Daniel 9:5 - AHYERƐLƐ KRONGRON

⁵ yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Daniel 9:5 Iomraidhean Croise

2 Ahemvo 18:12

Sɔ dwirɛ ne tole Yisraelfoɛ, ofikyɛ bandie AWURADE bɛ Nyameɛ dwirɛ, na mmom bebuli ye apam so. Bɔ AWURADE somvoɛ Mose hyɛle ne amukoraa, bandie, na banni so.

2 Ahemvo 21:15

Ofikyɛ ofi mmerɛ bɔ bɛ nana mɔ fili Misraim bɛwale bɔ ɔbaadwu ɛnɛ ɔ, bayɔ bɔ ɔte bɔne wɔ me nyunu ɔ, na bafa bahu m’ahone.”

Ɛsra 9:6

na nzele kyɛ, “O me Nyameɛ, ɔyɛ me nya paa, na mafɛre kyɛ ngɔpagya me nye ngɔnea wɔ ɔ. Ofikyɛ me Nyameɛ, y’amumuyɛɛ wasone pee, na yɛ mvomsoɛ wadwu nyameɛso.

Edwein 106:6

Yɛne yɛ nana mɔ yayɔ bɔne; yayɔ amumuyɛɛ, na yayɔ bɔne piri.

Edwein 119:102

Nnnili wɔ nhyehyɛleɛ nwo makyebu, ofikyɛ ahyirehyire me.

Edwein 119:176

Mali makyebu kyɛ boaen bɔ wamini ɔ; pena wɔ somvoɛ, ofikyɛ memma me wora mvi wɔ mmeraa dwirɛ ne.

Edwein 18:21

Ofikyɛ mali AWURADE dwirɛ so, na nnyɔle bɔne nngakyili me si mmmane Nyameɛ.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yesaya 64:4

Ofi tetetete yeɛ mmenia bennya bɛttele, anaa ɔppɛle bɛ so anu ɔ, yeɛ anyeɛ biala koso onnwuni Nyameɛ bɔ ɔte kyɛ wɔ bɔ ɔko ma bɛ bɔ bɛ wora wura ye nu kyɛ wɔ ɔ.

Yeremia 14:20

Ao AWURADE, yɛde yɛ bɔne yɛto nu, yeɛ yɛde yɛ nana mɔ b’amumuyɛɛ yɛto nu, ofikyɛ yayɔ bɔne yatia wɔ.

Yeremia 14:7

“Ɔwɔ nu kyɛ y’amumuyɛɛ bua yɛ fɔ de, nakoso AWURADE, wɔ dumaa ti, boka yɛ. Yasa yɛ si paa, na yayɔ bɔne yatia wɔ.

Yeremia 3:25

Ɛ́mɔma yɛlela berɛ wɔ y’animguaseɛ nu, ná yɛ nwo nyanzoen ne ɔkata yɛ so, ofikyɛ ofi yɛ ngwadaa nu bɔ ɔbaadwu ɛnɛ ye, yɛ ne yɛ nana mɔ yayɔ bɔne yatia AWURADE yɛ Nyameɛ, na yanyɛ sotie yamma AWURADE yɛ Nyameɛ noa dwirɛ.”

Yeremia 30:14

Wɔ dɔfo amukoraa bɛ wora afi wɔ; bɛmbena wɔ si atee, ofikyɛ mapura wɔ kyɛbɔ pɔfoɛ kopura wɔ ɔ; yeɛ mahwe wɔ so kyɛbɔ atianuserɛniɛ kɔhwe wɔ so ɔ, ofikyɛ w’amumuyɛɛ sone pee, yeɛ wɔ bɔne ayɛ buburugyaa.

Yeremia 44:3

ɔnate bɛ bɔne bɔ bayɔ bafa bawura me apue ne ati, ofikyɛ bɛhɔle bɛɛyerale ayirefona bɛsole nyameɛ foforɛ mɔ bɛ bɛnze bɛ ɔ: bɔ bɛ oo, ɛmɔ oo, ɛmɔ nana mɔ oo, ɛmɔnze bɛ ɔ.

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Awuye 1:20

“Ao AWURADE, nea, na edwirɛ ato me, me kunu tete me; me wora abɔ, ofikyɛ mayɛ ɛlɔen kandinga paa. Ngrandɛ ne kũkũ me mma wɔ dwaaso, yeɛ ewue koso kũkũ bɛ wɔ awuro.

Awuye 3:42

“Yayɛ amumuyɛɛ, yeɛ yayɛ lɔen, na amva angyɛ.

Hesekiel 5:6

Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Daniel 9:11

Amba, Yisrael amukoraa abu wɔ mmeraa ne aso, bali makyebu bɔ bendie wɔ dwirɛ ɔ. Na ɛnomalɛ ne ndaen bɔ bahyerɛ ye wɔ Nyameɛ somvoɛ Mose mmeraa ne anu ne, wawa yɛ so, ofikyɛ yayɔ bɔne yatia ye.

Daniel 9:15

Na afei, AWURADE yɛ Nyameɛ bɔ ɛnate wɔ tumi piri so ɛyele wɔ maen fili Misraim aseɛ so wale, bɔ ale dumaa maa waadwu ɛnɛ ɔ, yayɔ bɔne, yayɔ bɔ bɛnyɔ ɔ.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Hosea 1:2

Mmerɛ bɔ AWURADE hyɛle ye bo fale Hosea so dwudwole ne, AWURADE sele Hosea kyɛ, “Kɔ ná kogya braa gyanderaniɛ, ná ɛne ye bɛwo gyanderafoɛ mmaa, ofikyɛ aseɛ ne wabɔ adwaman kandinga paa, na wali AWURADE nwo makyebu.”

Malaki 3:7

Ofi ɛmɔ nana mɔ aberɛ so yeɛ ɛmɔali me nhyehyɛleɛ nwo makyebu bɔ ɛmɔanni so ɔ. Ɛ́mɔsa bɛbra me berɛ, na me koso ngosa ngɔwa ɛmɔ berɛ, Asafo AWURADE noa dwirɛ ɛne. Nakoso ɛmɔnwa: ‘Ɔkɔyɛ sɛɛ né yasa yawa?’

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.