Deuteronomi 7:3 - AHYERƐLƐ KRONGRON

³ Nnɛma ɛmɔ ne bɛ begyigya bɛ nwo. Nnɛfa wɔ mma mmrasua ma bɛ mma mmienzua gya, yeɛ nnɛgya bɛ mma mmrasua ma wɔ mma mmienzua.

Deuteronomi 7:3 Iomraidhean Croise

Gyenesise 24:3

na memaa ɛfa AWURADE, nyameɛso Nyameɛ ne aseɛ Nyameɛ ne ɛta ndaen kyɛ, Kanaanfoɛ bɔ nde bɛ nu wa ye, engogya bɛ nu brasua biala ngɔma mma ye.

1 Ahemvo 11:2

Sɔ maen maen mɔ bɔ mmrasua nemɔ fi so ne, né AWURADE abɔ bɛ nwo kɔkɔ wahyire Yisraelfoɛ kyɛ, “Nnɛma ɛmɔgyigya so ama, yeɛ nnɛmɔmaa bɛ koso begyigya ɛmɔ; ofikyɛ bɛkɔlakalaka ɛmɔ maa ɛmɔkooli bɛ nyameɛ mɔ si.” Nakoso Solomon hɔle so hurole bɛ.

1 Ahemvo 16:31

Nebate awa Yeroboam bɔne bɔ Ahabo yɔle bie ne, sɔ bɔne ne po saa né ɔte kãa: Ahabo oogyale Sidonfoɛ hene Etebaal ɔwa brasua Yesebɛl, na ɔsole bosoen Baal sɔnene ye.

Ɛsra 10:3

Yiti kekesaala ye, odi kyɛ yɛne yɛ Nyameɛ yɛyɛ apam, kyɛ yɛ ye nemɔ, bɛ ne bɛ mma mɔ, yɛkɔfoa bɛ maa bekofi yɛ nu bɛkɔhɔ. Me mene, ɛne mmenia bɔ bedi Nyameɛ mmeraa dwirɛ ne aso ne, odi kyɛ yɛyɔ ye sɔ kyɛbɔ mmeraa ne kyire ɔ.

Ɛsra 9:12

Yiti nnɛma ɛmɔfa ɛmɔ mma mmrasua bɛma bɛ mma mmienzua mɔ begya, yeɛ nnɛma ɛmɔgyigya bɛ mma mmrasua bɛma ɛmɔ mma mmienzua. Nnɛma ɛmɔpena bɛ ne asomdwee anaa paa, amaa ɔnate so ɛmɔ nwo ayɛ se, ná ɛmɔali aseɛ ne aso nningyein paa, ná ɛmɔafa bayakyi ɛmɔ mma mɔ maa wayɛ agyapadeɛ afebɔɔ.’

Nehemia 10:30

Yɛngɔfa yɛ mma mmrasua ngɔma aseɛ ne aso ama agyaa, yeɛ yɛngɔma yɛ mma mmienzua ngogyigya bɛ mma mmrasua.

Maenbulɛfoɛ 14:3

Nakoso ye baba ne ye maame buale ye kyɛ, “Aso w’abusua nu, anaakyɛ yɛ maen ye anu amukoraati, brasua biala ɔnne nu, bɔ yiti ɔsɛ kyɛ ɛkɔ Filistifoɛ bɔ bɛmbɛ bɛ bienzua ye mɔ anu ekogya braa ɔ?” Nakoso Samson sele ye baba kyɛ, “Kogya ye ma me, ofikyɛ ye yeɛ mekuro ye ɔ.”