Edwein 1:1 - AHYERƐLƐ KRONGRON

¹ Sona bɔ ondie amumuyɛɛfoɛ foɛtulɛ, ná ɔmva bɔnefoɛ atee so, ná ɔne mmenia bɔ bɛgoro Nyameɛ nwo ne bendu nu ne, onya saleɛ.

Edwein 1:1 Iomraidhean Croise

Gyenesise 49:6

Ao me kra, nnɛne bɛ fa adwene; Ao me sunzum, nnɛne bɛ bɔ afɛ; ofikyɛ sɛ bɛfɛ yaa a, bedi awue, na bɛgye bɛ nye a, bɛpepɛ nandwie mɔ gya ndii nu.

Gyenesise 5:24

Henɔke ne Nyameɛ natele, na otu minini, ofikyɛ Nyameɛ fale ye hɔle.

1 Ahemvo 16:31

Nebate awa Yeroboam bɔne bɔ Ahabo yɔle bie ne, sɔ bɔne ne po saa né ɔte kãa: Ahabo oogyale Sidonfoɛ hene Etebaal ɔwa brasua Yesebɛl, na ɔsole bosoen Baal sɔnene ye.

2 Aberɛso Dwirɛ 22:3

Ye koso, ɔyɔle bɔne bɔ Ahabo boso ama bɛyɔle ne bie, ofikyɛ né oni yeɛ osi ye adua wɔ bɔnelilɛ nu ɔ.

YOB NWOMAA NE 10:3

Aso ɔte paa ma wɔ kyɛ ɛkɔfa me kɔfa ateetee nu ɔ, kyɛ ɛkɔpo wɔ sa noa adwuma ɔ, ɔne kyɛ ɛkɔma wɔ nye kɔgye amumuyɛɛfoɛ bɛ porɛbɔlɛ nwo ɔ?

YOB NWOMAA NE 21:16

Tie, bɛ ngɔsoɛ ne, aso nna bɛ bɔbɔ bɛ sa nu yeɛ ɔwɔ ɔ? Mekyi bɔnefoɛ foɛtulɛ kɔkɔkɔkɔ.

YOB NWOMAA NE 31:5

“Sɛ mama me bra ayɛ kanda bra, ɔne kyɛ mama me nwo ayɛ nyera mabɔ nnakannaka bra a,

Edwein 1:6

ofikyɛ AWURADE se teneneefoɛ b’atee bɔ bɛnate so ɔ, nakoso bɔnefoɛ de, b’atee bɔ bɛnate so ne, ongoyie bɛ yé.

Edwein 106:3

Bɛ bɔ bebua ndɛen turoloo ne, ɔne bɛ bɔ bɛyɔ bɔ ɔtengyɛ daa biala ne, benya saleɛ.

Edwein 112:1

Ɛ́mɔye AWURADE ayɛ! Sona bɔ osuro AWURADE, ná ye nye gye ye mmeraa dwirɛ nwo paa ne, onya saleɛ.

Edwein 119:115

Bɔnefoɛ, ɛ́mɔfi me so bɛhɔ maa nni me Nyameɛ mmeraa dwirɛ ne aso.

Edwein 144:15

Maen bɔ sɔ nningyein nemɔ wɔ so ne, benya saleɛ, maen bɔ AWURADE te bɛ Nyameɛ ne, benya saleɛ!

Edwein 146:5

Sona bɔ ye bokafoɛ ole Yakob Nyameɛ, bɔ ye wora wura AWURADE ye Nyameɛ nu ne, onya saleɛ.

Edwein 146:9

AWURADE yeɛ ɔbɔ ɛwɔfoɛ mɔ nwo waen ɔ; ɔnea nyisiaafoɛ ne akunafoɛ, nakoso bɔnefoɛ atee de, ɔmaa ɔyɛ basaa.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 26:12

Me gya gyi berɛ pindinn wɔ aseɛ frɛtɛɛ so, na badwa kandinga nu yeɛ ngɔye AWURADE ayɛ ɔ.

Edwein 34:8

Ao, baafa wɔ nwo bɔ AWURADE nea, na ekonwu kyɛ AWURADE te paa; sona bɔ ɔnwati ɔkɔfea ye nu ne, onya saleɛ.

Edwein 36:4

Ɔla ye bɛen so a, nzɛmmɔne yeɛ osusu ye nwo ɔ; wape bɔne atee so, na ongyi bɔne.

Edwein 64:2

Bɔnefoɛ bɛ porɛ bɔ bɛbɔ ye mvealeɛ nu ne, bɔ me nwo adwaa fi nu, de me fi amumuyɛɛfoɛ bɛ kanda atee nu.

Edwein 81:12

Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Edwein 84:12

Ao Asafo AWURADE, ebiala bɔ ye wora wura wɔ nu ne, onya saleɛ.

