Daniel 9:7 - AHYERƐLƐ KRONGRON

⁷ O AWURADE, wɔ yeɛ tenenee te wɔ deɛ; nakoso yɛ de, animguaseɛ yeɛ ɔte yɛ deɛ maa waadwu ɛnɛ ɔ: Yudafoɛ, Yerusalemfoɛ ne Yisraelfoɛ amukoraa bɔ bepingye wa ne bɛ bɔ bɛwɔ nziɛ nziɛ, wɔ aseɛ amukoraa bɔ atu bɛ aagua so ɔ, ɔnate nahorɛ bɔ banni bamma wɔ ne ati ɔ.

Daniel 9:7 Iomraidhean Croise

Ɛsra 9:13

Yɛ bɔne ne y’amumuyɛɛ kandinga ne ati yeɛ ɛhemɔ atoto yɛ ɔ. Nakoso ɛhe asi ye po, wɔ, yɛ Nyameɛ, y’amumuyɛɛ nwo asohwenɛ bɔ afa ama yɛ ne ɔte kãa, na ama yɛ ngaa ne yanya yɛ ti yadidi nu.

Ɛsra 9:15

O AWURADE Yisrael Nyameɛ, ɛtengyɛ, ofikyɛ ama yɛ ngaa ne yanya yɛ ti yadidi nu, kyɛbɔ kekesaala ye ɔte ye. Yɛ amumuyɛɛ nu yeɛ yɛwɔ wɔ nyunu ɔ, ɔwɔ nu kyɛ ebiala ngɔhora ngɔfa sɔ amumuyɛɛ ne ngogyina wɔ nyunu.”

Nehemia 9:33

Amaneɛ bɔ wato yɛ ne amukoraa, edi be, ofikyɛ edi nahorɛ, na yɛ de yayɔ bɔne.

Edwein 119:137

Ao AWURADE, ɛtengyɛ, na wɔ ndɛenbualɛ te turoloo.

Edwein 44:15

Mmerɛ biala, me nwo nyanzoen li me nyunu, na animguaseɛ abia me,

Edwein 51:14

Ao Nyameɛ, me ngoadefoɛ Nyameɛ, pepɛ de me fi mogya nwo foɛlilɛ nu, na ngɔfa me noa ngɔto wɔ tenenee nwo dwein serɛ paa.

Edwein 51:4

Wɔ ngome, wɔ ngome twe, yeɛ mayɔ bɔne matia wɔ ɔ, na mayɔ bɔ ɔte bɔne wɔ wɔ nyunu ɔ. Yiti sɛ ebua me fɔ a, ɔte turoloo, na sɛ ebua me ndɛen a, edi be.

Yesaya 11:11

Na ɔkɔwa kyɛ, sɔ kyẽa ne, AWURADE kɔtengyɛ ye sa ye pɛen nyɔ so kole ye mmenia bɔ baha ne kofi Asiria, Misraim, Patrose, Yitiopia, Elam, Sinari, Hamate nu, yeɛ mboanoa supɔ mɔ so.

Yesaya 45:16

Bɛ mukoraa bɛkɔfɛre, na bɛ nyunu kogua ase, Bɛ bɔ bɛyɔ amoen ne, animguaseɛ kɔto bɛ kɔbɔ nu.

Yeremia 12:1

Ao AWURADE, sɛ mebɔ wɔ kwaadu a, edi be kaenn. Nakoso maa mva me dwirɛ ndo wɔ nyunu. Nzu ati yeɛ oyie bɔnefoɛ yé e? Nzu ati yeɛ ngɔngɔnzaafoɛ amukoraa bɛ so anu atɔ bɛ ɔ?

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 3:25

Ɛ́mɔma yɛlela berɛ wɔ y’animguaseɛ nu, ná yɛ nwo nyanzoen ne ɔkata yɛ so, ofikyɛ ofi yɛ ngwadaa nu bɔ ɔbaadwu ɛnɛ ye, yɛ ne yɛ nana mɔ yayɔ bɔne yatia AWURADE yɛ Nyameɛ, na yanyɛ sotie yamma AWURADE yɛ Nyameɛ noa dwirɛ.”

