Daniel 9:18 - AHYERƐLƐ KRONGRON

¹⁸ O me Nyameɛ, yɛ asoɛ tie, bukye wɔ nye ná nea amaneɛ bɔ wato yɛ ne kuro bɔ wɔ dumaa la so ne; ofikyɛ nna yɛ tenenee so yeɛ yɛgyi bɔ yɛfa yɛ sufrɛ yɛto wɔ nyunu ɔ, na mmom w’anwumvoinnwunɛ piri ne ati ɔ.

Daniel 9:18 Iomraidhean Croise

1 Ahemvo 8:29

amaa sɛ eyia oo, kɔngɔen oo, sua ye bɔ ɔte nekaa bɔ ahã kyɛ, ‘Me dumaa kɔla so’ ye, wɔ nye ali ye si; amaa ɔnate so, atie mbaeɛ bɔ w’akoaa kɔfa ye nye kohyire ɛwa kɔbɔ ɔ.

2 Ahemvo 19:16

Ao AWURADE, mesrɛ wɔ, tie ná nea. Ao AWURADE, tie edwirɛ bɔ Senakeribo ɔkã ɔ, bɔ wafa wasoma kyɛ bɛfa bɛɛgoro Nyameɛ teasefoɛ nwo ɔ.

Edwein 116:1

Mekuro AWURADE dwirɛ, ofikyɛ watie me mbaeɛ ne me sufrɛ.

Edwein 25:6

Ao AWURADE, kaye w’anwumvoinnwunɛ ɔne wɔ ɔdɔ bɔ onni ngasi ne, ofikyɛ bɛwɔ berɛ fi tete.

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Yesaya 37:17

AWURADE, mesrɛ wɔ, yɛ asoɛ tie me! AWURADE, mesrɛ wɔ, nea, ná tie! Tie edwirɛ amukoraa bɔ Senakeribo ɔkekã ɔ, bɔ wafa wasoma kyɛ bɛfa bɛɛgoro Nyameɛ teasefoɛ nwo ɔ.

Yesaya 43:7

ebiala bɔ bɛfa me dumaa bɛfrɛ ye ɔ, bɔ mmɔle ye kyɛ ɔhyɛ me animnyam ɔ, bɔ nwone ye, ná nyɔle ye ɔ.”

Yesaya 64:12

O AWURADE, aso ɛngɔfɛ yaa wɔ sɔ nningyein ne amukoraa nwo anaa? Aso ɛkɔyɛ konn ɛkɔprapra amaneɛ kogua yɛ so anaa?

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Yeremia 14:7

“Ɔwɔ nu kyɛ y’amumuyɛɛ bua yɛ fɔ de, nakoso AWURADE, wɔ dumaa ti, boka yɛ. Yasa yɛ si paa, na yayɔ bɔne yatia wɔ.

Yeremia 14:9

Nzu ati yeɛ ayɛ kyɛ ebie bɔ ye adwene ayɛ ye nwunyaenn ɔ, kyɛ katakyie bɔ ɔngora mbepɛ nne mmenia ɔ? Nakoso, ao AWURADE, ɛne yɛ yeɛ yɛte ɔ, na wɔ dumaa yeɛ ɔla yɛ so ɔ; nnɛyakyi yɛ nu!”

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Yeremia 25:29

Ofikyɛ, tie, kuro bɔ me dumaa la so ne yeɛ médi moa meprapra musue megua ye so ɔ, na ɛmɔ de, ɛmɔkɔfa ɛmɔ nwo bekoli tɔtorɔtɔɔ anaa? Ɛmɔngɔfa ɛmɔ nwo bengoli tɔtorɔtɔɔ, ofikyɛ mebaasoma ngrandɛ meba aseɛ so ama amukoraa so, Asafo AWURADE noa dwirɛ ɛne.’

Yeremia 36:7

Ebiaa bɛkɔfa bɛ sufrɛ bɛkɔto AWURADE nyunu, na bɛ nu biala kɔsakyera ye adwene kofi ye bɔne atee nwo, ofikyɛ AWURADE ɛyaafɛlɛ ne ahonehulɛ bɔ wahã kyɛ ɔkɔmaa ɔkɔwa maen he aso ne, ɔte piri.”

Yeremia 37:20

Ao Nana, me mene, mesrɛ wɔ, tie m’abisadeɛ bɔ méfa méto wɔ nyunu ye, na nnɛmaa besa bɛfa me bɛkɔto ahyerɛlɛniɛ Yonatan awuro dɔ, ná mangɔanwu dɔ.”

Hesekiel 36:22

“Yiti se Yisrael awuro ama kyɛ, AWURADE Nyameɛ nwa nyoo: O Yisrael awuro ama, nna ɛmɔ ti yeɛ mebaawoso me nwo ɔ, na mmom me dumaa krongron ne ati ɔ, dumaa bɔ ɛmɔagua ye nwo fiɛ wɔ maen maen bɔ ɛmɔhɔle so nemɔ anu ne.

Hesekiel 36:32

Na memaa ɛmɔnwu ye kyɛ, nna ɛmɔ ti yeɛ mebaayɔ sɔ ɔ, AWURADE Nyameɛ noa dwirɛ ɛne. O Yisrael awuro ama, ɛmɔ bra ne, odi kyɛ ɛmɔma ɔyɛ ɛmɔ nya, ná ɔyɛ ɛmɔ fɛre.

Daniel 9:7

O AWURADE, wɔ yeɛ tenenee te wɔ deɛ; nakoso yɛ de, animguaseɛ yeɛ ɔte yɛ deɛ maa waadwu ɛnɛ ɔ: Yudafoɛ, Yerusalemfoɛ ne Yisraelfoɛ amukoraa bɔ bepingye wa ne bɛ bɔ bɛwɔ nziɛ nziɛ, wɔ aseɛ amukoraa bɔ atu bɛ aagua so ɔ, ɔnate nahorɛ bɔ banni bamma wɔ ne ati ɔ.

Numeri 6:27

“Yiti odi kyɛ bɛma me dumaa da Yisraelfoɛ so, na ngoyira bɛ.”

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.