Anyandera 1:15

mma, nnɛne bɛ bɔ afɛ. Nekaa bɔ bekotia ne, nnɛtia berɛ bie;

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 13:15

Sona bɔ ole nimdeɛ paa ne, mmenia bɛdo ye, nakoso ngondomboniɛ atee fa ye kɔ amaneɛ nu.

Anyandera 13:20

Sɛ ɛne nworɛniɛ nate a, enwu nworɛ, nakoso sɛ ɛne ngwaseafoɛ bɛbɔ afɛ a, edwirɛ to wɔ.

Anyandera 19:29

Besiesie asohwenɛ bɛto berɛ bɛma ngorohoɛfoɛ, yeɛ mbirefinɛ koso bɛma ngwaseafoɛ si.

Anyandera 2:12

ɔkɔpepɛ kole wɔ kofi bɔne atee so, kofi mmenia bɔ bɛ noa dwirɛ te kanda ɔ bɛ sa nu,

Anyandera 3:34

Nahorɛ nu, ɔgoro ngorohoɛfoɛ nwo, nakoso anwobrɛaseɛfoɛ de, ɔdo bɛ.

Anyandera 4:19

Nakoso bɔnefoɛ de, b’atee te kyɛ awosii tunn, bennwu nikyee bɔ bɛfofo so ɔ.

Anyandera 9:12

Sɛ enwu nworɛ a, enwu ma wɔ bɔbɔ wɔ nwo, yeɛ sɛ ɛyɛ ngorohoɛ a, ɔkɔbɔ wɔ ngome wɔ ti so.

Yeremia 15:17

Mandena ngorohoɛfoɛ bɛ dwaa bɔ bɛbɔ nu, yeɛ manni ahurusi, na ɔnate kyɛ wɔ sa la me so ne ati, ndele me nwo ndenane nekaa bie, ofikyɛ afa ɛyaafɛlɛ ayi me nu to.

Yeremia 17:7

Sona bɔ ye wora wura AWURADE nu, bɔ AWURADE te ye anyelasoɛ ne de, onya saleɛ.

Hesekiel 20:18

“Na nzele bɛ mma mɔ wɔ ɛserɛ ne aso kyɛ, ‘Ɛmɔ nana mɔ yɔleɛ ne, nnɛma ɛmɔyɔ bie, nnɛma ɛmɔtu b’agyirɛ bɔ betuli ne bie, yeɛ nnɛma ɛmɔsɔne bɛ mmosoen nemɔ begua ɛmɔ nwo fiɛ.

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Luka 11:28

Nakoso osele kyɛ, “Bɛ bɔ bɛte Nyameɛ dwirɛ ne ná bedi so ne mmom yeɛ banya saleɛ ɔ!”

Luka 23:51

bɔ ye de wambene bɛ porɛ ne bɛ yɔleɛ ne aso ɔ, né ye de ɔ́nwondɛ Nyameɛ ahennie ne.

Yohane 13:17

Sɛ ɛmɔse hemɔ, ná ɛmɔyɔ a, ɔte saleɛ ma ɛmɔ.

Yohane 20:29

Na Yesu sele ye kyɛ, “Tɔmase, anwu me ne ati yeɛ afei ale ali ɔ? Bɛ bɔ bennwuni ye, ná bale bali ne, ɔte saleɛ ma bɛ!”

Romanfoɛ 5:2

Ɔnate ye so yeɛ yafa gyidie so yanya adom he bɔ yɛgyi so ye; na yɛhoahoa yɛ nwo Nyameɛ animnyam nwo anyelasoɛ nu.

Ɛfesofoɛ 6:13

Yiti ɛ́mɔfa Nyameɛ akodeɛ ne amukoraa bewura, amaa ɛmɔahora bagyina wɔ kyẽa tɛɛ ne anu; na sɛ ɛmɔyɔ ɛhe amukoraa beyie a, né ɛmɔagyina pirim.

Deuteronomi 14:6

Kaka biala bɔ ye gya ne anu apakye, bɔ nu apakye ndaa nyɔ, ná opu ye aleɛ sá pesa ne, ye de ɛmɔkora bedi.

Deuteronomi 33:29

O Yisrael, anya saleɛ! Nwa yeɛ ɔne wɔ bɛte pɛ ɔ? Mmenia bɔ AWURADE ale bɛ ɔ, ɔte w’akokyɛm bɔ ɔbɔ wɔ nwo waen ɔ, ɔne wɔ ngonim ngrandɛ! Wɔ pɔfoɛ mɔ kɔbrɛ bɛ nwo ase wɔ wɔ nyunu, nakoso wɔ de, ekotiatia b’asɔneyɛɛ nemɔ aso.”

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.