Daniel 9:2 - AHYERƐLƐ KRONGRON

² ye ahennie afoɛ bɔ oli moa ne anu, me, Daniel, mbɛnzɛmbɛnzɛle ngrataa nemɔ anu nwuni afoɛ aburasoo bɔ odi kyɛ ɔpɛ nu koraka né Yerusalem abɔ, bɔ ɔte AWURADE dwirɛ bɔ ɔlale ye ali hyirele ngɔmhyɛlɛniɛ Yeremia ne.

Daniel 9:2 Iomraidhean Croise

2 Aberɛso Dwirɛ 36:21

Ɛhe sili, amaa AWURADE dwirɛ bɔ ɔnate Yeremia so hane ne, wawa nu; amaa ɔnate so aseɛ ne wanya ate wali ye afofingyẽa. Ngyẽa amukoraa bɔ aseɛ ne lale berɛ mbaen ne, né odi afofikyẽa alaa kɔpem kyɛ afoɛ aburasoo sone ɔ.

Ɛsra 1:1

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne ɔkɔwa nu ne, AWURADE kanyane Pɛsia hene Karose maa otuli ɛbɔfoɛ mɔ maa bɛɛbɔle edwirɛ dawure wɔ ye ahennie amukoraa nu, na ɔhyerɛle krataa koso bokale so kyɛ,

Edwein 119:24

Wɔ noa dwirɛ yeɛ me nye gye ye nwo ɔ, na ɔte me foɛtulɛfoɛ.

Yesaya 64:10

Wɔ nguro krongron nemɔ, bakakyi ɛserɛ, Sion akakyi ɛserɛ, yeɛ Yerusalem akakyi kurofoen.

Yeremia 1:1

Yeremia bɔ ye baba ole Hilkia bɔ ɔte asɔfo mɔ bɔ bɛwɔ Anatote wɔ Benyamin aseɛ so nemɔ anu ko ne, ye noa dwirɛ ɛhe.

Yeremia 25:18

Bɛ ɛhe: Yerusalem ne Yuda nguro, nu ahemvo ne nu nnehyeɛ, kyɛ bɛyɛ kurofoen, anwodwiri nikye, bɔ mmenia besobi bɛ noa gua bɛ so ɔ, ɔne ɛnomalɛ nikye, kyɛbɔ ɔte ɛnɛ ye;

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 26:6

ye de, ngɔyɛ awuro he kyɛ Silo, na ngɔma kuro he kɔyɛ ɛnomalɛ nikyee ngɔma aseɛ ye aso maen maen amukoraa.’ ”

Yeremia 27:7

Na maen maen amukoraa kɔso ye ne ɔwa ne ye anomaa, kɔpem kyɛ mmerɛ bɔ mahyehyɛ kyɛ ye maen ne ɔbra ayieleɛ ne okodwu ɔ; na afei maen maen pee ne ahemvo atitire kɔmaa ɔkɔso bɛ.

Yeremia 29:10

“Ofikyɛ bɔ AWURADE kã ɛhe: Sɛ afoɛ aburasoo nya so wɔ Babilɔn a, ngɔwa ngɔɔpasa ɛmɔ nwo, na ngɔma me ndɛenvɛen ne kɔwa nu kɔma ɛmɔ. Na ngɔfa ɛmɔ ngosa ngɔwa ɛwa.

Yeremia 7:34

Na Yuda nguro nemɔ anu ne Yerusalem dwaa nemɔ aso, ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga, ngotu bɛ bo, ofikyɛ aseɛ ne kɔyɛ kurofoen.

Awuye 1:1

Ao, kuro bɔ né mmenia ayɛ nu mitimiti ne, ye yeɛ afei waha ye ngome e! Kuro bɔ né odi mu wɔ maen maen mɔ nu ne, ye yeɛ afei wakakyi kyɛ kunaniɛ ye! Kuro bɔ né odi maen maen mɔ so hemmaa ne, ye yeɛ afei de bede ye ndɔ e!

Hesekiel 29:11

Kuro sona biala gya baa ngotia so, yeɛ kaka biala gya baa ngotia so, na ɔkɔla berɛ mbaen afoɛ aburanna bɔ ebiala ngɔtena so ɔ.

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Sakaria 1:12

Yeɛ AWURADE abɔfo ne bisale kyɛ, ‘O Asafo AWURADE, Yerusalem ne Yuda nguro bɔ w’ahone ahu bɛ so afoɛ aburasoo ɛhe ne, ɔkwaadwu kyinzu yeɛ engonwu bɛ anwumvoin ɔ?’

Sakaria 7:5

“Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Mateo 24:15

“Yiti sɛ ɛmɔnwu akyiwadeɛ bɔ ɔbɔ maen ne, bɔ ngɔmhyɛlɛniɛ Daniel hane ye nwo dwirɛ ne, kyɛ ogyi nekaa krongron berɛ a, (bɔ ɔkenga ne, maa ɔte ye bo),

Marko 13:14

“Na sɛ ɛmɔnwu akyiwadeɛ bɔ ɔbɔ maen ne, kyɛ ogyi nekaa bɔ ɔnzɛ kyɛ ogyina a, (bɔ ɔkenga ne, maa ɔte ye bo), ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso;

Asomafoɛ 8:34

Na sayɛɛ ne bisale Filipo kyɛ, “Mepa wɔ kyerɛ, nwa nwo dwirɛ yeɛ ngɔmhyɛlɛniɛ ne ɔkã ne? Ye bɔbɔ ye nwo, anaakyɛ ebie nwo ɔ?”

1 Timoteo 4:13

Tu wɔ nwo sie berɛ ma Ahyerɛlɛ ne kengalɛ wɔ badwa nu, nzɛmbahanɛ ne ngyerɛkyerɛ kɔpem kyɛ ngɔwa ɔ.

Nyekyire 1:3

Na ebiala bɔ ɔkenga nyekyire ne kyire, ɔne bɛ bɔ betie, ná betira bɔ bahyerɛ ye wɔ nu ne anu ne, ɔte saleɛ ma bɛ; ofikyɛ mmerɛ ne apingye.