Daniel 9:15 - AHYERƐLƐ KRONGRON

¹⁵ Na afei, AWURADE yɛ Nyameɛ bɔ ɛnate wɔ tumi piri so ɛyele wɔ maen fili Misraim aseɛ so wale, bɔ ale dumaa maa waadwu ɛnɛ ɔ, yayɔ bɔne, yayɔ bɔ bɛnyɔ ɔ.

Daniel 9:15 Iomraidhean Croise

1 Ahemvo 8:51

(Ofikyɛ bɛte wɔ maen ne w’agyapadeɛ, bɔ Misraim bɔ ɔte kyɛ buralɛ afaa hyerɛhyerɛ ne, ɛyele bɛ fili nu ɔ).

2 Ahemvo 21:15

Ofikyɛ ofi mmerɛ bɔ bɛ nana mɔ fili Misraim bɛwale bɔ ɔbaadwu ɛnɛ ɔ, bayɔ bɔ ɔte bɔne wɔ me nyunu ɔ, na bafa bahu m’ahone.”

2 Aberɛso Dwirɛ 6:37

nakoso sɛ bɛ nye ba bɛ nwo so wɔ aseɛ bɔ bahye bɛ nnure bahɔ so ne aso, benu bɛ nwo, ná besu bɛfrɛ wɔ wɔ maen bɔ bahye bɛ nnure bahɔ so ne aso kyɛ, ‘Yayɔ bɔne, yayɔ mvomsoɛ; yayɔ amumuyɛɛ’;

Nehemia 1:10

Bɛte wɔ somvoɛ mɔ ne wɔ maen bɔ afa wɔ tumi piri ne w’anwoserɛ kandinga ne apepɛ ale bɛ ɔ.

Nehemia 1:6

mesrɛ wɔ, yɛ asoɛ tie, ná fa wɔ nye nea, amaa ate w’akoaa me mbaeɛ bɔ mebɔ wɔ wɔ nyunu kekesaala ye mema wɔ ngoaa Yisraelfoɛ eyia ne kɔngɔen ne. Afei, Yisraelfoɛ, yɛ bɔne bɔ yayɔ yatia wɔ ne, mekã mekyire wɔ. Me ne me baba awuro ama amukoraa, nahorɛ nu, yayɔ bɔne.

Nehemia 9:10

Ɛyɔle nzɛngyerɛnneɛ ne anwanwadeɛ tiale Faro ne ye mbanyi amukoraa ne ye aseɛ ne aso ama mukoraa, ofikyɛ enwuni kyɛ bɛyɔle aniammɔwoho betiale yɛ nana mɔ. Elele dumaa, na sɔ dumaa ne watena berɛ maa waadwu ɛnɛ ye.

Edwein 106:8

Nakoso ɔnate ye dumaa ti, ɔpepɛ lele bɛ, amaa ɔnate so wala ye tumi kandinga ne ali.

Ɛksadɔso 13:14

Na sɛ kyẽa bie ɛwa bisa wɔ kyɛ, “Ɛhe bo kyire sɛɛ’ a, wɔ koso abua ye kyɛ, ‘AWURADE nate ye tumi piri so yeɛ ɔyele yɛ fili Misraim ngoaasolɛ nu ɔ.

Ɛksadɔso 13:16

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, anaa ngayeɛ wɔ wɔ nwoma so, ofikyɛ AWURADE nate tumi piri so yeɛ ɔyele yɛ fili Misraim ɔ.”

Ɛksadɔso 13:3

Na Mose sele mmenia ne kyɛ, “Ɛ́mɔkaye sɔ kyẽa he bɔ ɛmɔfili Misraim ɔ, bɔ ɛmɔfili ngoaasolɛ nu ne, ofikyɛ AWURADE nate tumi piri so yeɛ ɔyele ɛmɔ fili Misraim ɔ; yiti nnɛma ɛmɔdi paanoo harewaa biala.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Ɛksadɔso 14:18

Na sɛ ɔnate Faro ne ye teaseɛnam mɔ, ɔne ye pɔngɔhanɛfoɛ so mehyɛ me nwo animnyam a, Misraimfoɛ konwu ye kyɛ me ole AWURADE.”

Ɛksadɔso 32:11

Nakoso Mose pale AWURADE ye Nyameɛ kyerɛ kyɛ, “O AWURADE, wɔ mmenia bɔ ɛnate tumi piri ne anwoserɛ so ɛyele bɛ fili Misraim aseɛ so wale ne, nzu ati yeɛ afɛ bɛ so yaa piri sɔa ɔ?

Ɛksadɔso 6:1

Na AWURADE buale Mose kyɛ, “Afei de, ɛbaanwu nikyee bɔ ngɔfa ngɔyɔ Faro ɔ. Ofikyɛ, tumi piri kɔha ye kɔme asi maa ɔkɔyakyi bɛ maa bɛkɔhɔ; tumi piri kɔha ye kɔme asi maa ɔkɔfoa bɛ kofi ye aseɛ so.”

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Yesaya 55:13

Nekaa bɔ ɛfone wɔ ne, ɛframmire kofifi berɛ kosi ye gya nu, sesea kofifi kosi agurɛ gya nu, na ɛhe kɔma AWURADE dumaa so, ɔkɔyɛ nzɛngyerɛnneɛ afebɔɔ bɔ ye bo ngɔpɛ ɔ.”

Yesaya 64:4

Ofi tetetete yeɛ mmenia bennya bɛttele, anaa ɔppɛle bɛ so anu ɔ, yeɛ anyeɛ biala koso onnwuni Nyameɛ bɔ ɔte kyɛ wɔ bɔ ɔko ma bɛ bɔ bɛ wora wura ye nu kyɛ wɔ ɔ.

Yeremia 14:20

Ao AWURADE, yɛde yɛ bɔne yɛto nu, yeɛ yɛde yɛ nana mɔ b’amumuyɛɛ yɛto nu, ofikyɛ yayɔ bɔne yatia wɔ.

Yeremia 32:10

Na mvale me sa nwurale ye nwo ngrataa bo, mvale nzɔanoɛ nzɔle ye noa, mbenane ye nwo adanzefoɛ mɔ, na ngarili sikaa ne wɔ tonyi nu mane ye.

Awuye 3:42

“Yayɛ amumuyɛɛ, yeɛ yayɛ lɔen, na amva angyɛ.

Hesekiel 5:6

Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Luka 15:21

Na ɔwa ne sele ye kyɛ, ‘Baba, mayɔ nyameɛso ne wɔ nyunu bɔne, na memvata kyɛ ɛkɔfrɛ me ɛwa ko ɔ.’

Luka 18:13

“Nakoso ɛtoɔdidelɛniɛ ne de, oogyinane nziɛ nziɛ, na wanguro kyɛ ɔkɔma ye nye so kɔnea nyameɛso po ɔ, na mmom ɔfale ye sa guale ye ahone so hane kyɛ, ‘O Nyameɛ, nde bɔnefoɛ, na nwu me anwumvoin!’

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

Deuteronomi 5:15

Kaye kyɛ né ɛte kanga wɔ Misraim aseɛ so, na AWURADE wɔ Nyameɛ nate tumi piri ne tumi asaa so yele wɔ fili berɛ. Ye sɔ ne ati, AWURADE wɔ Nyameɛ ahyɛ wɔ kyɛ eli afofikyẽa ne aso.