Daniel 9:22 - AHYERƐLƐ KRONGRON

²² Na ohyirehyirele me sele me kyɛ, “O Daniel, mawa kyɛ mebaafa ndeaseɛ ne nimdeɛ mema wɔ.

Daniel 9:22 Iomraidhean Croise

Daniel 10:11

Na osele me kyɛ, “O Daniel, bɔ Nyameɛ kuro wɔ dwirɛ paa ɔ, tie edwirɛ bɔ mekã mekyire wɔ ye, ná dwɔso gyina berɛ, ofikyɛ basoma me wɔ berɛ.” Na ye noa wɔ so bɔ ɔkã sɔ dwirɛ ne kyire me nen, ndwɔso ngyinane berɛ bɔ né me nwo wosowoso me ɔ.

Daniel 10:12

Yeɛ osele me kyɛ, “Daniel, nnɛsuro, ofikyɛ ofi kyẽa bɔ ɛyɛle w’adwene kyɛ ɛkɔte ye bo, ná ɛbrɛle wɔ nwo ase wɔ wɔ Nyameɛ nyunu nen, wate wɔ sufrɛ ne, na wɔ sufrɛ ne ati yeɛ mawa ɔ.

Daniel 10:14

Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Daniel 10:21

Nakoso ngɔla bɔ bahyerɛ ye wɔ nahorɛ nwomaa ne anu ali ngohyire wɔ: ebiala ngo bie mmoka me so ndia ɛhemɔ, sana Mikayɛl, ɛmɔ katakyie ne ngome.

Daniel 7:16

Mbingyele bɛ bɔ begyigyi berɛ nemɔ anu ko, na mmisale ye kyɛbɔ ɛhemɔ amukoraa bɛ bo kyire ɔ. Yiti ɔhã hyirele me, na ohyirehyirele nningyein ne anu hyirele me kyɛ,

Daniel 8:16

Na ndele sona komvi wɔ asue Yulae noa, kyɛ ɔtea nu kyɛ, “Gabriel, kyire biaa ne nyekyire ne abo.”

Amose 3:7

Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Sakaria 1:14

Yiti abɔfo bɔ né ɔne me yɛdwudwo ne, osele me kyɛ, ‘Bɔ ye dawure kyɛ, Asafo AWURADE nwa nyoo: Metwe Yerusalem ne Sion nwo nungunɛ piri paa,

Sakaria 1:9

Yeɛ mmisale kyɛ, ‘Me mene, na ɛhemɔ, nzikyɛ ɛne?’ Yeɛ abɔfo bɔ né ɔne me dwudwo ne buale me kyɛ, ‘Ngohyire wɔ bɔ bɛte ɔ.’

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”