Daniel 9:8 - AHYERƐLƐ KRONGRON

⁸ O AWURADE, yɛ ne yɛ hene mɔ, yɛ mbanyi mɔ ne yɛ nana mɔ, animguaseɛ te yɛ deɛ, ofikyɛ yayɔ bɔne yatia wɔ.

Daniel 9:8 Iomraidhean Croise

2 Ahemvo 21:15

Ofikyɛ ofi mmerɛ bɔ bɛ nana mɔ fili Misraim bɛwale bɔ ɔbaadwu ɛnɛ ɔ, bayɔ bɔ ɔte bɔne wɔ me nyunu ɔ, na bafa bahu m’ahone.”

2 Aberɛso Dwirɛ 6:37

nakoso sɛ bɛ nye ba bɛ nwo so wɔ aseɛ bɔ bahye bɛ nnure bahɔ so ne aso, benu bɛ nwo, ná besu bɛfrɛ wɔ wɔ maen bɔ bahye bɛ nnure bahɔ so ne aso kyɛ, ‘Yayɔ bɔne, yayɔ mvomsoɛ; yayɔ amumuyɛɛ’;

Nehemia 1:6

mesrɛ wɔ, yɛ asoɛ tie, ná fa wɔ nye nea, amaa ate w’akoaa me mbaeɛ bɔ mebɔ wɔ wɔ nyunu kekesaala ye mema wɔ ngoaa Yisraelfoɛ eyia ne kɔngɔen ne. Afei, Yisraelfoɛ, yɛ bɔne bɔ yayɔ yatia wɔ ne, mekã mekyire wɔ. Me ne me baba awuro ama amukoraa, nahorɛ nu, yayɔ bɔne.

Yesaya 64:4

Ofi tetetete yeɛ mmenia bennya bɛttele, anaa ɔppɛle bɛ so anu ɔ, yeɛ anyeɛ biala koso onnwuni Nyameɛ bɔ ɔte kyɛ wɔ bɔ ɔko ma bɛ bɔ bɛ wora wura ye nu kyɛ wɔ ɔ.

Yeremia 14:20

Ao AWURADE, yɛde yɛ bɔne yɛto nu, yeɛ yɛde yɛ nana mɔ b’amumuyɛɛ yɛto nu, ofikyɛ yayɔ bɔne yatia wɔ.

Yeremia 32:32

ɔnate bɔne amukoraa bɔ Yisraelfoɛ ne Yudafoɛ, b’ahemvo, b’atitire mɔ, b’asɔfo, bɛ ngɔmhyɛlɛfoɛ, Yuda mmienzua ne Yerusalemfoɛ bayɔ, kyɛ bɛfa bewura me apue ne ati.

Yeremia 7:19

Me yeɛ bewura me apue ye? AWURADE noa dwirɛ ɛne. Aso nna bɛ bɔbɔ yeɛ bɛha bɛ nwo ɔ?

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Awuye 3:42

“Yayɛ amumuyɛɛ, yeɛ yayɛ lɔen, na amva angyɛ.

Awuye 5:16

Y’ahennie abotire ne, watu wafi yɛ ti so. Edwirɛ ato yɛ oo, ɔnate kyɛ yayɔ bɔne!

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Hesekiel 5:6

Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.