Daniel 9:21 - AHYERƐLƐ KRONGRON

²¹ bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Daniel 9:21 Iomraidhean Croise

1 Ahemvo 18:29

Eyiagyina pɛle nu ne, bɛhɔle so belili ahɔen alaa kɔpem kyɛ mmerɛ bɔ odi kyɛ bɛbɔ aburoo afɔleɛ ne dwuli ɔ. Nakoso ebiala andɛ bɛ so, bannya mmuayɛɛ biala, yeɛ ebiala anye bɛ noa.

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Edwein 104:4

Ɛfa mvrama yɛ wɔ bɔfoɛ mɔ, yeɛ ɛfa see wuronyiwuronyi yɛ wɔ somvoɛ mɔ.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Ɛksadɔso 29:39

Fa boaen akrɔngrɔma ko bɔ afɔleɛ ngyerɛmɔ, ná fa ko ne koso bɔ afɔleɛ nɔsoa.

Yesaya 6:2

Né Serafim mɔ bɛwɔ ye ti so anwuro. Bɛ nu biala le ndaa nzia: bɛ nu biala fa nyɔ kata ye nyunu, ɔfa nyɔ kata ye gya nwo, yeɛ ɔfa nyɔ tu.

Hesekiel 1:11

Sɔ yeɛ né bɛ nyunu te ɔ. Né bɛ ndaa ne anu trɛtrɛ kɔ anwuro; abɔdeɛ ko biala ndaa te nyɔ, na ndaa nyɔ ne, ko biala trɛ kɔkã obiɛngo deɛ, yeɛ bɛ ndaa nyɔ nyɔ katakata bɛ nwonaen ne anwo.

Hesekiel 1:14

Né abɔdeɛ ateasefoɛ nemɔ bele amirika bedi akɔneaba kyɛ agralaa bɔ ɔte yerɛmyerɛm ɔ.

Hesekiel 14:14

ná sɛ sɔ mmenia nza hemɔ: Nowa, Daniel ne Yob po bɛwɔ nu a, bɛ tenenee yeɛ okole bɛ bɔbɔ bɛ kra ɔ, AWURADE Nyameɛ noa dwirɛ ɛne.

Daniel 10:10

Na yieee, asaa bie sɔle me nu, na ɛhe maa ngongone me sa ne me nangoroma so.

Daniel 10:16

Na yieee, ebie bɔ ɔte kyɛ mmenia mmaa sɛso ɔ ɔfale ye sa hane me noa, na mmukyele me noa ndwudwole. Na nzele bɔ ogyi me nyunu berɛ ne kyɛ, “O me mene, nyekyire ne ama me nwo ngaka atu amini, na mabɔ fuin.

Daniel 10:18

Na ebie bɔ ye sɛso te kyɛ kuro sona ɔ ɔfale ye sa hane me, na ɔmane me nwo yɛle me se.

Daniel 8:16

Na ndele sona komvi wɔ asue Yulae noa, kyɛ ɔtea nu kyɛ, “Gabriel, kyire biaa ne nyekyire ne abo.”

Daniel 8:18

Na ogu so bɔ odwudwo kyire me nen, nnale hatee, bɔ né me nyunu butu berɛ ɔ; na ɔsɔle me nu fale me gyinane berɛ.

Mateo 27:46

Na ɔbɔle kɔyɛ eyia nnɔnmmiɛnza ne, Yesu teane nu serɛserɛ hane kyɛ, “Eli, Eli, lama sabaktani?” Bɔ ye bo kyire kyɛ, “Me Nyameɛ, Me Nyameɛ, nzu ati yeɛ apo me ye?”

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 1:26

Na nwonzɛen ne lili bosome nzia ne, Nyameɛ somane abɔfo Gabriel maa ɔhɔle Galilea kuro bie bɔ bɛfrɛ ye Nasarɛte so,

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 10:9

Aleɛ hyene, na ɔbɔle kɔyɛ eyia duabien nen, né bɛwɔ atee so bɔ bapingye Yopa ɔ; na sɔ mmerɛ ne, Petro fole sua frɛtɛɛ so anwuro kyɛ ɔkwaabɔ mbaeɛ.

Asomafoɛ 12:7

Aworafire nu, Awurade abɔfo wale kuku nu berɛ, na sua ne anu tale hyireinn. Abɔfo ne pusupusuli Petro maa otingyele, na osele ye kyɛ, “Dwɔso ndɛ!” Na berɛ ne ala ngɔnzɔngɔnzɔ ne fili ye sa puro guale.

Asomafoɛ 3:1

Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Hebrifoɛ 1:7

Na bɔ Nyameɛ ha fale abɔfo mɔ nwo ɛhe: “Nyameɛ yɛ ye abɔfo mɔ mvrama, na ɔyɛ ye somvoɛ mɔ see bɔ ogye ɔ.”

Nyekyire 9:17

Na mbɔngɔ mɔ ne bɛ bɔ bɛtete bɛ so ne, kyɛbɔ nzi nwuni bɛ wɔ me nyekyire ne anu ne, ye ɛhe: Bele see ne afasebire ne sɔfe buralɛ bɔ ɔkata bɛ hue so ɔ, na mbɔngɔ nemɔ bɛ ti te kyɛ gyata ti, na see ne nwosina ne sɔfe fili bɛ noa nu wale.