Daniel 9:16 - AHYERƐLƐ KRONGRON

¹⁶ O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.

Daniel 9:16 Iomraidhean Croise

Nehemia 9:8

Enwuni kyɛ ye ahone nu te wɔ wɔ nyunu, na ɛne ye bɛyɛle apam kyɛ ɛkɔfa Kanaanfoɛ, Hitifoɛ, Amorifoɛ, Perisifoɛ, Yebusifoɛ ne Gɛgasifoɛ b’aseɛ kɔma ye boso ama; na wɔ bɔhyɛ bɔ ɛhyɛle ne, ali so, ofikyɛ ɛtengyɛ.

Edwein 143:1

Ao AWURADE, tie me mbaeɛ; yɛ asoɛ tie me sufrɛ; wɔ nahorɛlilɛ ɔne wɔ tenenee ti, tie m’abisadeɛ.

Edwein 31:1

Ao AWURADE, wɔ nu yeɛ menwati mebafea ɔ, nnɛma me nyunu gua ase le; wɔ tenenee ti, pepɛ de me.

Edwein 41:13

AWURADE Yisrael Nyameɛ ne, animnyam hã ye ofi tete bɔ ɔkwaadwu afebɔɔ! Amen ne Amen.

Edwein 71:2

Wɔ tenenee ti, pepɛ de me, ná maa nya me ti nnidi nu. Yɛ asoɛ tie me, ná pepɛ de me.

Edwein 79:4

Yayɛ ngorohoɛ nikyee wɔ yɛ mmango mɔ nye so, bɛ bɔ bapɛ yɛ nwo bayia ne, bɛsere yɛ bɛkã yɛ anyinga.

Edwein 85:4

Ao yɛ ngoalelɛ Nyameɛ, maa yɛsa yɛbra wɔ berɛ, na ɛyaa bɔ afɛ ye wɔ yɛ so ne, yakyi maa ɔha.

Edwein 89:51

Ao AWURADE, nea anyinga bɔ wɔ pɔfoɛ mɔ bɛkã ɔ, kyɛ bɛsere wɔ sona bɔ apopa ye ngoo ne, ye agyirɛ bɔ otu ɔ.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Yesaya 5:25

Yiti AWURADE fɛle ye maen so yaa piri paa, odwɔso tiale bɛ huhuni bɛ, mmokaa mɔ wosole, na bɛ fuin mɔ to petene kyɛ fofoɛ bɔ ogua dwaaso ɔ. Na ɛhemɔ amukoraa nu po ne, wanyakyi bɛ so yaafɛlɛ, na ɔtɛ dwɔso tia bɛ.

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 29:18

Ngɔfa ngrandɛ, ɛhɔen ne ewue anwonyerɛ ngogu bɛ so, na ngɔye me sa ngofi bɛ bo maa bɛkɔsesa bɛ bɛkɔhɔ aseɛ so ahennie amukoraa nu. Bɛkɔyɛ ɛnomalɛ nikye, anwodwiri nikye, esobilɛ nikye ne animguaseɛ nikye wɔ maen maen amukoraa bɔ mafoa bɛ mahɔ so nemɔ aso,

Yeremia 32:31

Ofikyɛ, ofi kyẽa bɔ bɛkyekyele kuro he toonn bɔ ɔbaadwu ɛnɛ ɔ, me yaafɛlɛ ne m’ahonehulɛ alaa yeɛ kuro he amaa wadwɔso ɔ. Ye sɔ ne ati, ngɔsɛkye ye ngofi me nye so,

Yeremia 32:32

ɔnate bɔne amukoraa bɔ Yisraelfoɛ ne Yudafoɛ, b’ahemvo, b’atitire mɔ, b’asɔfo, bɛ ngɔmhyɛlɛfoɛ, Yuda mmienzua ne Yerusalemfoɛ bayɔ, kyɛ bɛfa bewura me apue ne ati.

Hesekiel 22:4

Ɔnate wɔ mogya bɔ ahã agua ne ati, edi fɔ; na afa wɔ mmosoen bɔ ayɔ ne agua wɔ nwo fiɛ. Ama wɔ kyẽa ne apingye, na w’afoɛ nemɔ b’ayieleɛ ne adwu. Yiti, mamaa ayɛ nyanzoen nikyee wɔ maen maen mɔ bɛ nyunu, ɔne ngorohoɛ nikyee wɔ aseɛ amukoraa so.

Hesekiel 5:14

Afei koso, ngɔbɔ wɔ tɔɔ, yeɛ ngogua wɔ nyunu ase wɔ maen maen bɔ bapɛ wɔ nwo bayia nemɔ anu, ɔne ebiala bɔ ɔpɛ nu kɔ ɔ ye nyunu.

Daniel 11:45

Na okosisi ye ahemvie ɛtena sua mɔ wɔ ɛpo ne, ɔne bokaa krongron nyemenenyemene ne b’afia; nakoso ye ayieleɛ kɔto ye bɔ ongonya ebiala ma ɔngɔboka ye ɔ.”

Daniel 9:20

Na me noa wɔ so bɔ medwudwo, bɔ mebɔ mbaeɛ, bɔ mekã me bɔne ne me maen Yisrael bɔne, bɔ mefa me sufrɛ meto AWURADE me Nyameɛ nyunu mema me Nyameɛ bokaa krongron ne nen,

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.

2 Tɛsalonika 1:6

Ofikyɛ ɔtengyɛ wɔ Nyameɛ nyunu kyɛ okotua bɛ bɔ bɛma ɛmɔnwu amaneɛ ne so kerɛ ɔ,

1 Yohane 1:9

Nakoso ɔnate kyɛ odi nahorɛ ná ɔtengyɛ ne ati, sɛ yɛkã yɛ bɔne yɛkyire ye a, ɔkɔfa kɔhyɛ yɛ ná wate yɛ nwo wafi bɔ ɔndengyɛ mukoraa nwo.

1 Samuel 2:7

AWURADE yeɛ ɔma ebie di hiaa, ná osa ma ebie nya ye nwo ɔ; ye yeɛ ɔbrɛ sona ase, ná osa pagya sona ɔ.