Daniel 9:9 - AHYERƐLƐ KRONGRON

⁹ O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Daniel 9:9 Iomraidhean Croise

2 Samuel 24:14

Yeɛ Dawide buale Gade kyɛ, “Yieee, edwirɛ piri paa yeɛ wato me e! Kyɛ kuro sona kɔhwe me so de, ye de ma AWURADE mmom ɔhwe yɛ so, ofikyɛ ye de, ye anwumvoinnwunɛ te piri.”

1 Ahemvo 8:30

Sɛ w’akoaa ne wɔ maen Yisrael bɛfa bɛ nye bekyire sua ye bɛbɔ mbaeɛ a, tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ.

Nehemia 9:31

Nakoso ɔnate w’anwumvoinnwunɛ kandinga ne ati, annua bɛ boso, yeɛ anye wɔ sa amvi bɛ bo, ofikyɛ ɛte Nyameɛ bɔ ɛdo sona ná ɛse anwumvoin ɔ.

Edwein 130:4

Nakoso wɔ de bɔnefakyɛ wɔ wɔ nu, amaa ɔnate so yasuro wɔ.

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 62:12

Na wɔ, ao AWURADE, ɔdɔ bɔ onni ngasi ne te wɔ deɛ, na etua sona biala kerɛ kyɛbɔ ye nnwumaa te ɔ.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Yeremia 14:7

“Ɔwɔ nu kyɛ y’amumuyɛɛ bua yɛ fɔ de, nakoso AWURADE, wɔ dumaa ti, boka yɛ. Yasa yɛ si paa, na yayɔ bɔne yatia wɔ.

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Daniel 9:6

Wɔ somvoɛ ngɔmhyɛlɛfoɛ bɔ begyinane wɔ dumaa nu bedwudwo behyirele yɛ ahemvo mɔ, yɛ atitirefoɛ, yɛ nana mɔ ne aseɛ ne aso mmenia amukoraa ne, yandie bɛ.

Daniel 9:7

O AWURADE, wɔ yeɛ tenenee te wɔ deɛ; nakoso yɛ de, animguaseɛ yeɛ ɔte yɛ deɛ maa waadwu ɛnɛ ɔ: Yudafoɛ, Yerusalemfoɛ ne Yisraelfoɛ amukoraa bɔ bepingye wa ne bɛ bɔ bɛwɔ nziɛ nziɛ, wɔ aseɛ amukoraa bɔ atu bɛ aagua so ɔ, ɔnate nahorɛ bɔ banni bamma wɔ ne ati ɔ.

Daniel 9:8

O AWURADE, yɛ ne yɛ hene mɔ, yɛ mbanyi mɔ ne yɛ nana mɔ, animguaseɛ te yɛ deɛ, ofikyɛ yayɔ bɔne yatia wɔ.

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.