Daniel 9:14 - AHYERƐLƐ KRONGRON

¹⁴ Ye sɔ ne ati, AWURADE asiesie amaneɛ, na wamaa wato yɛ; ofikyɛ AWURADE yɛ Nyameɛ ne, ɔtengyɛ wɔ bɔ ɔyɔ ɔ amukoraa nu; nakoso yɛ de, yandie ye dwirɛ.

Daniel 9:14 Iomraidhean Croise

2 Aberɛso Dwirɛ 12:6

Yeɛ Yisrael mbanyi ne Nana Rehoboam belele bɛ bɔne bɛtole nu, na bɛhane kyɛ, “AWURADE te teneneeniɛ.”

Ɛsra 9:15

O AWURADE Yisrael Nyameɛ, ɛtengyɛ, ofikyɛ ama yɛ ngaa ne yanya yɛ ti yadidi nu, kyɛbɔ kekesaala ye ɔte ye. Yɛ amumuyɛɛ nu yeɛ yɛwɔ wɔ nyunu ɔ, ɔwɔ nu kyɛ ebiala ngɔhora ngɔfa sɔ amumuyɛɛ ne ngogyina wɔ nyunu.”

Nehemia 9:33

Amaneɛ bɔ wato yɛ ne amukoraa, edi be, ofikyɛ edi nahorɛ, na yɛ de yayɔ bɔne.

Edwein 111:7

AWURADE sa noa nnwumaa te nahorɛ ne turoloo, ye ahyɛdeɛ amukoraa timu berɛ pindinn.

Edwein 116:5

AWURADE do sona, ná ɔtengyɛ; amba, yɛ Nyameɛ se anwumvoin.

Edwein 119:137

Ao AWURADE, ɛtengyɛ, na wɔ ndɛenbualɛ te turoloo.

Edwein 51:14

Ao Nyameɛ, me ngoadefoɛ Nyameɛ, pepɛ de me fi mogya nwo foɛlilɛ nu, na ngɔfa me noa ngɔto wɔ tenenee nwo dwein serɛ paa.

Ɛksadɔso 9:27

Afei Faro somane maa bɛɛfrɛle Mose ne Aarɔn bɛwale, na osele bɛ kyɛ, “Ɛhe de, mayɛ bɔne, AWURADE di be, na me ne me mmenia mukoraa yɛdi fɔ.

Yeremia 12:1

Ao AWURADE, sɛ mebɔ wɔ kwaadu a, edi be kaenn. Nakoso maa mva me dwirɛ ndo wɔ nyunu. Nzu ati yeɛ oyie bɔnefoɛ yé e? Nzu ati yeɛ ngɔngɔnzaafoɛ amukoraa bɛ so anu atɔ bɛ ɔ?

Yeremia 31:28

Na ɔkɔwa kyɛ, kyɛbɔ nneane bɛ so kyɛ ngotutu bɛ bo, ngobubu nu, ngodwiri ngogua, ngɔsɛkye, ná mama musue ato bɛ ne, sɔ ala yeɛ ngɔnea bɛ so ngosi ná malua ɔ, AWURADE noa dwirɛ ɛne.

Yeremia 4:17

Bapɛ ye nwo bayia kyɛ ahwɛsofoɛ bɔ bɛnea eboo ɔ, ofikyɛ wayɛ me nwo lɔen, AWURADE noa dwirɛ ɛne.

Yeremia 44:27

Ɛ́mɔtie, ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ; na Yuda mmienzua amukoraa bɔ bɛwɔ Misraim aseɛ so ne, bɛkɔtotɔ wɔ ngrandɛ noa, na ɛhɔen kohũhũ bɛ maa bekowuwu, kɔpem kyɛ bɛ boso konua ɔ.

Awuye 1:5

Bɛbɔ bekyi ye ne, bakakyi ye mene mɔ, wayie ye pɔfoɛ mɔ yé, ofikyɛ AWURADE aprapra amaneɛ wagua ye so. Na ɔnate ye mmeraatolɛ worawora ne ati, ye pɔfoɛ mɔ bahye ye mma mɔ nnure, na bafa bɛ bahɔ.

Hesekiel 16:43

Na ɔnate kyɛ angaye mmerɛ bɔ né ɛte abaayaa, na mmom afa ɛhemɔ amukoraa ahu m’ahone ne ati, tie, ngɔma wɔ yɔleɛ kɔbɔ wɔ ti so, AWURADE Nyameɛ noa dwirɛ ɛne. Aso amva nyanzoen bra ammoka w’akyiwadeɛ yɔleɛ amukoraa so?

Daniel 4:34

“Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Daniel 9:7

O AWURADE, wɔ yeɛ tenenee te wɔ deɛ; nakoso yɛ de, animguaseɛ yeɛ ɔte yɛ deɛ maa waadwu ɛnɛ ɔ: Yudafoɛ, Yerusalemfoɛ ne Yisraelfoɛ amukoraa bɔ bepingye wa ne bɛ bɔ bɛwɔ nziɛ nziɛ, wɔ aseɛ amukoraa bɔ atu bɛ aagua so ɔ, ɔnate nahorɛ bɔ banni bamma wɔ ne ati ɔ.