwo ne ala.

1 Aberɛso Dwirɛ 22:13

AWURADE ahyɛdeɛ ne nhyehyɛleɛ bɔ ɔnate Mose so fa mane Yisrael ne, sɛ ɛnea ná edi so a, okoyie wɔ yé. Gyina pindinn ná ma wɔ hue yɛ se. Nnɛsuro, yeɛ nnɛma wɔ kunu tete wɔ.

2 Aberɛso Dwirɛ 31:21

Na nikyee biala bɔ ɔyɔle ye wɔ Nyameɛ awuro berɛ ɛsɔnenɛ nu, ɔne bɔ ogyinane mmeraa ne mmeraa dwirɛ ne aso yɔle kyɛ ɔfa ɔso ye Nyameɛ ne, ofiane ye kunu ɔyɔle, na oyiele ye yé.

2 Aberɛso Dwirɛ 32:23

Mmenia pee bɛfale akyɛdeɛ bɛbrɛle AWURADE wɔ Yerusalem, na bɛfale nningyein bɔ ye nyɔboɛ yɛ se ɔ bɛɛhyɛle Yuda hene Hesekia, na ɔnate ɛhe aso onyane dumaa piri wɔ maen maen amukoraa nu fi sɔ mmerɛ ne bɔ ɔkɔ ɔ.

YOB NWOMAA NE 14:9

nakoso sɛ onya nzue kaala pɛ a, ɔfefɛ, na ɔyeye mmaen kyɛ bakaa bɔ batu batɛ ɔ.

YOB NWOMAA NE 22:28

Bɔ ɛkɔfa kosie wɔ nye so biala, ɔkɔyɛ berɛ kɔma wɔ, na kanea kɔta w’atee so.

Edwein 128:2

Ofikyɛ ekoli wɔ bɔbɔ wɔ sa noa adwuma nwo mvasoɛ; wɔ nye kɔgye, na okoyie wɔ yé.

Edwein 129:8

yeɛ bɛ bɔ bɛpɛ nu bɛkɔ ne, bɛnga kyɛ, “AWURADE óyira ɛmɔ oo! Yɛyira ɛmɔ wɔ AWURADE dumaa nu oo!”

Edwein 92:14

Bɛkɔ so besu mmaa wɔ bɛ nworowaa nu, daa bɛte frɔmfrɔm ne monɛ,

Edwein 92:15

bɛfa bekyire kyɛ AWURADE tengyɛ; me Nyɔbotaen ɛne, na bɔ ɔndengyɛ biala ɔnne ye nu.

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 3:10

Ɛmɔhã behyire teneneefoɛ kyɛ okoyie bɛ yé, ofikyɛ bɛ sa kɔhã bɛ yɔleɛ paa nwo akatuaa.

Yesaya 44:4

Bekofifi kyɛ asue nwo ɛserɛ, kyɛ asue noa gyaka.

Yesaya 58:11

AWURADE kɔyɛ wɔ taataa daa biala, ɔkɔma wɔ kra ko koyi wɔ aseɛ katerepee so, ɔkɔma w’aporɛ nu kɔyɛ se, ɛkɔyɛ kyɛ turo bɔ mmerɛ biala nzue doadoa nu ɔ, kyɛ mbombonzue bɔ ɔnwewe ɔ.

Yeremia 17:8

Ɔkɔyɛ kyɛ bakaa bɔ balua ye asue noa, bɔ ye ndii tende kɔ asue ne anwo ɔ. Sɛ ahuhuro ba a, onzuro, ye nyaa kɔhɔ so kɔyɛ monɛ; afoɛ bɔ wawa kɔpe ne, ɔmva ye nwo, na ɔngɔyakyi mmaasulɛ le.”

Hesekiel 17:8

Oluale ye wɔ aseɛ paa so wɔ nzue pee noa, kyɛ óbua ná osu mmaa, ná ɔyɛ bobe bɔ ɔyɛ nyemene ɔ.