Yeremia 32:32

ɔnate bɔne amukoraa bɔ Yisraelfoɛ ne Yudafoɛ, b’ahemvo, b’atitire mɔ, b’asɔfo, bɛ ngɔmhyɛlɛfoɛ, Yuda mmienzua ne Yerusalemfoɛ bayɔ, kyɛ bɛfa bewura me apue ne ati.

Yeremia 33:16

Sɔ ngyẽa nemɔ anu, Yuda konya ye ti kodidi nu, na Yerusalem kɔtena asomdwee nu. Na dumaa bɔ bɛkɔfa bɛkɔfrɛ ye ole, ‘AWURADE Yɛ Tenenee.’

Yeremia 4:17

Bapɛ ye nwo bayia kyɛ ahwɛsofoɛ bɔ bɛnea eboo ɔ, ofikyɛ wayɛ me nwo lɔen, AWURADE noa dwirɛ ɛne.

Yeremia 7:19

Me yeɛ bewura me apue ye? AWURADE noa dwirɛ ɛne. Aso nna bɛ bɔbɔ yeɛ bɛha bɛ nwo ɔ?

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Hesekiel 36:31

Na afei ɛmɔkɔkaye ɛmɔ bɔne yɔleɛ ne ɛmɔ yɔleɛ bɔ ɔtte mayee ne. Na ɔnate ɛmɔ amumuyɛɛ ne ɛmɔ akyiwadeɛ bra ne ati, ɛmɔ nwo kɔyɛ ɛmɔ tɛ.

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Hesekiel 6:12

Bɔ ɔwɔ dedeede ne, ewue anwonyerɛ yeɛ okohũ ye ɔ; bɔ opingye ne, ngrandɛ noa yeɛ ɔkɔtɔ ɔ; na bɔ waha bɔ mamaa wanya ye ti wadidi nu ne, ɛhɔen yeɛ ɔkɔmaa okowu ɔ. Sɔ yeɛ me yaafɛlɛ ne kɔyɔ bɛ nwo adwuma koyie ɔ.

Daniel 9:14

Ye sɔ ne ati, AWURADE asiesie amaneɛ, na wamaa wato yɛ; ofikyɛ AWURADE yɛ Nyameɛ ne, ɔtengyɛ wɔ bɔ ɔyɔ ɔ amukoraa nu; nakoso yɛ de, yandie ye dwirɛ.

Daniel 9:18

O me Nyameɛ, yɛ asoɛ tie, bukye wɔ nye ná nea amaneɛ bɔ wato yɛ ne kuro bɔ wɔ dumaa la so ne; ofikyɛ nna yɛ tenenee so yeɛ yɛgyi bɔ yɛfa yɛ sufrɛ yɛto wɔ nyunu ɔ, na mmom w’anwumvoinnwunɛ piri ne ati ɔ.

Daniel 9:8

O AWURADE, yɛ ne yɛ hene mɔ, yɛ mbanyi mɔ ne yɛ nana mɔ, animguaseɛ te yɛ deɛ, ofikyɛ yayɔ bɔne yatia wɔ.

Amose 9:9

“Ofikyɛ tie, ngɔfa ahyɛdeɛ ngɔma, na ngohuhu Yisrael awuro ama so wɔ maen maen amukoraa nu, kyɛbɔ behuhu aburoo so wɔ huhuamoa nu ɔ, nakoso aburoo ne kaaba ko po ngɔtɔ ase.

Romanfoɛ 6:21

Daa bra bɔ ɛmɔbɔle ne, bɔ ɛnɛ ɔyɛ ɛmɔ nya ye, nzikyɛ mvasoɛ yeɛ ɛmɔnya befili nu ɔ? Sɔ nningyein nemɔ, b’ayieleɛ te ewue.

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

Deuteronomi 4:27

AWURADE kɔbɔ ɛmɔ kɔsande kɔhɔ maen maen nemɔ aso, na ɛmɔ nu kãa bie yeɛ bekonya ngoa wɔ maen maen bɔ AWURADE kɔhwe ɛmɔ kɔhɔ so ne aso ɔ.