Daniel 9:26 - AHYERƐLƐ KRONGRON

²⁶ Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Daniel 9:26 Iomraidhean Croise

2 Samuel 21:5

Na bebuale Nana Dawide kyɛ, “Biaa bɔ ohuhuni yɛ, bɔ ahaa ɔpena kyɛ yɛ boso nua, ná ɔye yɛ fi Yisrael aseɛ so nekaa biala ne,

Edwein 22:15

Me komvi ayɛ wosee kyɛ nyangaa bue, na me temverema amata me nnaalɔ; afa me ato ewue kumaa nu.

Yesaya 28:2

Ɛ́mɔtie, AWURADE le ebie bɔ ɔte anwoserɛniɛ ne katakyie ɔ; ɔte kyɛ asukɔtwea bɔ ɔtɔ gua ɔ, mvrama piri bɔ ɔsɛkye nikye ɔ, ɔte kyɛ asue bɔ wayi bɔ opia nningyein kɔ ɔ, na ɔkɔfa ye sa kogyi ye kɔto aseɛ so.

Yesaya 28:22

Yiti nnɛma ɛmɔdi ngorohoɛ ko, anyɔ a, bekomia ɛmɔ panwu ne anu; ofikyɛ mate ehuhunɛ pasaa nwo dwirɛ mafi Asafo AWURADE Nyameɛ berɛ, kyɛ, ɔkɔmaa ɔkɔto aseɛ amukoraa.

Yesaya 53:8

Bɛnate nhyɛsoɛ ne ndɛengyea so bɛfale ye bɛhɔle, na ye aberɛso ama mɔ, nwa yeɛ ɔdwene ye nwo kyɛ bapɛ ye ngoa so bafi ateasefoɛ aseɛ so ɔ, kyɛ me maen mmeraatolɛ ti yeɛ bepurale ye ɔ?

Yesaya 8:7

yiti tie, AWURADE kɔfa asue Yufreti nu nzue worawora bɔ ye noa yɛ hye, bɔ ɔte Asiria hene ne ye animnyam amukoraa ne, na okoyi kobu kɔfa ye boo ne ye noa amukoraa.

Yeremia 46:7

Nwa yeɛ ɔ́ba kyɛ asue Naele, bɔ ye nzue bu fa so kyɛ asue mɔ ye?

Yeremia 51:42

Ɛpo ayi afa Babilɔn; ye asorɔkye wuruwuru ne abu afa ye so.

Daniel 11:10

“Ye mma mɔ bekodwɔso kyɛ bɛkɔ koɛ, bɛkɔboaboa ɛlɔen kandinga yuu noa. Bɛ nu ko kɔwa wii kyɛ asue bɔ wayi ɔ, na okosa kɔho koɛ ne alaa koodwu ye ahemvie.

Daniel 11:17

Ɔkɔfa kosie ye nye so kyɛ ɔkɔfa ye ahennie ne amukoraa nu tumi kɔwa; na ɔne bɛ bɔ bɛtengyɛ ɔ kɔwa, ɔkɔma ye brasua maa okogya, amaa ɔnate so wanya atee wabɔ ahennie maen ne; nakoso apam ne ngogyina, yeɛ so ngɔwa mvasoɛ ngɔma ye.

Daniel 11:22

Ɔkɔprapra ye pɔfoɛ koɛhonɛfoɛ nemɔ bɛ boso bɔkɔɔ, okohũhũ bɛ ne apam ne anu sona titire ne.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Hosea 1:9

Yeɛ AWURADE sele kyɛ, “To ye dumaa Lo Ami, ofikyɛ nna me maen ole ɛmɔ, yeɛ me wora nnde ɛmɔ Nyameɛ.

Amose 8:8

Ɔnate sɔ ati, aso aseɛ ngɔwoso anaa, na so ama amukoraa, aso bengoli aworabɔlɛ anaa? Aseɛ ne amukoraa kohuhu kyɛ asue Naele bɔ wayi ɔ, bekohuruhuru ye, na afei ɔkɔhwe kyɛ Misraim asue Naele.

