Deuteronomi 4:3 - AHYERƐLƐ KRONGRON

³ Ɛmɔ bɔbɔ bɛ nye tua bɔ AWURADE yɔle ye wɔ Baal Peɔ ɔ, ofikyɛ ɛmɔ nu mmenia bɔ belili Baal bɔ ɔwɔ Peɔ si ne, AWURADE ɛmɔ Nyameɛ huhuni bɛ fili ɛmɔ nu.

Deuteronomi 4:3 Iomraidhean Croise

Hesekiel 20:18

“Na nzele bɛ mma mɔ wɔ ɛserɛ ne aso kyɛ, ‘Ɛmɔ nana mɔ yɔleɛ ne, nnɛma ɛmɔyɔ bie, nnɛma ɛmɔtu b’agyirɛ bɔ betuli ne bie, yeɛ nnɛma ɛmɔsɔne bɛ mmosoen nemɔ begua ɛmɔ nwo fiɛ.

Hosea 9:10

Nwuni Yisrael kyɛ ɛserɛ so bobe mma. Nwuni ɛmɔ nana mɔ kyɛ bobe mma bɔ wali moa wasu wɔ ye sulɛ mmerɛ bɔ oli moa nu ɔ. Nakoso bedwuli Baal Peɔ nen, beguale bɛ nwo fiɛ bɛbɔle nyanzoen bra, na bɛ bɔbɔ bɛkakyili akyiwadeɛ te kyɛ nningyein bɔ né bekuro ne ala.

Numeri 26:64

Yisraelfoɛ bɔ Mose ne ɔsɔfo Aarɔn bɛhale bɛ wɔ Sinai ɛserɛ ne aso ne, bɛ nu ko po nne berɛ bɔ né ɔboka mmenia hemɔ aso ɔ.

Numeri 31:16

Mmrasua hemɔ yeɛ Balaam tuli bɛ foɛ tɛɛ maa bɛlakalakale Yisraelfoɛ, bɔ ɔnate so Yisraelfoɛ hwi fale AWURADE dwirɛ so ná bɛɛsɔnene Peɔ ne. Na ɛhe mane amaneɛ piri tole AWURADE mmenia.

Deuteronomi 11:7

Ofikyɛ ɛmɔ bɔbɔ bɛ nye nwuni nningyein mbiri mbiri bɔ AWURADE yɔle ɔ.

Deuteronomi 4:4

Nakoso ɛmɔ bɔ ɛmɔfale bɛ nwo bɛbɔle AWURADE ɛmɔ Nyameɛ ne de, ɛmɔ amukoraa bɛtɛ te ase.

Yosua 22:17

Bɔne bɔ yɛyɔle ye wɔ Peɔ, bɔ ɔbaadwu ɛnɛ ye po yɛnnya yɛppetene yɛ nwo yɛffili ye nwo ne, bɔne bɔ ɔfale amaneɛ pirikua tole AWURADE mmenia so ne, aso ɔte bɔne ba?