Deuteronomi 1:3 - AHYERƐLƐ KRONGRON

³ Kyẽa bɔ oli moa wɔ bosome buru ne ko ne anu, wɔ afoɛ aburanna ne anu ne, Mose hane edwirɛ amukoraa bɔ AWURADE ahyɛ ye kyɛ ɔha hyire Yisraelfoɛ mɔ ne hyirele bɛ.

Deuteronomi 1:3 Iomraidhean Croise

Lewitikɔso 27:34

Ɛhemɔ ole mmeraa dwirɛ bɔ AWURADE nate Mose so fa mane Yisraelfoɛ wɔ Sinai bokaa ne aso ne.

Numeri 1:1

Yisraelfoɛ tu fili Misraim aseɛ so ne asi, ye afoɛ bɔ ɔtɔ so nyɔ ne anu, bosome bɔ ɔtɔ so nyɔ, ye kyẽa bɔ oli moa ne, AWURADE sele Mose wɔ ɛtena sua atenaleɛ ne anu wɔ Sinai ɛserɛ ne aso kyɛ,

Numeri 20:1

Bosome bɔ oli moa ne anu, Yisrael maen ne amukoraa beedwuli Sen ɛserɛ ne aso, na mmenia ne tenane Kadese. Berɛ yeɛ Miriam wuli ɔ, na berɛ yeɛ besiele ye ɔ.

Numeri 33:38

Yisraelfoɛ fili Misraim aseɛ so ne, ye afoɛ aburanna ne anu, kyẽa bɔ oli moa wɔ bosome bɔ ɔtɔ so nnu ne anu ne, ɔsɔfo Aarɔn fo hɔle Hore bokaa ne aso kyɛbɔ AWURADE hyɛle ye ne, na oowuli wɔ berɛ.

Yosua 4:19

Bosome bɔ oli moa ne anu, ye eleburu ne aso yeɛ mmenia ne fili asue Yɔɔdan nu befite bɛwale ɔ, na bɛkyekyele asikyeleɛ wɔ Gilgal, wɔ Yeriko eyia afiteleɛ.