Hesekiel 19:10

Ahaa né wɔ maame te kyɛ bobe turo nu bobe bɔ balua ye nzue noa ɔ; na nzue somaa bɔ onyane ye ne ati, onyane mmaen pee, na osuli mmaa.

Hesekiel 31:5

Yiti ye tendenn hɔle anwuro trale eburo mmakaa mukoraa; ye mmaen frɔmfrɔm nemɔ yɛle pee, yeɛ ye sa nemɔ yɛle ndendenn, ɔnate kyɛ onyane nzue pee.

Hesekiel 47:12

Mmakaa ahoroɔ amukoraa bɔ bedi ɔ kofifi asue ne noa, wɔ ye bue nyɔ ne. Bɛ nyaa ngɔkese, yeɛ mmaa ngɔpa so. Bosome biala bekosu mmaa foforɛ, ofikyɛ nzue bɔ benya ye ne ofi nekaa krongron berɛ. Bekoli bɛ mma ne, né bafa bɛ nyaa koso bayɛ ayire.”

Numeri 24:6

Bɛte kyɛ bɔnza bɔ ɔtrɛ kɔ dede ɔ, bɛte kyɛ asue noa turo mɔ, bɛte kyɛ pɛprɛ mmakaa bɔ AWURADE alua ɔ, bɛte kyɛ sida mmakaa bɔ begyigyi asue noa ɔ.

Mateo 13:6

Na eyia pukyele nen, bɛkesene, na ɔnate kyɛ bandira ndii ne ati, bɛyerale.

Mateo 21:19

Na onwuni borɔdoma bakaa bie wɔ atee ne noa, ɔhɔle ye nwo berɛ, na wannwu hwee wɔ so, sana nyaa ngome. Na osele bakaa ne kyɛ, “Engosu mmaa ko le!” Na berɛ ne ala, borɔdoma bakaa ne wuli.

Mateo 21:34

Na mmerɛ bɔ bobe telɛ dwuli nen, ɔsomane ye somvoɛ mɔ maa bɛhɔle hwɛsofoɛ nemɔ berɛ kyɛ beele ye mmakaammaa deɛ bɛbrɛ ye.

Mateo 21:41

Na bebuale ye kyɛ, “Okohu sɔ awudifoɛ nemɔ ewue yealɛ, ná wafa bobe boo ne wawura hwɛsofoɛ foforɛ mɔ sa, bɔ bobe telɛ dwu so a bɛkɔfa ye mmakaammaa deɛ bɛkɔma ye ɔ.”

Yohane 15:6

Na sɛ ebie wandena me nu a, begyi ye bɛto kyɛ bakaa mmaen, na ɔkese; na bɛboaboa mmaen nemɔ noa begua see nu bɛyera bɛ.

Deuteronomi 28:8

“AWURADE saleɛ kɔma aleɛ koyi wɔ pata so tɛkyɛɛ, na wɔ sa noa adwuma mukoraati kɔyɛ saleɛ. Okoyira wɔ wɔ aseɛ bɔ AWURADE wɔ Nyameɛ ɔ́fa ma wɔ ne aso.

Yuda 1:12

Sɔ mmenia nemɔ, bɛte ngekalewa wɔ ɛmɔ ɔdɔ adidie bo, bɛne ɛmɔ didi a, bɛte mmoaenneafoɛ bɔ bɛ ngome bɛ ko yeɛ ohia bɛ ɔ, bɛte munungum bɔ nzue nne nu bɔ mvrama fa ye kyinikyini ɔ; mmakaa bɔ odwu bɛ sulɛ a benzu mma ɔ, bawu pɛen nyɔ, bɔ bɛ bo atutu ɔ,

Nyekyire 22:2

kɔfa kuro ne dwaaso afia ɔ. Na asue ne bue nyɔ ne, né ngoa bakaa bɔ osu mmaa ahoroɔ buru ne nyɔ ɔ gyi berɛ, na osu ye mma bosome biala. Na bakaa ne nyaa yeɛ bɛfa bɛsa maen maen mɔ anwonyerɛ ɔ.