Amose 9:5

AWURADE, Asafo Nyameɛ, ye yeɛ ɔfa ye sa kã aseɛ maa ohuro, maa aseɛ ne aso ama mukoraa bedi aworabɔlɛ, ná aseɛ ne amukoraa huhu kyɛ asue Naele, ná ɔtwe kyɛ Misraim asue Naele ɔ.

Nahum 1:8

Nakoso bɛ bɔ bekyi ye de, ɔkɔfa nzue bɔ oyi bu fa so ɔ konua bɛ boso, na ɔkɔfoa ye pɔfoɛ mɔ kɔhɔ awosii nu.

Mateo 22:2

“Nyameɛso ahennie ne, ɔte kyɛ ɛhene bie bɔ ɔtole atɔmvorɛ poen mane ɔwa bienzua ɔ.

Mateo 22:7

Na ɛhene ne tele ne, ye ahone huli, na ɔsomane ye asraafoɛ maa beehuhuni sɔ awudifoɛ nemɔ, na bɛyerale bɛ kuro.

Mateo 23:38

Ɛ́mɔtie, bɛkɔyakyi ɛmɔ awuro ne berɛ dandue kɔma ɛmɔ.

Mateo 24:2

Na obuale bɛ kyɛ, “Yeɛ ɛmɔnwu ɛhemɔ amukoraa? Nahorɛ nu, mekã mekyire ɛmɔ kyɛ, bɛngɔyakyi nyɔboɛ bɔ ogyi nyɔboɛ so ɔ wɔ wa bɔ bengodwiri bengogua ase ɔ.”

Marko 13:2

Na Yesu buale ye kyɛ, “Yeɛ enwu sua mbiri mbiri hemɔ? Bɛngɔyakyi nyɔboɛ bɔ ogyi nyɔboɛ so ɔ wɔ wa bɔ bengodwiri bengogua ase ɔ.”

Marko 13:7

Na sɛ ɛmɔte koɛ mɔ ne koɛ mɔ nwo ngunga a, nnɛmɔma ɛmɔ kunu tete ɛmɔ; ofikyɛ odi kyɛ ɛhemɔ sisi, nakoso né ayieleɛ ne onnya oddwuli.

Marko 9:12

Na obuale bɛ kyɛ, “Elia kɔwa kɔɔtoto nningyein mukoraa yé amba de; nakoso bɔ bahyerɛ bafa Sona Awa ne nwo, kyɛ odi kyɛ onwu amaneɛ pee ná mmenia bu ye animtia ne koso ɛ?

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Luka 21:6

“Ɛhemɔ bɔ ɛmɔnwu ye e, mmerɛ bie kɔwa bɔ bɛngɔyakyi nyɔboɛ bɔ ogyi nyɔboɛ so ɔ wɔ wa bɔ bengodwiri bengogua ase ɔ.”

Luka 24:26

Aso né onhia kyɛ Kristo ne onwu sɔ amaneɛ ne koraka ná wahɔ ye animnyam nu hɔ ɔ?”

Luka 24:46

Na osele bɛ kyɛ, “Bahyerɛ ye kyɛ, ‘Ɔsɛ kyɛ Kristo ne onwu amaneɛ, ná ye ɛlɛsa ne aso odwɔso fi awufoɛ nu,

Yohane 14:30

Me ne ɛmɔ yɛngodwudwo pee ko, ɔnate kyɛ bɔ odi wiase he aso ne, ɔ́ba, na olle tumi biala wɔ me so.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

1 Petro 2:21

Na ɛhe ati yeɛ bɛfrɛle ɛmɔ ɔ, ofikyɛ ɔnate yɛ ti Kristo koso nwuni amaneɛ, na ɔfa yɛle nhwɛsoɛ mane yɛ, kyɛ ɛmɔ koso ɛ́mɔtu ye agyirɛ ne bie.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,