Daniel 9:25 - AHYERƐLƐ KRONGRON

²⁵ Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Daniel 9:25 Iomraidhean Croise

2 Samuel 15:25

Na Nana Dawide sele Sadoke kyɛ, “Fa Nyameɛ alaka ne sa kɔ kuro ne anu. Sɛ ebiaa AWURADE nwu me anwumvoin a, ɔkɔmaa ngosa ngɔwa ngoonwu alaka ne, ɔne nekaa bɔ ogyi ɔ.

Ɛsra 4:24

Yiti Nyameɛ awuro bɔ ɔwɔ Yerusalem ne, bɛyakyili ye nwo adwuma ne bɛtole berɛ, na ɔhale berɛ toonn maa oodwuli Pɛsia hene Dario ye bia lilɛ afoɛ bɔ ɔtɔ so nyɔ ne.

Ɛsra 7:1

Ɛhemɔ asi ne, Pɛsia hene Atasɛsɛse aberɛ so, Ɛsra bɔ ye baba ole Seraya, bɔ ye baba ole Asaria, bɔ ye baba ole Hilkia,

Ɛsra 7:8

Nana Atasɛsɛse afoɛ bɔ ɔtɔ so nzoo ne, ye bosome nnu ne anu yeɛ Ɛsra wale Yerusalem ɔ.

Nehemia 3:1

Ɔsɔfo panyi paa Eliasibo ɔne ye mmango asɔfo nemɔ, bɛhyɛle ye bo bɛyɔle adwuma, na besili Mmoaen Pambim ne. Bɛtele Mmoaen Pambim ne anwo bɛyɛle ye krongron, na betuatuale ye anoa nemɔ. Bɛtele ye nwo alaa beedwuli Mmenia Ɛyaa Abandenden ne anwo ɔne Hananel abandenden ne anwo.

Nehemia 4:2

na ɔhane wɔ ye mmango nemɔ ɔne Samaria koɛhonɛfoɛ nemɔ anyunu kyɛ, “Yudafoɛ bɔ bɛ nwo anwumvoin hemɔ, nzikyɛ yeɛ bɛyɔ ye? Aso bekosa bɛkɔtoto nningyein ye anaa? Aso bɛkɔbɔ afɔleɛ anaa? Aso bekoyie adwuma ye ɛlɛho? Nyɔboɛ bɔ wadwiri wagua wahonhɔn wahɔ anwuro bɔ see ayera ye ye, aso bekonya nyɔboɛ bekofi nu?”

Nehemia 4:8

na bɛ mukoraa bɛbɔle porɛ kyɛ bɛkwaafa koɛ bɛteta Yerusalem ná bɛyɛ basabasa wɔ kuro ne anu.

Nehemia 6:15

Yiti yɛyiele fasue ne tolɛ bosome bɔ bɛfrɛ ye Elul ne, ye kyẽa bɔ ɔtɔ so aburanyɔ ne nnu ne aso. Yɛfale ngyẽa aburannu ne nyɔ yeɛ yɛtole ɔ.

Edwein 71:10

Ofikyɛ me pɔfoɛ mɔ kekã me nwo dwirɛ tɛɛ, na bɛ bɔ bɛtetɛ me beku me ne, bɛbɔ nu betu asure.

Nworɛ Dwirɛhanɛniɛ 3:3

ehunɛ le ye mmerɛ, yeɛ anwonyerɛsalɛ le ye mmerɛ; nikyee sɛkyelɛ le ye mmerɛ, yeɛ ye siesielɛ le ye mmerɛ;

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Daniel 8:11

Ɔmomane ye nwo so dwɔso tiale safohene bɔ ɔla ɛlɔen ne noa ne; ɔberale ye daa biala naen yeralɛ afɔleɛ bɔ bɛbɔ bɛma ye ne, na ofindini ye nekaa krongron ne guale ase.

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Daniel 9:23

Ɛhyɛle wɔ sufrɛ ne abo nen, mmuayɛɛ bie fili nu wale, na mawa kyɛ mebaahã mekyire wɔ, ofikyɛ Nyameɛ kuro wɔ dwirɛ paa; yiti te edwirɛ ne abo, ná dwene nyekyire ne anwo.

Mika 5:1

Ao koɛhonɛfoɛ awa brasua, afei boa wɔ noa koɛhonɛfoɛ kure kure; watua yɛ kuro ne; Yisrael maenbulɛniɛ ne, bɛkɔfa bakaa bɛkɔbɔ ye mvoka.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Mateo 13:23

Na mmakaammaa bɔ beluale bɛ wɔ aseɛ paa so ne, ogyi berɛ ma ebiala bɔ ɔte edwirɛ ne ná ɔte ye bo ɔ; na ye yeɛ osu mmaa ɔ: ebie su ɛyaa, ebie su aburasia, yeɛ ebie su aburasa.”

Mateo 24:15

“Yiti sɛ ɛmɔnwu akyiwadeɛ bɔ ɔbɔ maen ne, bɔ ngɔmhyɛlɛniɛ Daniel hane ye nwo dwirɛ ne, kyɛ ogyi nekaa krongron berɛ a, (bɔ ɔkenga ne, maa ɔte ye bo),

Marko 13:14

“Na sɛ ɛmɔnwu akyiwadeɛ bɔ ɔbɔ maen ne, kyɛ ogyi nekaa bɔ ɔnzɛ kyɛ ogyina a, (bɔ ɔkenga ne, maa ɔte ye bo), ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso;

Yohane 1:41

Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne).

Yohane 4:25

Yeɛ braa ne sele ye kyɛ, “Mese kyɛ Mɛsaya (bɔ bɛfrɛ ye Kristo) ne ɔ́ba, na sɛ ɔba a, ye yeɛ okohyire yɛ nningyein amukoraa ɔ.”

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Asomafoɛ 8:30

Yiti Filipo tuli amirika hɔle ye nwo berɛ, ɔtele kyɛ ɔ́kenga ngɔmhyɛlɛniɛ Yesaya nwomaa ne, na obisale ye kyɛ, “Aso ɛte bɔ ɛ́kenga ye bo?”

Ɛfesofoɛ 5:16

Ɛ́mɔnea ɛmɔ mmerɛ so yé, ofikyɛ ngyẽa ne te ngyẽa tɛɛ.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”