Daniel 9:3 - AHYERƐLƐ KRONGRON

³ Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Daniel 9:3 Iomraidhean Croise

2 Samuel 12:16

Dawide srɛle AWURADE kyɛ ɔma akwadaa ne nya ngoa; Dawide yɔle akɔngyere, na ɔhɔle sua nu ɔɔlale aseɛnwo berɛ kɔngɔen ne amukoraa.

Ɛsra 10:6

Afei Ɛsra fili Nyameɛ awuro ne anyunu berɛ, na ɔhɔle Eliasibo awa Yehohanan sua nu. Ɔhɔle berɛ ne, wannidi, yeɛ wanno nzue, ofikyɛ bɛ bɔ befili nnurehyelɛ nu bɛwale ne, né odi b’amumuyɛɛ nwo aworabɔlɛ.

Ɛsra 8:21

Yeɛ mva ndole dwaa wɔ asue Ahawa noa berɛ, kyɛ ɔsɛ kyɛ ebiala yɛ akɔngyere ɔbrɛ ye nwo ase wɔ Nyameɛ nyunu, ná yɛsrɛ ye maa ɔbɔ yɛ ne yɛ mma mɔ ne yɛ nningyein mukoraa nwo waen wɔ y’ateetulɛ ne anu.

Ɛsra 9:5

Odwuli mmerɛ bɔ bɛbɔ nɔsoa afɔleɛ nen, mvili nekaa bɔ né maatena medi aworabɔlɛ ne ndwɔsole, bɔ né masunzua m’ataadeɛ ne m’ataadeɛ aguasoɛ nu ɔ. Mmuli ndwerɛ, ndrɛle me sa nu mɔle mbaeɛ ngyirele AWURADE me Nyameɛ,

Nehemia 9:1

Sɔ bosome ne ala, ye kyẽa bɔ ɔtɔ so aburanyɔ ne nna ne aso, Yisrael maen bɔle dwaa bɛyɔle akɔngyere. Bɛherale ɛsɛen tena bɛfale mbaen beguale bɛ ti so.

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Edwein 35:13

Nakoso me de, anwonyerɛ bɔle bɛ ne, ngerale ɛsɛen tena (nnili aworabɔlɛ); ngyele ɛhɔen mva mmrɛle me kra ase. Nzili me ti ase mmɔle mbaeɛ

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Hesekiel 36:37

“AWURADE Nyameɛ nwa nyoo: Asa koso, ngɔma Yisrael awuro ama bɛkɔsrɛ me maa ngɔyɔ ɛhe ngɔma bɛ: Ngɔmaa bɛkɔyɛ mmenia bɔ bata pee kyɛ mmoaen kure ɔ.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Daniel 9:2

ye ahennie afoɛ bɔ oli moa ne anu, me, Daniel, mbɛnzɛmbɛnzɛle ngrataa nemɔ anu nwuni afoɛ aburasoo bɔ odi kyɛ ɔpɛ nu koraka né Yerusalem abɔ, bɔ ɔte AWURADE dwirɛ bɔ ɔlale ye ali hyirele ngɔmhyɛlɛniɛ Yeremia ne.

Daniel 9:20

Na me noa wɔ so bɔ medwudwo, bɔ mebɔ mbaeɛ, bɔ mekã me bɔne ne me maen Yisrael bɔne, bɔ mefa me sufrɛ meto AWURADE me Nyameɛ nyunu mema me Nyameɛ bokaa krongron ne nen,

Daniel 9:4

Mmɔle mbaeɛ ngyirele AWURADE me Nyameɛ, na nne ndole nu ngane ye pefee kyɛ, “O AWURADE, Nyameɛ piri bɔ ye nwo yɛ suro, bɔ odi apam ne ɔdɔ bɔ onni ngasi ɔ so ma bɛ bɔ bekuro ye dwirɛ ɔne bɛ bɔ bedi ye mmeraa dwirɛ so ɔ;

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Yoel 2:12

“Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Yona 3:5

Yeɛ Ninewefoɛ belele Nyameɛ dwirɛ ne belili. Bɛfa bɛtole dwaa kyɛ odi kyɛ ebiala obua da, na bɛherale ɛsɛen tena, ofi atitirefoɛ mɔ so bɔ ɔkwaadwu kwahweabaa mɔ so.

Mateo 17:21

Na sɔ nikyee he de, kyɛbɔ osi te ne, ye bo ngora tu, sana mbaeɛ ne ɛhɔenhyelɛ yeɛ otu ye ɔ.]

Luka 2:37

Né ɔte kunaniɛ bɔ wali afoɛ kɔyɛ aburawɔtwɛ ne nna; na daa biala né ɔwɔ asɔneyɛɛ sua nu berɛ, bɔ eyia ne kɔngɔen ole akɔngyere ne mbaeɛbɔlɛ ɔsɔne Nyameɛ ɔ.

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,